地產博客 > 文亮言 返回
瀏覽人次:85507    回應:58
文亮言

細價樓爆煲的疑惑

 

湯文亮博士

紀惠集團行政總裁
2015年2月11日

  連續出了兩篇講細價樓爆煲文章,社會上迴響之大,實在始料不及,更難得有社會名人回應,我實在受寵若驚。恆隆陳啟宗先生表示,金管局監管樓宇借貸甚嚴,現在亦相當健康,睇唔到有爆煲情況出現,這點我絕對同意,但陳啟示先生似乎忽略了財務公司的四按危機,很多不受金管局監管的財務公司,擁有不少三、四按物業,而那些三、四按物業,基本上是等待財務公司沒收,變成銀主盤後出售,據估計,總數大約有一萬二千個,文章出街兩日,並沒有財務公司的人否定,這可證明我的推斷雖不中,亦不遠,如果細價樓出事,必定由四按物業這個缺口開始,而今次情況,與美國次按危機非常相似,就是有物業的人不斷加按,以貸養債,做成消費狂熱,然後爆煲,樓價一落千丈,至今仍然元氣未復,陳先生應該知道,如果樓市如陳先生所說,無超額借貸,是相當健康,我亦同意陳先生所說,樓市不會爆煲。

  去年,全港評論員都說樓價會大跌,只有我和林一鳴唱反調,睇好樓市,今次我說樓市會在三至六個月會爆煲,林一鳴立刻撰文提醒我,非常多謝,他所說的五點理由我絕對同意,但這亦反映在過去半年樓市表現,樓價從去年中開始,已經有15%升幅,而且升勢沒有遏止跡象,我亦認為樓市如果沒有任何干擾情況下,升勢是會持續少則三個月,多則半年,便會掉頭回落,或者用爆煲是比較誇張,用見頂比較好,不過無論如何,我都是認為樓價會在下半年回落,明年供應增加,倘若美國加息,樓價會進一步下滑,不過,最多亦是比高峰時下跌兩成,說爆煲的確是嘩眾取寵,但大家都知道,文人多大話,文亮更加大話,要兩位回應實在罪過。但林一鳴兄認為到了5月10日,如果當日樓價大幅低於現在,就是沒有爆煲,林兄的說法,是誤解我說的爆煲是今日開始,可能是我文筆不順,令林兄誤會,非常抱歉。

  有人問我如何防範,買咗樓又如何,其實,大家又毋需擔心,樓價仍然會上升一成,之後才回落兩成,就算今日買樓,最多是損失一成多樓價,如果未買樓就忍吓手,無謂要損失兩成樓價,待明年底,樓價跌定後才再作打算,那時候以白武士姿態入市,不但威風,而且可以以合理價錢買到優質物業,此為物業投資者的「忍」,比「等」更上一層樓,是值得的。

  至於我講四按危機,只不過是大膽假設,小心求證,如今,全港有心人士都求證,如果發現我說的是虛言,樓市一定不會出現危機,但如果我所言非虛,大家就會小心一些,若非必要,一定不會入市,樓價便不會進一步上升,就沒有爆煲可能,結論是我是有輸冇贏,我不但願意接受這個事實,更但願如此。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. CDROM 2015-02-11 10:52:03
博士不惜犧牲名聲招牌黎保住樓市健康發展既用意我地收到晒,俾十個like 你!
2. 占士 2015-02-11 10:54:09

博士,您真是用心良苦呀!

3. 長毛粉絲 2015-02-11 10:57:41
樓價不會在今年爆煲,如果真的爆煲,也不會由四按引發。樓市今年不生不死,平穩發展就真。湯生說爆煲,不過是警告政府勿再出辣招,否則爆破的責任,社會大眾必定認為當歸政府莫屬。至於樓市上半年會再升一成,我則抱懷疑態度。
4. 長毛粉絲 2015-02-11 11:00:30
政府警告會再次出招,適逢湯生突然語出驚人,這難道是巧合?
5. 無名 2015-02-11 11:00:37
博士用心良苦 無奈既得利益者為保利益誤導買家接火棒 罪過罪過
6. 路人乙 2015-02-11 11:02:47
智者見於未萌時!
很高興博士有這樣的勇氣與膽識公開自已的見解。
7. 師奶仔 2015-02-11 11:03:14

博士, 您好!

