地產博客 > 文亮言 返回
瀏覽人次:20673    回應:9
文亮言
加息,何懼之有
 
湯文亮博士
紀惠集團行政總裁
2018年3月13日

  我寫過不少文章提醒買樓的人小心加息,但得不到預期效果,有不少人話加息,使乜驚,香港是不會加息,就算美國加息,香港亦不用跟隨,理由是香港的存款太多,而事實又勝於雄辯,美國啓動加息程序已經兩年,加了五次息,香港不但一次也沒有跟,反而有銀行減些少利息,就算現在美國香港的息差已經擴闊至超過1%,少專家仍然表示即使美國今年加息三至四次,香港最多只需要加一次息,即是0.25%,差不多叫大家放心,可以繼續買樓,而且有買趁手,試問那麼多人忽略了加息的危險性,官員著急都沒有用,樓市又怎會不升,就算加辣都解決不了市民疏於防範加息的心態。

  我對於那些話唔驚加息的人有多少擔心,因為當中的理由並不是他們自己可以控制,而是靠其他人幫忙,現在是存款太多而可以不用加息,但香港的存款是很容易離開,而事實上我們應該有心理準備隨時會加息,但有一些人對加息表示何懼之有是極之正面,他們資產負債比率不高,最低限度在一個可以隨時承受加息的水平,我認為他們才可以隨便話加息,使乜驚。

  上星期金管局陳德霖在網誌表示,港匯轉弱,何懼之有,並且不怕港元兌美元觸及弱方保證,這表示大家要小心隨時會加息,因為當港元兌美元觸及弱方保證,已經有很多存款被移走,大家一直認為存款太多而可以不用加息的神話正在幻滅,加息是可以隨時發生,那些以前話加息,使乜驚的人很快就知驚,但不知道是什麼原因,有很多知名銀行家不斷派定驚丸,有一些話上半年不會加息,另外一些話今年只會加一次,言外之意即是說,加息,何懼之有,老實說,銀行家當然唔驚,在銀行的按揭貸款都是低成數,但是那些採用高成數按揭買樓的人就不應該說加息,何懼之有。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十郎 2018-03-13 09:19:18


      夜行吹口哨 !

3. Johnny 2018-03-13 10:29:44
真係加息,一個月咪比多一千幾百,最多每日食飯飲少杯檸茶 xD
4. 長揸 2018-03-13 10:37:02
買樓是買入未來幾十年的投資,總會經過幾輪加息減息,平常心對之啦。樓宇單價數目不心,相信入市前都有計掂條數。無通真有條方程式,加息賣樓減息買樓?
5. 十一哥 2018-03-13 11:59:09
老年已經話加息係鷄棚、觀點今日未改、加多少…係吹得多點都要整色整水還多少。

銀両冇碇走、脫歐前英國寬鬆…倫敦泊咗好多銀、脫歐遊資少咗個碼頭、美佬呢十幾年政策…玩到D銀唔敢返屋企、香港就來去自由又少問長問短…邊度會好D ?

減首期比人上車…白痴嘅 ! 而家近山頂、再多咗人爭上車…你有樓賣會唔會平走 ? 好多唔夠銀…上到車座唔到長途、衹想座短途執多少就落車、後果自己想像啦!

9. 真真薯片 2018-03-13 12:21:23
在下估可能第4季甚至明年先會提速加息, 配合美元指數反彈上105-110, 再加埋16年果堆呼吸plan岩岩夠期, 三鬼拍門, 股樓就有一浪明顯調整

不過就算明顯調整, 都係講緊跌20-30%, 今日炒到18000蚊既樓, 跌3成都仲有12600, 當守唔住既業主死晒, 換入實力買家持貨, 林鄭繼續維持低供應, 配合地霸罷賣, 跌浪維持唔夠一年, 美元跌返, d樓又會升返
10. 加息乃不可控因素 2018-03-13 12:28:14
加息大家都控制不了,反之亦然,因未來十年也有可能加不了多少息,更有可能幾年後美国佬又出QE4,所以一直不上車也要面對樓價及租金的升災風險。
11. 跌市大赢家 2018-03-13 12:38:32
就算港樓未來幾年大跌三成至五成,內地土豪入埸撈貨執筍盤的能力及信心也比香港人高得多。

本地淡友不會是贏家。下一波跌市,香港更多物業會落入大陸投資者手中。

大跌5成,政府還敢不撤BSD吧?
大跌5成,即使還有BSD, 威力也大減。

12. 真真薯片 2018-03-13 13:04:16
每一次跌浪, 都係貨源由弱者轉去強者既浪, 所以跌完之後, 根基更穩

反而應該留意今年官地中標價, 如果中大型地皮下下地價都過萬, 咁約4, 5年後大部份新供應地價成本都過萬, 到時兩萬蚊呎就真係new normal了
14. LC 2018-03-14 04:28:56
噤又未必,加息好多其他國家頂唔住,香港又無得調整幣值,到時睇外圍因素都唔少得,而家噤既情況,只有美金跌,or 股票不斷升,個樓價先會合理化,otherwise , 貴成噤,好難保持,睇返new york ,都係一萬蚊左右一尺,講緊深水埗都唔只E 個價錢。 所以再爆升其實唔係好合理,就是可以係現位置穩定上落就好好,但係睇黎個勢 CCL 點都係要升過 180 。