地產博客 > 文亮言 返回
瀏覽人次:27720    回應:24
文亮言

新特首選戰(8)凡是敵人贊成的,我們必須反對

 

湯文亮博士

紀惠集團行政總裁
2017年2月8日

  林鄭開了Facebook ,雖然沒有加我,但我相信林鄭團隊一定有人睇「新特首選戰」,亦有人懷疑我有沒有咁多料可以寫,其實材料隨時隨地都會出現,今次林鄭開了Facebook 之後,換來兩萬個嬲嬲豬,連林鄭自己都話,他揹著CY2.0包袱,真的是很辛苦,換而言之,叫CY唔好再撐佢,因為CY越撐,林鄭得到嬲嬲豬的數目越多,原因就好似毛澤東所說,凡是敵人贊成的,我們必須反對,林鄭所得的嬲嬲豬其實與她無關,大部分是受到CY太過熱心所累。

  CY在林鄭與曾俊華表態參選特首之後,不斷贊同林鄭,抨擊曾俊華,我真的不明白,唔通CY唔知道他自己是一個負面人物,他表態贊成的,大多數市民會反對,但是他反對的,市民又會贊成,如果CY有自知之明,下策就是贊同林鄭,反對曾俊華,中策就是不表態,上策就是贊同曾俊華,反對林鄭,如果CY稍為認識毛澤東理論,就知道我說話的道理,現在,CY反其道而行,令到林鄭啞子食黃蓮,爆了一句CY2.0就已經是最客氣的說話,我相信CY唔會亦唔敢行上策,不如行中策,以後對兩位候選人都不表示意見,如果堅持繼續行下策,最後,可能會有人打電話俾佢,叫佢唔好支持林鄭。

 

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. CDM 2017-02-08 16:55:25
凡是敵人贊成的,我們必須反對
凡是敵人反對的,我們必須贊成
2. 向飯民說不 2017-02-08 17:00:37
饭民吹鸡,先可以拿到兩萬個嬲嬲豬,其实好失败。
3. 向飯民說不 2017-02-08 17:16:53
饭民毒媒日日唱黑林郑,林郑吸几+万嬲嬲豬绝对不奇怪。同时就好多人有好多account,特别废青。所以不用大惊小怪。

富商上次站错边,这次应该醒了吧。
4. 鳥5 2017-02-08 18:11:26
哈哈!妙,,,好心做壞事
5. 引刀一快 2017-02-08 18:34:59
如果依家先嚟行“上策”,恐怕雙重效果。
6. Tony lam 2017-02-08 19:20:37
信呢D like/dislike ? 衹要唔好篤得太快過哂籠、咪多過7百萬就得嘞、玩呢D時輸家梗最積極嘅、現成有辦…儍刀、辣親佢時唔瞓都扯到行、䀹到個mon死死實、秒速反應、有時真係怕咗佢…休克。

縮骨曾而家方寸大亂、噏到過哂火位、傻嘅都唔信佢找到數、長遠目標  ? ? ? 噏大D等下家找數 ?  真係睇咀型最靈、可能佢睇過相、留鬚遮下、但冇計先天所限、D鬚又亂又旱冇乜作用。
7. 香港土著 2017-02-08 19:32:34
梁特根本就唔理民意,只係大聲疾呼西環指令,大多數建制選委一定唔夠膽唔跟,始終提名要開名……
8. 引刀一快 2017-02-08 19:59:26
梁先生依家嘅心態,到底係點,應該要揣摩一下。

同時,看林鄭反應,將來是否蕭規曹隨,亦可能未必。
9. 引刀一快 2017-02-08 20:05:50
乜條琳琳縮咗嚟呢度反擊呀?係唔係想撩我玩朴傻瓜呀?

哈哈哈
11. MC 2017-02-08 23:15:04
博士,依家林鄭辦公室FB 已經得到超過三萬六千個嬲嬲🐷啦!Like 祗有三千六百個,証明毒娥又一次堅離地,還有所有留言十個有九個都係勁踩到佢盡。如果佢有自知之明明,就唔會開FB專頁,又一次公關災難!哈哈!
仲有佢條片,要四個年輕人教佢上FB, 好假呀,令人作嘔!

12. 引刀一快 2017-02-08 23:38:32
唔係嘛?Sugar咁多次“誠邀”你岀嚟對付我,乜打兩嘢就玩地道戰呀?
13. Tony lam 2017-02-09 00:50:40
長毛參選仲攪劑民投背書、反民即時死局、應第一時間投佢一票、衹要3萬幾票  ?  一於比多幾倍佢、送佢一程去打散反民、睇下反民點拆局、度橋呢條友、唔係…二五…就肯定係壞腦嘅 !

sugar baby ! 為博紅顏一笑、隊到傻刀媽媽跳 ! 比佢抖下啦!睇嚟今晚佢實㩜住個mon眼泛淚光到天光。
14. 引刀一快 2017-02-09 00:58:36
係嘞,咁先似様,唔係Sugar以爲你唔掂呀,陰功。

繼續寫喇,呢排冇沙包,你只老屎忽啱駛嘞。
15. Tony lam 2017-02-09 01:01:03
儍刀  保重呀!廣州咁凍、大棚更凍、溫馨提示…真係頂唔住時、縮入去狗屋豪宅㩜住狗狗取暖啦!
16. 引刀一快 2017-02-09 01:05:03
琳琳,唔駛你擔心,我擔心你今晚冇力寫落去就真,啪幾粒養隂丸先喇,哈哈哈
17. 引刀一快 2017-02-09 01:14:21
喂,打字咁慢㗎,中風手指癱咗呀?
18. 三哥 2017-02-09 11:10:03
根本CY就係葡萄林鄭有得做特首,自己就乜都冇,所以玩一招回馬槍隊翻林鄭。
19. 三哥 2017-02-09 11:38:08
在我之前工作的地方, 有幸碰到一位權術高手,當時我只是保持中立位置,但他認為不為己所用者殺!在開大會時,他將我的工作能力講到天上有地下無,但最後反而令到好多人對我產生的敵意,令我寸步難行!
注: 這種人多數假扮到語無倫次、語氣誇張,但內裏其實是心思細密綿裏針。
20. 向飯民說不 2017-02-09 12:08:28
楼上,饭民用的就是这招,打政敌。
21. 引刀一快 2017-02-09 18:10:33
To 19樓 三哥

有同感,呢個可能性好大。

呢類權術人大陸好多,男女都有,見慣。
22. 舍神 2017-02-11 14:29:27
如果中央由始至終其實屬意習握手呢?


23. 向飯民說不 2017-02-11 14:51:13
哈哈,引刀说的是,饭民就是這種人多數假扮到語無倫次、語氣誇張,但內裏其實是心思細密綿裏針,引刀就是代表。
24. 向飯民說不 2017-02-11 15:00:34
22楼,薯片迟迟才批准辞职,就知道甚么回事。握手并不代表甚么。
今日饭民在讲清讲楚说,特首要守规矩。似是而非。根本就是夺权。Trump 做了总统之后,签了多少行政命令。以前港英好像守规矩,但是立法和法院都是以英国人的利益为先。规矩和法院解释可以随时按照自己的利益去解释。所以港英是假规矩,是真独裁。
25. 引刀一快 2017-02-13 18:29:12
向飯

遲遲唔批,跟住一齊批辭職,咁又即係點解?

你梗係唔睇成報,全部一齊綜合考量就冇咁偏頗嘞!