謝謝您今天的詳細講解, 讓我呢D C9可以明白多一點.
去年10月我也簽了臨約, 今年1月已經成交了.
雖然不是第1層樓, 不過聽到果'' 跌'' 字, 心裡一定不會HAPPY.
做人好矛盾的, 我入左層樓; 
但係, 都想其他未有樓,而又想上車的可以入場(當然唔係高位拉)

小妹在18歲時, 老媽子都以我們兄弟名義, 預先買左樓, 所以, 對於買樓的事, 雖未到司空見慣, 也是駕輕就熟. 當時,唔係自己錢, 又對$ 無乜概念, 所以升跌都無咁上心.

年頭正式入左貨, 就唔理咁多. 
做人唔係下下唸住$ 既,
不過, 正所謂, 錢不是萬能, 但係'無錢' 卻萬萬不能.
世界好現實, 出門口坐車, 吃飯, 甚麼都是'消費'.

目下, 只想再儲$ 將來适當時候, 再入多間, 這是養老屋, 幫我出薪水的(退休後)

祝好!
8. wake 2015-02-11 11:04:23
    我有少少疑問,點解會假設四按的物業的業主一定會供不起呢?如果加按的金錢是用於投資其他比加按利息支出回報更高的投資;如車位,人幣定存等。    又為何會假設銀主盤會令樓市下跌呢?用咩理由去假設銀主盤會比市價低很多呢?
9. wake 2015-02-11 11:11:20
補充少少......
我估博士用意只是提醒準買家或想市場定一定.....唔好再咁瘋狂"姐"...哈哈
應該今年樓市都會平穩發展的.....
10. 忠實粉絲 2015-02-11 11:15:58
我追睇博士文章幾年了,這文章的與之前的style好不同,我信博士有不能說出街內幕原因,現在潑冷水,保住往後整體樓市健康,用心良苦!!又或者,過於温文理性文章冇影響力,博士也要嘩眾取寵,他的信息才可廣泛傳开!實則虛之……我大膽估計博士真心話,就是細价樓仲有排升,趁未到頂前出口術落藥止燒……
11. 亮劍 2015-02-11 11:19:06
小弟十分之相信,那些唔係玩玩下,即真正做地產發展嗰班,一定有做調查。
例如他們會搜集下列数據:
呢十幾年以來政府的土地交易日期同金額;
自己及行家幾時過圖則,取得動工纸;
他們又會「間唔中」路過「八卦下」行家,呢D地盤的建築進度,「順便」預計人哋真正落成日期;
佢哋亦會「密切留意」人家幾時開楼花盤,預開幾銀一呎……


要是「有得閒過頭的人」,已經或做咗上述功課,咁打後幾年香港實際有幾多件私楼,可交倒鎖匙,咪唔使淨係聽政府老點?
12. Peter Paker 2015-02-11 11:24:49
「有得閒過頭的人」,你唔係話我?
14. 惜緣 2015-02-11 11:37:35
To 13樓 運兄

兄台令在下係呢刻才明白什麽叫做:“以小人之心度君子之腹”。
15. 同不同 2015-02-11 11:38:05
看博士文章似懂非懂,常要重複回味。火災原理需要材料,火種,空氣,焰料。缺一不可。樓價爆,可能還不夠材料。哈哈哈
17. 亮劍 2015-02-11 11:45:05
PP兄……閒人捨你其誰?不過現在湯生要捨身為熾熱的细碼樓降溫,你畀下面唔好喺呢家亂寫嘢玩踢爆。
但你要静鸡鸡畀D消息過我呢個八卦公。
19. 壞消息入市,好消息出貨 2015-02-11 11:52:16
20. (cc) 2015-02-11 11:52:54
一石激起千層浪,高招!
當然,要博士身份地位先可以啦

若是細價樓爆煲,涉及好多中低層市民,政府千祈咪亂來!
政改,連任……難!

