地產博客 > 文亮言 返回
瀏覽人次:24414    回應:13
文亮言

不患貧而患不安

 

湯文亮博士

紀惠集團行政總裁
2017年10月20日

  有老友不明白,點解我一直提醒財力不足的人買細價樓要小心,不如與其他評論員一樣,實說實話,樓價在供應少,利息低的情況下一定會繼續上升,最多加一句量力而為,老實說,我同意現在是供應少,利息低,但供應現在開始增加,在今年內,大多數地產商要為他們的新樓盤提供高成數按揭才可以去貨,所以,我認為供應不足已經是過去式,代之而起的是龐大數目供應量,至於低息環境已經去到尾聲,如果耶倫能夠繼續出任美聯儲局主席還好,加息步伐將會是緩慢而慬慎,如果由士丹福大學經濟學家約翰泰勒出任,加息步伐相信會是凌亂而急速,我雖然認為耶倫連任的機會很大,但世事無絕對,萬一由泰勒出任,美國可以在短期內加息3%,即是每借100萬,每個月要多付2千5百元利息,採用高成數的人將會承受極大壓力,這才是我提醒用高成數按揭買樓的人要小心理由,供款構成長期壓力,一般人是很難承受得起。

  不少人話,買樓是剛性需求,唔買樓都要交租,如果是這樣的話,現在買樓都可以,但大多數所謂剛性需求,就是父母幫助那些住在家裡仍然未有能力的兒子買樓,甚至加按自住單位來幫助他們,貪兒子不用付15%特別印花稅,又或者兒子想過獨立生活,父母付首期後他們負責供款,在買樓之後父母兒子全部都會知道,長期供款才是壓力所在,點解無端端要承受這些不必要壓力。

  在兩年前有公屋居民放棄租藉轉買綠置居,所買入的單位亦升值不少,不過升值又如何,他們是不能夠賣走綠置居單位,最近入伙後向外界表示,如果有得揀,他們不會買綠置居,本來可以在六十歲退休,而退休後仍然可以繼續住在公屋,生活是相當寫意,在買了綠置居後,揹了一筆龐大債務,不但唔敢退休,現在更加生活在誠惶誠恐裡,擔心突然被解僱,現在他們才明白孔子所說「不患貧而患不安」的意思。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2017-10-20 09:48:10
買樓當然係剛性需求喇,所謂有樓有高潮,就算唔剛,起碼都係性需求嘛。
2. 引刀一快 2017-10-20 10:07:57
爲兒子想過獨立生活而買屋,如果唔係大富之家,咁就真係廿四孝老竇。折中辦法,又係果句,應該去大灣區睇樓,呢排D靚區仲升咗D,不過,香港新樓八份一單價,依然可以搵到唔錯嘅地方,而一千蚊呎依然大把,月供平一大截,咁就既不患貧亦不患不安喇。

大灣區嘅屋,依家可能預算俾兩老養老,過得十零年,可能個仔住慣咗大屋,爭住要添呀。
3. 杞人憂天 2017-10-20 11:32:03
埋嚟睇,埋嚟揀!係苟且偷生嘅公屋富戶,你可以揀喺公司hea住做搏炒,唯一擔心老闆唔配合, 仍然係富戶被迫遷無法過上寫意的退休生活。香港還好未徹底沉淪,在綠置居例子中,此等不思進取口舌招尤苟安之徒為數極少,你唔啱就成千上萬個申請自會補上。
4. 鳥5. 2017-10-20 12:51:20
香港向高位,壓測係上限3%,D果可以參考為臨介點。。即(失預算)參考利率。。(失預算)直接影響持貨人(心理質素),(樓價以入市計)向下波動大於持貨人2~3成。。兩者到摽就5係個個頂到2~3年。。。D果係人牲
5. 鳥5. 2017-10-20 12:59:41
美國尚是領導國,玩乜佢玩先,弱国跟,明年初欧洲跟。。理應美國提速,方為美國利益最大化。。佢係5畣 蝕章比其他国,香港係 開放資本帳地區。。資產價係比較被動。。O8年地球~16年放既水要4年内收回。。大约概念就係甘
6. 鳥5. 2017-10-20 13:19:57
耶倫(暫時)表述係2.75-19年係美國基準率目標。08年前債表。。分4年收。。但在下(覺得),欧洲络叠鬥收水。佢就可以提速,全球鬥(搶錢)。。。
7. 真真薯片 2017-10-20 13:31:19
賣綠置居本來唔係問題, 樓市高位賣綠置居先係問題

話時話, 樓市高位正苦應該多d推地, 等地霸接貴貨, 削弱防守力, 就算流標都可以當係冷水淋下樓市, 不過正苦最關懷地霸, 點會係高位賣地比地霸, 所以立即放慢賣地, 收保地霸防守力, 首置盤又係明益地霸最後被叫停, 睇黎林鄭都係遍向行貪憎既明益地霸之路
8. LC 2017-10-20 15:23:59
香港係外向型經濟,加埋大陸噤多有錢人黎買,其實香港點供應法都無乜分別,你睇 my central 個盤 一半人都係買兩個以上,唔通真係生噤多仔咩。。。

但係主席話要加強香港既管治,如果係噤,價錢應該唔會比深圳貴,的確四百萬一個得少於  30 平坊既樓係深圳唔應該會有,香港自然都唔應該會有,發展商提供,8成到 8成半一按比D 無房單位,的確係一個大既問題,我估計ED 單位頂多值一半價值。好似D 股票噤,唔跌市,你真係唔會知邊一只股係有實力。大陸人唔會買D 噤平噤細既樓,資深既投資者我諗都好少會買,但係因為唔夠首期,既用家就會搶住買。

     三四百萬連房都無既單位都槍住買,有少少好似當年盲槍鹽,你叫D C9 唔好去搶鹽,佢反而覺得你係壞人。
9. 占士 2017-10-20 17:02:56
10. 真真薯片 2017-10-20 20:03:32
阿爺過去叫佢d 0靚調控樓市, 班0靚慘過擔泥, 日日出通告, 樓價跌得果少少

阿爺一話去庫存, 一呼百應幾個月就搶高5成, 一倍

依家阿爺又話要調控樓市, 又再次拉牛上樹, 之後會點自己諗
11. Jon 2017-10-21 01:25:31
上了Property.hk 4/5年,我终于明白为什么厉害的人一个一个离开了,有上来都不愿再分享了。。
12. 引刀一快 2017-10-22 08:59:52
有D人表面睇長線,實質係短炒,有D人表面睇短線,實質計劃係長線,有D人分唔清,有D人心水清。
13. 同意11樓 2017-10-22 13:05:36
我也有同感。本論譠逆向淘汰,依家留言的大多數都是一些垃圾言論,高質素的師兄師姐們都被趕走了。