地產博客 > 文亮言 返回
瀏覽人次:45194    回應:29
文亮言

人人買閒,大摩買莊

 

湯文亮博士

紀惠集團行政總裁
2016年1月8日

  大摩的外國高層可能唔知道有「細價樓爆煲論」,更加唔知道我發表了爆煲論之後苦況,在去年,絕大多數評論員預測樓市有升幅,我亦沒有例外,我話樓市先升後回,到年底,還有幾個%升幅,本來冇事,誰不知我手痕,在二月初發表了「細價樓爆煲論」,一時之間,變成了一個樓市大反派,情況好似在澳門賭百家樂,人人買莊,我買閒,當時,樓市牛氣沖天,只是成交量略嫌不足,點睇樓市都唔會爆煲,就算幾老友的評價員都沒有站在我一邊,我單打獨鬥,一向以來,年初的預測是非常初步,大多數投行,測量師行會在年中作出修正,甚至有測量師在十一月仍然會對該年度樓市發表新的預測,但我不能,因為只是我一個人預測細價樓爆煲,在不能轉軚之下,最終要擺認輸宴,好彩,或者唔好彩,細價樓終於在第四季以大步伐向下調整,我亦由狗熊變成英雄,其實,年中我都想轉軚,但我知道,轉軚即是認輸。

  今年樓價跌勢已成,我估計是集中在細價樓,但整體亦會有10%跌幅,與大多數評論員的預測吻合,今次輪到大摩力排眾議,估計今年樓市有5%升幅,年初跌,年底升,我覺得今次大摩大鑊,人人買莊佢買閒,其他評價員一定牛咁眼睇實全年樓市表現,大摩一定唔能夠轉軚,否則,即是認輸,如果唔轉軚,到年底有很大機會會輸,我輸就閒事一件,但大摩是大投行,賭輸就會影響商譽,而且人人贏,得佢輸,其實,大摩只是將預測稍為修飾,話今年樓市升跌5%,咁樣講,就立於不敗之地,不過,如果樓市真的是上升,無論升幾多,大摩都是大贏家,諗得過。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 蕭峰 2016-01-08 09:31:45
咁多年,投行預測樓市,從來冇中過。今次睇點收科。
2. TC 2016-01-08 10:15:41
瑞銀年年估錯
3. 向飯民說不 2016-01-08 10:27:15
尚家佬玩i kill you later 多,豪宅危機多一點
4. hifi 2016-01-08 10:28:17

年年銀行都估錯,有能係專登!!有反教意義。

5. 西門吹雪 2016-01-08 10:29:12

好似仲有花期睇升~~

2012年幾乎間間投行估跌,甚至有估跌4成,所以都費事睇佢地~~都係博士神D

6. 80後廢青 2016-01-08 10:55:21
投行估錯野 俾人插 都冇乜所謂 咪搵過另一個分析師再寫過 之前既事已經唔存在~ 
但湯博你有名有姓 得一條友~ 插你一定易過插大摩
7. 蕭峰 2016-01-08 10:56:19
瑞銀今年睇跌3成
8. 神祈小子 2016-01-08 12:34:40
以事論事,那些所謂大型投行發表的樓市意見真的無用,過往都有留意數間投行的見解,最終也是估錯哂,所講的「堅離地」,與博士所講的無得比,博士夠勤力天天分享經驗及見解,使我們這些樓市初哥很多啟發,反之投行每年出來一兩次出來吹下水,對問題見解很表面。

 

9. 老餅 2016-01-08 12:45:56
投行推介的東西是一個零和遊戲
10. 歷史長河 2016-01-08 12:51:22
按常理,投行預測樓市以跌為主。原因很簡單,佢唔希望大家買樓,希望買金融產品。
11. Win 2016-01-08 12:51:56
123
12. 占士 2016-01-08 13:07:46

其實,我們對投行推介一直都是半信半疑的。哈哈哈

13. 向飯民說不 2016-01-08 13:23:37
果d友叫你買i kill you later,話對充人仔升值,現在好多應該準備走佬。
14. Ronald 2016-01-08 13:49:33
陰公,投行做份報告花好大資源去支持理據,班友晚晚11點先收工。
15. 占士 2016-01-08 14:22:24

Ronald兄,我知道我的回答令那些大哥們很失望,非常抱歉!但我們老散,以往被他們那個多了,就那個那個啦呀!

16. 路人甲 2016-01-08 15:34:16

跌 10% 唔多吖!
睇新聞訪問D準買家,話等跌到30%,即300萬樓跌到200萬才入.唔知等唔等到..... (U_U)''


17. CD ROM 2016-01-08 15:42:33
相信大家對投行既樓市預測, 都免疫左9成lol~~~~~~~~
18. Tony lam 2016-01-08 16:56:28
我對住D iBANKER另捨臭寸嘅!佢地本質就係馬交爬仔、不過就碼頭十足、件件大學生、晚晚開夜 ? 等去老蘭炸馬 ! 咁你又蘇佢地 ? 當A準咁洗啫,買樓都揾A準跑啦,牛奶仔牛奶妹,抄埋一揸嘢扮專業分析,信佢地 ? 老湯實笑爆嘴啦!
19. 估神 2016-01-09 06:27:21
其實花旗都睇好呀!

20. 估神 2016-01-09 06:27:28
其實花旗都睇好呀!

23. 花旗大摩睇升是合理 2016-01-09 08:42:28
如果全部人都一致看淡時,市況就是見底或者離底不遠了,就如會出現政府救市之類的行為。
24. 西門吹雪 2016-01-09 09:30:31
回23
咁啫係仲要等花旗同大摩估跌先見底啊…不知要等幾耐xDDD
25. 引刀一快 2016-01-09 12:50:12
Simon1兄

你腦筋轉數真係快。
26. 無奈 2016-01-09 14:52:06
CD Rom兄,對呀,我從來都不信投行報告。

Ronald 兄,他們的確好辛苦,努力尋找證據支持其“歪理”。
27. 廢中 2016-01-09 16:58:59
「我輸就閒事一件,但大摩是大投行,賭輸就會影響商譽。」
摩笛追魂,中國神話......
投行靠得住,豬乸會上樹。
28. LYC 2016-01-09 17:31:21
29. 估神 2016-01-10 15:50:09
花旗都睇好今年回升呢!
30. 引刀一快 2016-01-12 07:11:40

徇眾大大要求,是次活動訂立截止日期,具體程序如下

本年度1月、4月、7月、10月,四個整月爲投票日,其餘日子爲討論時段。

各論者在每個投票月份均可改變立場,順應市況變化,表達睇法。

本活動無比賽成分,亦不設輸贏,旨在加強本年度樓市走向討論縱深度,希望大家踴躍參與。
31. 孟德 2016-01-13 11:21:57
在美國加息之後,美國5年到30年債息反跌。到見在差不多跟加息前平手。當日日唱加息,邊個咁大手入長債? 今年跟08年會好相似,10月有股災但由於之前經驗,同時會好快唱減息/再QE。因為春江鴨先買長債......