21. Peter Paker 2015-02-11 12:04:30

To: 亮劍兄


我近期好忙,邊得閑做埋D無謂野,我要準備揪B女,可能要停寫一排,冇咩野都唔好搞我 la

22. 小弟子 2015-02-11 12:06:45
11 樓 亮劍 師傅,

以下是直至2014年私人單位落成量有關資料,但並沒有2015年樓宇施工量統計資料,希望對師傅有幫助 及 給予進一步預測分析,謝謝!

https://hk.finance.yahoo.com/blogs/tokuhon/2014%E5%B9%B4%E4%BD%8F%E5%AE%85%E4%BE%9B%E6%87%89%E7%B8%BD%E7%B5%90-021415368.html

2014年住宅供應總結

自  | 趣遊樓市 – 2015年2月2日週一香港時間上午10:14
  • 運輸及房屋局在130日公佈截至20141231日,私人住宅的施工及落成數量,詳情請看以下網頁:

    http://www.thb.gov.hk/tc/psp/publications/housing/private/pshpm/index.htm

    不過,有關紀錄只顯示到2004年,筆者一向都有追蹤這個數據,最早的資料追索到1997年,從而合併成此圖:

    施工至落成大約有三至四年的時差,所以參考之前公佈的施工量,可以知道未來的落成量。雖然已有論者表示,以今年17,200個施工量,和15,700個落成量,不單只遠遠低於八九十年代時數萬個,只不過是2005年的水平左右,離供應充足還有一段距離。

    不過,要留意,政府的十年建屋目標是每年48,000個,當中公私營比例是六比四,即是平均每年的私樓供應量是19,200個,現在的水平只欠10-15%。而政府由2010年開始每個月都推出地皮,至今已經出售了近百幅土地,正如之前文章所述,部份2010年賣出的土地如東涌的昇薈,也將於今年落成,可見未來三至四年,將會出現私樓供應的增長期。

    計算2011年至2014年,四年間總共有60,300個單位施工,這些單位將於未來四年內陸續落成,表面上每年平均大約15,000個左右。但不要忘記,從2002年孫九招開始停建居屋,到去年開始出售新居屋,亦將於一兩年內陸續落成,所以2002年至2015年間的私人住宅已經是住宅供應的主體,但未來卻要同時考慮佔總供應四成的公營房屋,當中究竟有多少是出售資助房屋呢?

    更何況,施政報告已表不,為「優化」房屋階梯,構思興建各種水平的出售資助房屋,未來可供購買的新樓,將比報告顯示的為多呢!

23. 惜緣 2015-02-11 12:16:45
To 18樓 運兄

難道在下真的詞不達意?或者這樣也好,好多事情唔明好過明。
24. 何A仔 2015-02-11 12:19:03

To: 22. 小弟子


脫苦海果篇係垃圾

25. 物業初哥 2015-02-11 12:24:05
能夠做到大智若愚的人,不論惜自己名聲輸贏而敢於提醒大眾,世上有幾人?

博士好野!
26. 亮劍 2015-02-11 12:41:27
我要準備「揪B女」……
PP兄,係「湊B女」?揪細路犯法喎……哈哈!
你就襯呢年幾休養生息差足電,不過等下年香港私楼來一個终極井噴前,請你重出江湖,指點大家迷津!
27. 博士有財仔出來反駁你喎 2015-02-11 12:43:57

一向是樓市大好友的紀惠集團行政總裁湯文亮,連日發表唱淡樓市的惹火言論,替一眾財務公司「倒米」,他預測細價樓將於3至6個月內「爆煲」,由於財務公司(俗稱「財仔」)達1200間,推算市場最少有1.2萬個四按物業,勢將引發危機;又透露已有不少財務公司部署追數(Call Loan),日後銀主盤湧現,樓價將下跌。然而,有財務公司的負責人反駁,目前四按物業數量及金額極少,難以觸發樓市「爆煲」。

湯文亮:追數潮殺到

第一信用(08215)主席冼國林回應說,行內真正有物業按揭生意的財務公司僅100間,估計涉及四按的細價樓不足100宗,「點會迫爆個市吖」。靄華押業(01319)主席陳啟豪表示,三按案例為數不多,四按更是絕無僅有,平均1000宗生意只有1宗;未見財務公司部署追數行動,即使有也只是個別例子。

