地產博客 > 文亮言 返回
瀏覽人次:22926    回應:19
文亮言

次高又如何

 

湯文亮博士

紀惠集團行政總裁
2017年9月16日

  我知道雖然我去了旅行,但如果在星期五,中原指數上升,一定會有人用短訊話俾我知,昨日,中原指數上升,又短訊除了話中原指數是歷史次高,同時強調有分析員話指數到年底還有5%升幅,潛臺詞是現在唔買樓就笨,我沒有回覆,首先是我正在享受假期,其次是那位分析員都唔識計數,昨日中原指數上升了0.21%,今年還有15星期,就算每個星期上升0.21%,最多只是3.196%,又點會上升5%,況且,要連續上升15星期,在搵地小組出現,地產商積極補地價之下,應該是沒有可能,我不但認為沒有可能,並且維持年初的預測,今年是先升後跌。

  如果今年還有5%升幅是出自物業代理,那就不會奇怪,他們為了做生意而說得誇張一些,大家都可以理解,但出自分析員則有一些硬銷味道,其實,即使睇到市況向好,做分析員都要提醒買家留意風險,因爲損失在房地產投資會比股票大得多,除非他們學張作霖,他只是慎行,不會慎言。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2017-09-16 09:37:02
應該係3.196%。


2. Maths 2017-09-16 09:40:12
1 x (1+0.21)^15
=17.4%
3. William Chan 2017-09-16 09:49:59
樓上都吾識計數,點攪?
4. 十一哥 2017-09-16 11:52:05
咁高位入手…求幾個% ? ? ? 咁重嘅抽水使費…仲要扎實幾年、有乜燒炮仗就嚇餐死、執2成先叫和和果果、咁叫投資  ?當然大把水…可以守到下一世收成都得嘅就除外、起碼證明…磚頭長線係贏梗嘅真理!


5. 真真薯片 2017-09-16 12:47:59
啟德新盤拆實兩萬蚊呎, 130個單位竟然賣晒

睇黎今年樓價就算唔再升, 今年內最底限度都可以維持高位, 今年內想樓價跌, 相當難

博士明年二月過年後, 等12月差估處數據都出埋, 需唔需要再擺認輸宴?
6. 博士fs 2017-09-16 12:58:43
5樓

未到最後,未知鹿死誰手,博士一定贏!


7. 超级利好 2017-09-16 14:58:57
林太為咗推港人首置,會把公私土地比例從現在的6:4變成7:3。私樓供應大減,未來十年香港摟價有好大升值空間。
8. 樓價上升動力 2017-09-16 15:21:04

从深圳人均GDP 2020年超西欧和日本开始,中国各个地区人均GDP将陆续超过西欧和日本,到2025年中国将有20个以上大城市人均GDP超过西欧和日本。

2016年上海是中国第一27466亿,北京是中国第二24899亿。可以看出上海和北京是遥遥领先的两个巨型城市,也是仅有的两座GDP超过两万亿人民币的城市,两个城市的人口都超过了2000万。

這20大城市只要有1%富豪有興趣買港樓,香港人就大件事。


9. 不要同趨勢對抗 2017-09-16 16:16:52
天要下雨,香港樓價要上升,無計!
10. Admin 2017-09-16 17:47:44
謝引刀兄, 每星期基數先加0.21%, 15個星期的确多0.046%
11. 真真薯片 2017-09-16 21:01:02
博士應該講清楚點為之 “今年先升後跌”, 係咪只要差估署12月數據, 或者CCL最後一個星期數字唔係創新高, 都算叫做“今年先升後跌”

如果係咁, 博士真係幾難輸
12. 先升後跌 2017-09-16 22:25:55
大家的理解是博士認為今年上半年先升(相對2016年年底樓價指數,然後在下半年下跌,而结果是2017年最後一周指數比2016年最後一周指數還要低。真真,你太睇少博士了。
13. LC 2017-09-17 00:01:50
睇黎湯生對市場既前境都係睇淡D 。
小弟對香港樓市還是睇好 理由如下
1. 歷史供應數字黎講,香港最多都係三萬一年,而香港缺少左既單位同以前唔同,今時今日有好多中港來往既人,有黎讀書,有黎做生意,有黎買野,所有人都有機會用到住宅。所以未來三年就算每一年都有三萬個單位供應,都只不過淡化己經無晒位既住屋情況,劏房一日都有需求,就証明香港既供應還是失平衡,而劏房戶有十幾萬之多,不是三五年可以補救既市。

 2, 君不見海運名店又排大長龍,因為RMB 又再上升而美金下跌,大量既資金再度流入香港,會造成投資需求增加,香港而家樓貴既問題係因為比得起錢既人太多,政府實在對此完全無方法,就好似經濟好就會易塞車一樣,個個都有錢買車,你提供車位既數目快定係經濟增長快?

3, 環看新加坡同亞洲樓市己經跌左唔少,點解只有香港不停噤升,其實如果樓市跌,跟本唔會再有買樓既需求,問題係而家租金同樓價同步上升。即係買股票既人多過賣股票,香港有錢既人增覆多過供應。有經濟學家提出,如果一個城市最高消費行業都重係好旺既時候,經濟絕對唔會差。以香港人既搵錢能力黎講,我見唔到樓價會轉向既理由。
























14. 引刀一快 2017-09-17 09:07:11
1,樓價跌緊睇下仲有冇人買吖。

2,俾得起錢嘅人確係多,但係嚟嚟去去就係果班,問題喺呢度,就好似大陸嘅東北。

3,同上,唔知呢個經濟學家係邊位呢?
15. 真真薯片 2017-09-17 09:23:16
在下點敢睇小博士

年底同6月底樓價比都算合理, 要用今年底同上年底比, 就未免強人於難了
16. 博士 2017-09-17 09:52:13
2樓)你的計算是每一個星期升21%,嚇死人。
真真)我由始至終所指的先升後跌是上半年升,下半年跌,沒有搬龍門,如果不是有高成數按揭,有機會是年尾低於年初。
13樓LC)你不如先睇我早兩日所寫的文章,大數據不如小觀察,BTW,那位經濟學家叫什麼名字,他說得沒有錯,問題是香港現在的高消費行為正在下跌。
17. To 15 樓 2017-09-17 10:03:45
18. 真真薯片 2017-09-17 11:56:23
即係年底要低過年頭, 但係跌幅少過一成

年頭CCL係144, 即係未來15個星期每星期要跌一點, 老實講, 除非第4季股市or深圳樓爆大大鑊, 否則呢個預測相當難中, 明年or後年見返144甚至140都仲有d機會
21. 湯瑪斯 2017-09-18 10:40:10
雖然我唔係經常同意博士的預測。不過,我同意他今年下半年樓價應該睇淡,有且將會轉勢向下。