地產博客 > 文亮言 返回
瀏覽人次:24984    回應:9
文亮言

點解要賣樓

 

湯文亮博士

紀惠集團行政總裁
2018年1月14日

  今日我們聽到很多人講,因為我經常發表睇淡樓市文章,所以沒有買樓,雖然,亦有人話知道有業主因為我的言論而將自住單位賣走,不過,那些人為數不多,而且沒有確實的例子,在過去幾年,亦有不少人在沒有迫切性壓力之下將自住單位賣走,但沒有人夠膽承認是聽從一個陌生人意見,因為這是很失禮的事。

  每一個人賣走他們的自住單位都是有其理由,最大的不是聽從別人意見,亦不是太貪心,而是供不起,或者供得很辛苦,見到其他沒有物業的人自由自在,把心一橫,將自住單位賣走,但那些人從來不在傳媒面前發表意見,他們知道,個人行為是由他們自己負責,任何評論員所講的都是一些大塊文章,在物業市場,無時無刻都有一些因素影響樓價上升,亦有一些因素影響樓價下跌,睇好樓市的評論員將利好因素無限放大,將不利因素隱藏,反之亦然,但並沒有將讀者情緒計算在內,買唔買樓,或者賣唔賣樓,主要都是個人決定,嚴格來說,評論員說話的影響是很輕微,其實,我亦很想了解那些沒有迫切性而賣樓的人心態,點解他們要賣樓。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 真真薯片 2018-01-14 10:16:21
如果冇迫切性賣樓既人都唔賣樓, 就更加冇人賣樓, 仲大鑊
2. 孟波 2018-01-14 10:20:16
如果有人落錯車又後悔,最,自我安慰說話就係聽錯專家意見啦,唔通認自己蠢?睇錯市?哈哈!
3. 妄想症候群 2018-01-14 11:12:21
沒有迫切性而賣樓的人心態,點解他們要賣樓的大部份是人工不高的打工仔,兩公婆挨十幾年都只儲得幾十萬做首期上車,幾年後曾樓升咗過百萬,諗住賣咗變現即刻變成百萬富翁,忽然間升呢晉身富裕階層,一廂情願以為樓市會如佢地所願下跌可遲些購回平倉,唔知自己賭緊舖大嘢,一失足成千古恨,妄想靠炒賣自住樓能夠由無產階級變成有產嗰種誘惑好多人抵受唔住。
5. 引刀一快 2018-01-14 14:03:29
如果有人捉唔住個頂,等到跌返先嚟後悔,自我安慰說話就係聽錯專家意見啦,唔通認自己蠢?睇錯市?哈哈!

for  :日日大吹大擂嘲笑落車客果類人.
6. 向飯民說不 2018-01-14 14:22:00
引刀,你d大陆楼泡沫更大,有无准备啊。
7. 儍牛 2018-01-14 14:43:03
我地捉唔捉到個頂就唔知,不過引刀就肯定成功捉到個底🐮
8. 悲劇 2018-01-14 14:55:29
樓價持續攀升,花旗銀行公布2017年第3季市民置業意向調查,結果顯示,認為可用400萬港元以下置業的受訪者比例逐年遞減,由2012年的79%下跌至2017年的53%;有16%受訪者認為需800萬元或以上置業,為5年以來新高。 

調查亦顯示,過去10年內推算有至少36萬港人「落錯車」,即在出售物業後沒有再次置業,當中有20萬人至今沒有任何物業。而其餘16萬人則本來擁有多於1個物業。 

眞的是陰公。歳月不饒人,這班人有好多永远都上唔番車。
10. 引刀一快 2018-01-15 07:36:41
向飯

我一向睇淡大陸,不過作為用家就絕對筍,所以我推薦大灣區。至於準備,不必了,跌九成我都唔會負資產,我D貓仔狗仔好快樂咁生活,養魚養龜養雀又要地方,你呢?你準備好未?
11. 引刀一快 2018-01-15 07:42:11
傻牛

幾時學咗賣口乖?我真係有部分大灣區貨仔係喺底嘅呀。