因細價樓「爆煲」言論惹起迴響的湯文亮昨天再在網誌撰文,直斥財務公司嚴重影響樓市,推高細價樓,並指財務公司已得悉危機,並停止接受轉按。他預期,當業主被財務公司收樓、物業變成銀主盤,將陸續在市面湧現,拖累樓價下跌,故不少財務公司已部署追數行動。他預告今天將再就有關議題發文。

冼國林接受查詢時笑稱:「湯生係資深投資者,但絕對唔係資深財務專家。」據湯文亮稱,全港有1200家持牌財務公司,以每家有10宗四按計,全數淪為銀主盤便有1.2萬伙流出市場,理論上樓市「實爆」。但冼國林直指此數字出錯,說湯文亮不了解行情。因行內約有900家財務公司並不活躍,當中約有400家是證券行用作股票孖展業務用途,實際經營樓按生意的僅約100家,較活躍的亦不過30至40家,行內最大的5家公司極少涉足四按,不排除細公司有做,但涉及金額極少,難以觸發樓市「爆煲」

陳啟豪同意暫未有見財務公司部署追數,說現時本港樓市發展健康,即使出現收樓也只是個別例子。他透露靄華曾出信收樓的案例只有兩宗,截至2014年3月底止,該公司新造按揭抵押貸款為197宗。該兩宗收樓案例牽涉金額只佔總按揭貸款1%至2%。

以細價樓四按而言,冼國林說「保守估計都唔知有無100單」,與湯文亮描繪的1.2萬宗相距甚遠,「我在財務界都熟,肯定係行內人喇,知道唔關事,佢(湯文亮)仲講到3個月會爆煲。佢唔係行家,純粹聽見有四按,就以為細價樓實爆。純粹係講㗎啫。

陳啟宗:無可能爆煲

恒隆地產(00101)董事長陳啟宗更直言細價樓「絕對無可能爆煲」,因為香港平均樓按比率並非很高,而金管局「一有風吹草動已經叫人小心」,亦可要求銀行收緊放貸,但他不評論政府應否再推「辣招」。

陳啟宗說現時只有細價樓及豪宅樓價爆升,只要土地供應增加,樓價自然會回落。

另外,環亞物業拍賣昨天拍賣元朗朗屏邨3座一個有法院令的公屋單位,實用面積381方呎,底價178萬元,最後搶高18%至210萬元連地價易手,呎價5512元。土地註冊處資料顯示,該公屋於2013年抵押予一家財務公司承造20萬元貸款,本金及利息分12期攤還,年息高達30厘。

28. Scoliosis 2015-02-11 13:04:28
我其實相當感動,雖然早估到博士動機,但是從博士既文字去證實又係另一回事。結果如何不能控制,但博士已盡社會責任。輸贏都得到我的尊敬
29. 迷途小羊 2015-02-11 13:12:38
湯生今天文章終於明示了前兩篇的心意,正如我昨天所說,湯生意思是警示各界小心美國次次次按危機重現香江。有實力者自己有能力計算衡量買樓能力與風險,最擔心是那"貧苦大眾"冇實力者越級挑戰接最後一棒。市場總會有升跌,正如湯生千金實力者認清形勢照入紅山,冇實力者就算有疑似優惠平盤亦應再三思量。
30. 一命二運三風水 2015-02-11 13:14:16
成晚眼眉跳,夜晚2點起身算咗一卦,得坤卦六爻(上六), 『龍戰在野,其血玄黃』。

按卦解釋就係正邪相鬥導致兩敗俱傷,而龍所以在野外戰鬥是因為窮途末路,所以必然反撲,卦主大凶!

睇嚟呢次政府被趕狗入窮巷,好有可能會作出玉石惧焚同歸於盡嘅辣招,兄弟們請小心。
31. Thanks 2015-02-11 13:24:09
博士, 見識超凡.  多謝文章分享
32. 按居 2015-02-11 13:48:40
博士,這幾天的事是我追blog以來未見過的。文風有點不同,尤其狂揪三傻那一篇,我估仲激動過你同你老婆嘈交。真的不知你心想点。搏上鏡?你開個講座就得啦,人地俾埋錢聽,not convincing。可能你有苦衷。如果你一心只為小市民免接火棒,then 祝你鴻福齊天、福蔭後人!
33. anggie T. 2015-02-11 13:49:49

Hahaha.....we are publishing a book on HK people's personal financial management.  Including the properties chapter.  Looking forward to your new book of  course.

