繁 / 简 / ENG
App下載
代理登入
主頁

搵樓/成交
搵樓
綠表居屋
一手新盤
買賣成交
租賃成交
臨時買賣合約
一手消耗表

業主放盤
放盤主頁
搵地產代理
刪除樓盤

宅谷按揭
博客
博客主頁
所有回應
地產論壇
註冊成為會員
新聞

數據公佈

置業手冊
置業流程
租樓 vs 買樓
一手 vs 二手
睇樓書
居屋百科
村屋
物業起底
化妝樓
凶宅
驗樓 DIY
即時估價
按揭計算機
英中詞彙
英文縮寫
置業避雷針
租屋指南針
相關網站
VR睇樓

關於我們
地產博客 > 樓市乾坤 返回
瀏覽人次：26157    回應：43
樓市乾坤

强者已默默入貨

 

何熊輝

2018年11月10日

　　樓市進入調整期，直至現時爲止，調整了約4%，由於年初至8月份，累升約14%，預計年底前，再有2%的調整，故全年樓價升幅仍有約8%，至於明年倘樓價再跌一成，累計下跌約16%，這跌幅跟15年時調整的13%相若，因此除非極看淡，否則倘遇有較市價低一成以上的平盤，可考慮出手入貨。

　　最近股市大上大落，最易激發投資者的悲觀情緒。一般而言，愈怕輸就愈容易輸，遇到如今市況，市場大鱷就最喜歡為此加鹽加醋，他們不斷透過種種途徑，大批量發放大跌訊息，早前騰訊升至450元後，大行不斷說睇650元，但現時則跌至280元的水平，當時跟風入市的，現時已血本無歸。

　　今日樓市遇冷風，大行又開始鼓動，大肆發放暴跌預測，藉此協助大鱷鋤價入貨，最近中環有名廈被投資者以筍價10億元購入，港大以5億餘元購入舖位自用，至於會德豐等財團，以低市價約15%的84億元，購得啟德豪宅地。上述種種跡像顯示，物業正歸强者手中。

　　作為一般中產，現時要拿起勇氣跟進入市，非想像中容易，但起碼不要急急沽貨，心存希望大跌三四成後，可以超筍價回購售出物業的幻想。在過往多年的經驗中，這做法多是失敗收場。倘情緒易波動，就避看一些悲觀的預測，埋首苦幹做好份工，等待更有的明天到來。

更多...
 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
註冊成為會員
忘記密碼
1. LYC 2018-11-10 12:56:15
樓市已經開始見或，相信築底後會在明年上半年再創新高。
施工量已經大跌，新盤亦唔再賣，樓換樓業主被迫減價賣樓亦告尾聲，淡淡繼續等跌，幫人供樓，相信數月後會欲哭無淚，終身抱憾!今日的低位將在未來100年不會再出現!
2. 歡迎LYC回歸 2018-11-10 13:50:44
歡迎LYC回歸，你自己入咗售未吖？定係你冇單開吖？
3. 湯瑪斯 2018-11-10 14:18:24
中環名廈業住都係做大生意嘅！如果唔係認為後市欠佳，冇咁易劈價賤賣優質物業嘅。
4. 香港 2018-11-10 14:37:59
但是過往的經驗建基於:
1. 中國經濟一路向上30年
2. 利率一路向下
這些都是五十歲以內的人未試過的環境:上面兩樣剛剛完全改變相反方向:
用番過去30年的經驗買樓係咪有啲做咗散戶嘅感覺?
散戶的結果往往係......



5. Mr,Ko 2018-11-10 16:12:46
千萬不要同2015來比，這次顯然很大獲，15年沒有貿易戰.，沒有中國內地資金鏈斷裂。
貿易打到出多輪關税是中國從三十年改革開放從未試過，居然有些所謂專家覺得冇事還將幾年前調整市來比，似乎嚴重低估形勢，中國三十年經濟上行可能會玩完，你說香港會否受累? 
30年代美國關税導致全球大簫條可能都忘了一乾二净!
今年還好只是還未開始反映有關影響。
6. 望東樓 2018-11-10 21:20:04
依家沽貨嘅就係弱者、買嘅就係強者。未請教早兩個月摩頂嘅買家及沽家係乜者？
7. Mr Ko 2018-11-10 21:48:37
分析員的基本功力並不是看歷史數據的，我從來不會看微觀數據或滞後數據去預測未來，如工資水平，失業率，人均收入等因這些數會因未來经濟環境改變而面目全非的，今天勞工增長可觀不代表明天會一樣。
要看宏觀數據及領先指標，要做先知先覺就要看世界大環境的變化，像天氣預報不能看今天陽光普照殊不知超级颱風已在千里外集结並對正香港打過來，要準確預測需要宏觀來看如用人造衛星不是用飛機看。
更不能用歷史數據，看一下今年中資科技股表現就明白了，所謂過往表現不代表未來表現，如08年本港經濟很差，如單看本地購買力及经濟表現就斷定樓市向下多數是錯的因忽略了QE量化货幣等宏觀因素。
8. 望東粉 2018-11-10 23:25:36
 望東樓  問等好
9. 見鬼 2018-11-11 00:39:24
好等單開丫?
10. 見聞色霸氣 2018-11-11 00:47:04
文章說: 大鱷發放大跌訊息，早前騰訊升至450元後，大行不斷說睇650元，但現時則跌至280元的水平，當時跟風入市的，現時已血本無歸。

