地產博客 > 樓市散打王 返回
瀏覽人次:7352    回應:8
樓市散打王
香港對業主最友善
 
方卓如
2017年11月4日 (信報)

  公屋是否封頂80萬間?以後政府目標就係幫人買樓?唔理係綠置居,白居二,還是首置上車盤,政府就係想香港人買樓,這是否政府學新加坡嘅香港版?對於政府嚟講,愈多市民係業主,社會愈穩定,因為供緊樓嘅人係最逆來順受,人生最驚就係冇咗份工。營營役役嘅人,最唔會搞搞震。有冇睇《逆權司機》同《逆權大狀》?本來為錢生活嘅人,最後錢都唔要,一心求公義,豁出去,係天不怕地不怕。而家嘅年代,好少人窮到冇飯開,一般人唔會怕冇錢開飯。唯一會驚嘅,就係買咗層樓,一身債,咁就會驚冇錢。人人做業主,最好就係年輕人個個打工供樓,咁就好似每個人都植入咗個微型炸彈,想唔乖乖地聽話都唔得。

  雖然政府要人買樓可能別有用心,但弊在响香港要保護財富,冇嘢比買樓更安全同老定,全世界只有香港樓最能夠保護財富。雖然其他地方例如溫哥華都係年年睇住樓價上升,但全世界只有香港係最錫住業主,直情等同受保護動物。溫哥華有物業空置稅,香港冇。澳洲唔淮外國人買二手樓,買就買新樓。新加坡,外國發展商起完樓要响時限內賣晒,否則罰錢。

  至於租金管制,德國奧地利都有,唔容許你任意加租。台灣,租金回報一厘都冇。全世界只有香港係對業主最友善,就算冇得炒樓,買樓儲存財富,羨慕死唔少外國業主。

  只要香港仲係嚟住嘅人多過真正離開唔住嘅人,買樓幾時都係啱嘅機會大過買錯。記住,係真正離開唔住,並唔係諗起想走嘅人。想走嘅人大把,個個都話香港變咗,唔住得人,但係有資格走同真係坐言起行嘅人又有幾多?唔好話要走都唔容易,實際上你就算有錢,世界上唔多地方畀你走去住得happy。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 陳伯 2017-11-04 06:50:49
陳伯勞碌一生,退休了,勤儉節約,年年交稅,有一千多萬的儲蓄及退休金,他不想依靠政府食綜援,選擇自己買一個單位收租作為養老計劃。

他選擇購買的是一個600尺單位,價值1千萬。
地價(政府收入)佔了一半,約500萬。
由於陳伯已經有自住物業,他要付150萬的印花稅項。
一個1千萬的物業,陳伯共要付出650萬稅比政府,佔65%,還未計算日後要交的差餉。

政府收了這650萬之後,部分派給黃伯作綜援金,黃伯一生住公屋,無儲蓄,未交過稅,知道越窮越上等的理論之後,直頭唔返工拿綜援連租都唔洗交,個個月伸手問政府攞錢,輕鬆愉快一輩子。

香港真的對業主很友善嗎?

2. Johnny 2017-11-04 08:03:13
政府為市民著想幫佢地上車分享資產增值既好處,可惜社會上太多好似筆者咁既所謂磚家同政棍厄厄tum tum將一切政府既好政策妖魔化,令到香港既房屋問題越來越嚴峻,社會越來越分化,到頭來只是苦了市民。
3. Johnny 2017-11-04 08:03:46
政府為市民著想幫佢地上車分享資產增值既好處,可惜社會上太多好似筆者咁既所謂磚家同政棍厄厄tum tum將一切政府既好政策妖魔化,令到香港既房屋問題越來越嚴峻,社會越來越分化,到頭來只是苦了市民。
4. 一個小小小小業主 2017-11-04 15:00:24
是否要捉晒全港業主去坐監先合理? 業主冇交稅冇任何貢獻?
定係作者紅眼症發作?痕買樓痕到傻左。
不如簡單d改做共產啦,最好同誠哥分身家就最合作者要求,咁先公義嗎。
5. Bos Fan 2017-11-04 16:11:19
老闆咁低稅率,要加。打工仔稅也要加稅。公務員也要減薪。
6. FrancisCF 2017-11-04 18:22:05
作者,你這篇文章意義係咩?
前文後理冇咩關係。





7. gklj 2017-11-05 07:15:27

   乜唔係對弱勢社羣 , 基層 , 公務員和示威者最友善咩?
8. gklj 2017-11-05 07:19:57
 
  差D漏咗議員 同 毒傳媒