Yes, I think I understand why you are saying so and there's no reason for all landlords here to be panic.  Just calculate your cash flow and balance sheet properly, make a good risk management and things will turn your side.

If you are collecting rents at good return, a bit adjustment in small units will not kill you.  I hope so.

34. 博士粉絲 2015-02-11 14:03:00
如果樓價在春節後繼續升,政府一定出招。今日湯博士一唱,各方紛紛雖然反駁,但很可能使到正想入市者停一停,唸一唸的效果了!如果樓市升勢放緩,這樣政府就不用出招了。政府未出行棋已被湯博士行先一步,斧底抽薪,高人一著。
35. 財仔炮製十按樓 為吓同行免搶客 2015-02-11 14:06:20
財仔炮製十按樓 為嚇同行免搶客
(太陽) 2015年2月11日
何以會出現「按上按」甚至「十按」?有資深財務公司高層指出,儘管客戶僅尋求二按,惟許多財務公司會拆分成三按、四按、甚至更多重按揭,務求令有關客戶按揭紀錄「嚇窒」其他競爭者,以阻其他財務公司搶客。

資深財務公司高層透露,市場上的多按情況,客戶普遍是在同一間財務公司做二按或再加按,儘管息率相同,但會要求客戶到律師樓簽字分拆成多重按揭,目的是防止其他財務公司搶客,行內人直言「對手見到你個客已經去到四按,自然以為風險高唔會埋佢身」。

樓價升 業主可加按

另一個「按上按」出現的原因,是有業主透過不停加按來變現樓價升幅。樓價升,物業的抵押價值亦水漲船高,即使一按及二按貸款額已達樓價100%,但只要樓價再升,業主便可加按,以三按形式將樓價升幅變現,如此類推,便可以借貸形式來享盡樓價升幅推高的抵押品價值。

另外,住宅銀主盤出現不少涉及由私人名義承做的按揭。日前以1,823萬元沽出的「四按」沙田御龍山10座單位,據土地註冊處資料,該單位除涉及銀行及財務公司按揭,亦有私人名義承按貸款。
36. 羊年賀歲猛片 -- 博士末日預言 2015-02-11 14:17:56

羊年賀歲猛片 -- 博士末日預言

我買左花生、爆谷等博士做男主角好耐啦....

快d爆....

快d爆....

快d爆....

等我做白武士掃平貨呀......

37. 路奶仔 2015-02-11 14:19:07
  '' 有人問我如何防範,買咗樓又如何,其實,大家又毋需擔心,樓價仍然會上升一成,之後才回落兩成,就算今日買樓,最多是損失一成多樓價,如果未買樓就忍吓手,無謂要損失兩成樓價,待明年底,樓價跌定後才再作打算, ''

以明年底才入巿計, 舉自己單CASE來講, 年頭已經入左巿; 去到明年底, 即24個月, 
收租(不扣除管理費, 差餉, 稅務), 大概係樓價的約8%.
所以, 若果按博士所言, 即使再升10個%, 再跌回20%(假設), 一來一回都係10個8個%甘上下. 計收租都已經有8%了.

一個不留神, 見到身有錢, 身痕走左去投資買回來又蝕緊啲,咪仲衰, 哈哈!
差別不大!

反而感謝博士甘講, 一來大家危機感大D; 二來, 唔好一窩蜂咁入巿, 個巿會平穩啲.
總之, 小心, 大家睇路啦!

38. 朗晴 2015-02-11 14:24:42
湯生估重按組有萬二間,除非大部份都無$還然後變銀主盤,重要短時間內推出市場賤賣先至有機會曝煲.
然而大家都知道自已放,個價一般都會好過銀主拍賣,以現時市況計,債仔業主用低5%市價出貨應無難度,因此暫時銀主盤湧現情況只是十劃得一點.
39. 用心良苦 2015-02-11 14:40:56
咁講一講反而無咁驚, 樓市一定要有D 人話佢跌先安全, 人人都話升我仲怕, 至少有班無實力既唔會借盡入場, 咁風險仲細, 只要不斷有人吹淡風, 樓市唔大升, 就唔會爆, 租客做番租客, 業主做返業主, 慢慢升仲穩陣
40. 頭條日報- 林一鳴 2015-02-11 14:43:03
公屋每呎萬一香港是否有病?
2015/02/02 08:42:30
網誌分類: 經濟
          數天前粉嶺公屋華明出現一個癲價成交,實用面積147方呎賣了170萬元,平均呎價高達11565元;根據土地註冊處資料顯示,舊業主於2011年下半年以110萬元買入,而再對上一任的業主,則在同年上半年經補價後以70萬元買入。11565港元的價錢,相等於每呎1483美元,這呎價無論在地球任何地方,都應該是豪宅的價格,但現在卻是在粉嶺買公屋。香港啊,你係唔係有病?或是發了神經?

        政府落錯藥貧苦大眾受累

        沒錯,香港確是有病,但搞到現在的樣子,卻是政府落錯藥的後果;原本病人只是傷風,醫生卻給他吃香港腳藥,結果病人就發神經了。香港原本的問題,只是豪宅和中高私人樓價炒得太貴,影響只是較富有的一群;但在雙倍印花稅的影響下,購買非住宅物業或第二間住宅的買賣,價格愈高印花稅就愈高,令到以前喜歡買豪宅大單位,或大額商舖和寫字樓收租的人,現在都走去炒細價樓,以避開高昂的印花稅率。

        加上SSD政策壓低了二手樓的供應,物業額外印花稅提高至三年,很多本來要細屋換大屋的人,現在都停止換樓了,有樓收租的人亦不願賣出,形成二手細價樓供應大減,價格也愈炒愈癲。

        炒風蔓延至公屋禍及租客

        現在這個無形的界線,在400萬元樓價的位置,因為印花稅率相對較低,還有400萬元可以做到九成按揭,但400萬元以上就做不到。所以錯誤政策下的趨勢,就是幾年前政府出招之前,400萬元還可以在市區買個兩房單位,後來變到在沙田,再變到元朗,再變到老遠的居屋和公屋,嚴重影響中低收入的人士,真慘!

        不要以為你不買樓,公屋升到每呎萬一元也不關你事。根據代理資料,這個華明的單位,目前每月收租約4700元,呎租已高達32元,預計租約滿後將大幅加租,隨時升到五六千元。如果你今天仍是租樓,我真替你擔心。

        中國經濟專家

        林一鳴博士

        
41. 林一鳴 力撐細價樓 2015-02-11 14:53:12

林一鳴反駁湯文亮 力撐細價樓

14,964
■林一鳴認為,細價樓在三個月內爆煲的機會不高。 資料圖片

【大唱反調】
紀惠集團行政總裁湯文亮《細價樓三個月內爆煲論》引起迴響,他昨又撰文指未來《銀主盤將會陸續登場》,成為樓市爆煲導火線。資深物業投資者林一鳴則大唱反調,撰文隔空反駁,預測「細價樓在三個月內未見爆煲」,並指三個月後(五月十日)就知道答案。
湯氏昨再撰文補充,最近已沒有財務公司肯接受轉按,更有不少已經部署追數行動。「那些沒有能力還錢的債仔被財務公司收樓,物業變成銀主盤,這些銀主盤將會陸續登場」,所以「大膽預言細價樓最快三個月,最遲六個月爆煲。」他又指發表言論至今並沒有財務公司的人否定,證明其推斷雖不中亦不遠,如果細價樓出事,必定由四按物業這個缺口開始。他又認為,細價樓爆煲「只係見頂,會下跌,中原指數CCL去到一百二十點會有支持」。

向財仔借錢 料只佔少數

林一鳴則以《我不信細價樓三個月內爆煲》為題在fb撰文,從經濟學角度分析,價格變動主要看供求關係,向財務公司借錢亦只佔市場小部份,要令細價樓在三個月內爆煲,機會不高,主要看市場。
林一鳴指普遍市民認為樓價是時候「應該」下調,不過,從目前供求情況而言,「應該」和「現實」是兩件事,普羅大眾認為樓市「應該」跌,情形如睇劇集,壞人「應該」要死的下場一樣。只是,現實是,壞人係咪真係死,樓價係咪真係跌,不是用「應該」和「不應該」去理解的。

42. 普通人 2015-02-11 14:57:53

财仔没可可能没收间樓,只有第一按揭的银行才可以没收层樓变卖,然后按债权先后分配给其他债权人。

43. Oscar Lam 2015-02-11 15:42:41
雨過天晴

好了!既然博士已經清楚解釋了事情的真相,我們應很清楚地知道博士的理念和用意。這幾天的爭論應到此為止了。

新年將至,請問博士哪幾天會在維園呢?我買的二本書要給您簽名呢,哈哈!
44. 打工仔 Andy 2015-02-11 15:52:16
請問博士哪幾天會在維園呢?我買的二本書要給您簽名呢.
45. 長毛粉絲 2015-02-11 17:18:13
有一點可以肯定的是:爬得高者跌得重。世事變幻猝難防。知足常樂品自高。走得快者好世界。
46. 老貓燒鬚 2015-02-11 17:32:24
老湯呢獲野吹到咁大,小弟實行等睇戲"老貓點樣比人燒鬚"..WAKAKAKAK~
47. 惜緣 2015-02-11 17:54:04
To 46樓 兄台

兄台真的唔明白博士的用心良苦?

博士情願用自己的輸去換香港人的贏,在下實在敬佩!

博士,衷心多謝你!
48. CD ROM 2015-02-11 18:02:25
我想博士都係想引起話題去迫一D當權人士去查一查財仔方面既資料jel, 實為做好事一件~~~

博士可能係寫樓評中其中一個最 "渣風流筆", 自娛為先, 無壓力可言, 自然可以大膽D la. 別人靠其搵吃, 自然處處留有餘地......

博士寫書賺到既錢, 都唔知夠唔夠買箱紅酒......
49. 亮劍 2015-02-11 18:17:59
小弟講過 19 幾次,在投資市場有樣嘢叫 28 定律,即你 8 成人睇淡,你真係唔怕落注;反之當有 8 成人看好,咁真的要睇車!
呢幾日湯博士一雷天下響,除了佢地頭外,真係圍毆呀……
可知睇好「细碼上車盤」的人,係多麼的人多勢眾!
從表面數據睇,细碼真係無得輸。
從政府可不可以在短期內拆掂呢個局,又真係睇唔倒。
從父母輩有無一百幾十個「奠」出來幫D细路上私家車,講真大輪把!

但小弟幾十年投資經驗話畀我知:「表面贏硬;隨時輸死!」
講句衰D,要是湯文亮呢一鑊係話:「上車盤最後召集,今年睇升兩成,你唔入市就笨。」
咁你打後兩個月D细碼私楼仲有4球楼下貨買,我亮劍轉姓「湯」!
三年預期升幅半年升凸,仲有無運行?
記得湯文亮話過,猶太人有第十個人理論,呢次佢可能做緊!
50. 子婷 2015-02-11 18:41:01
嗯... 大概懂了。
全賴有各位心水清的前輩們在。
51. 40G 2015-02-11 19:17:07
感恩!因為小弟也學C9網友,手👋多多入多左一件5.m多一些半新盤,下月取Key,攪到人心大心小,好彩oscar lam兄來安慰小弟.希望個市平穩就算win.感謝各位恩師。不過就跌一成也好過爆煲。不過大銀行真係超嚴緊做壓力測試。
52. 資質愚鈍 2015-02-11 19:24:45
在下資質愚鈍,實在睇唔明博士是在以提點方式防止細價樓爆破。。。
假如博士所講的真有其事(他已再三強調),有12000間4按樓,那麼財仔追數也會是事實,樓主還不起錢更是將會發生的事,正如博士之前所講,只要金管局出手,財仔立即call loan,細價樓立即下跌。如果不處理也是會發生下跌。
那麼博士不是正叫我們散水嗎?

53. 資質愚鈍 2015-02-11 19:49:07
時間上更加唔明,如博士所言,如政府立即認真處理,樓價立即下跌,但不會跌太多。如政府不處理,就爆破大跌,不過不是立即。
2揀1,都係睇唔到半年後跌,跌2成,我真的想不通。。。
54. 引刀一快 2015-02-11 21:02:06
To 49樓 亮劍兄

你成日講嘅28“定律”(據知好權威冇得駁嘅先可以叫定律),咁你認爲到底係8成人信定係2成人信?
55. 引刀一快 2015-02-11 21:17:49
如果細價樓出事,必定由四按物業這個缺口開始,而今次情況,與美國次按危機非常相似”

我認爲今次細價樓爆煲應該會係幾個因素相互作用觸發,多數唔係單一因素。
56. 亮劍 2015-02-11 21:28:37
28 定律、爆邊、井噴……全部並非我作出來,你上網打呢D關鍵字,全部有晒解釋!
57. 不賭錢 2015-02-11 21:52:59
只有一招先有用,限制任何人只可在香港持有一個住宅單位(不論大小面積),到時只會有人沽出手上持有多於一層既小面積細樓價,長期持有大價樓,對樓市發長有平衡。
58. 路人甲 2015-02-11 22:15:48
記得博士曾經寫過編野講一個病壞醫生,頭一編又係專登博畀人小......
59. 同不同 2015-02-11 23:48:04
回54樓
博士指的是在到期時高位跌2成,但到期時的高位跌2成可能比現在還高或只是低現在的小小。不知是否博士想像,只是我個人認為,哈哈哈
60. 同不同 2015-02-11 23:48:53
修正。回53樓。哈哈哈
61. Marie 2015-02-12 00:05:50
佢今日講嘅同我尋日推算差不多,都係先嘩衆取寵博上報,跟住要睇下政府同金管點樣回,然後比佢盡揭底牌……最後當然政府一定比佢大倒,任由魚肉,個市因為疑慮盡消再瘋狂地爆上!

-首先,用一個震撼性嘅標題加上佢嘅地位,去引起傳媒廣泛報導。

-大家爭相討論,傳媒不斷放大財仔問題嘅影響力跟樓市下跌(爆煲)對普羅大眾(尤其近年上車人士)的災難性影響。

-然後,就會有若干傳媒或某些有心人走出來暗(明)示政府/金管不應干預市場,否則銀行唔掂、小市民受害、整體經濟受拖累云云等嚇破膽言論;亦會有一些最近上了車的人響傳媒面前預先哭喪,話好驚變負資產,被銀行call loan,講到似層層好似真係已爆煲甘。

-政府/金管感到四方八面嘅壓力,最后都係選擇乜都唔做,免得最後被千夫所指,寧願眼白白睇住樓市"爆升";其實博士一早睇死啲官最後一定會有"唔做唔錯"嘅心態,所以就用輿論壓力逼啲官自揭佢地膽怯嘅底牌。

-最後,底牌開了,當然冇料到啦,數月後樓市亦當然不會"爆煲",而是繼續爆升,連消帶打將政府干預這個長期顧慮都一拼消滅埋,"揭政府底牌"就是這一著的重點及厲害之處。

-名節呢樣嘢,唉.....認真?!便輸鳥。

-三個月之後,大家便知道什麼人輸了,什麼人(鬼)贏了。

總結:    最近個市可能會因為博士呢篇文章而成交有些放慢或者有若干業主會冇以前企得甘硬,放盤亦有可能會上升,AA會乘機不斷call業主恐慌性賣樓,個市然後會靜同淡一陣子,所以我說這一段"靜"的日子會是一個好好嘅入市機會,因為大家三個月之後都睇穿了政府/金管最後都係冇料到嘅時候,啲錢餓一排又再報復式入市,所以未來一年個市反而會因為少左政府/金管干預這個主要後顧之憂而更加瘋癲 (因為呢篇爆煲大作將政府/金管最後條under都除埋,原來甘短嘅....肉酸豬囉!),以後樓市嘅升勢只會更加持久和有力