筆者指大鱷話會跌唔好買在救投資者，而大行令投資者血本無歸。

而筆者正在做大行做既事，叫人快快入市,好低買。

其實筆者知唔知自己講緊咩撚野呢？
太耐無單開，on Q左丫。

我提出的，不是想說大市後況是怎樣，提出的是筆者的前後說話像思覺失調。
11. gmo 2018-11-11 08:51:16
輝哥英明神武，兼且有勇有謀，輝哥才是真正的強者！
輝哥好波！輝哥賺多多！輝哥賺到笑呵呵！
12. 自我陶醉 2018-11-11 13:14:14
東樓兄，

這篇的重點不是入貨而是默默，其實富人呢幾十年都不斷入市，咩位都有人入，不過買那些成千萬得三兩幾百呎的，應該就不是富人了，試問真正富人又點會睇得上那些單位呢！

早兩個月是富人大大聲入貨，這個月是富人默默地入貨，正如默默耕耘一樣，是以信念支撐，不計成果的，再跌就靜悄悄入市，無謂被人笑嘛！

一旦升得番，那些默默的和悄悄的，就可以變成巴巴閉入咗貨了，再跌咪再繼續默默地忍痛入市囉！反正人哋係富人，大把錢輸，又唔識有咩可以投資，無所謂喇。呢啲文其實毫無參考價值， 何必咁認真呢！ 

到富人默默地出貨時，唔知有冇人會話你知呢？哈哈哈！

13. 路人xx 2018-11-11 13:38:03
大肆發放暴跌預測？
藉此協助大鱷鋤價入貨？
中環名廈？

🤔唔⋯⋯

14. 望東樓 2018-11-11 14:35:16
交易亦叫做買賣，即係話有買方亦一定要有賣方，唔通左手同右手做deal？問題係大家計嘅數唔同，所以未必係你贏我輸，亦可以係win－win嘅。

係細佬住嘅社區，過去多年大量舊樓重建，但係除咗三幾棟拎出嚟散賣，其他全部用來收租。呢啲先真正係smart money麻。依家我就金睛火眼睇實佢啲會唔會係呢啲水位收水。
15. 自我陶醉 2018-11-11 14:58:34
富人嘅定義人人唔同，對富人嘅標準亦唔同，但＋x哥係富人，應該唔會有人反對，咁佢到底係出緊定入緊？ 我所見的係在港出緊，其他地方入緊，香港值唔值得買，要睇你用咩視野睇了。投資只睇咩人在買，升唔升，其實係好低層次，炒起上嚟，垃圾一樣可以炒到飛天，咁並唔代表值得買。
16. 望東樓 2018-11-11 15:53:18
完全同意
17. 香港 2018-11-11 20:22:26
Mr Ko 有道理
18. 香港 2018-11-11 20:39:17
其實而家樓買畀啲剛性需求的人. 就係散戶投資者.   但係香港實在太離譜了. 我識一個做醫生的朋友.他沒有父幹, 都買唔起樓. 難道個個都需要有個有錢老豆? 大部分人都沒有父幹. 當大部分人都沒有自己的資產. 社會怎樣變得安靜? 但今次上車的人很大機會變成負資產. 現在的年輕人. 上車又死. 唔識上車又死. 社會變得越來越絕望. 希望樓市不是賺錢這麼簡單.還是帶給我們所有人的希望.....
19. 香港土著 2018-11-11 21:46:32
LYC重出江湖，樓價又要爆升喇！似乎港樓登陸火星，一定早過Elon Musk支火箭。
20. CYL 2018-11-12 00:44:17
LYC歸位，樓市有救了!  阿彌陀佛，亞5門!
21. LYC 2018-11-12 22:05:09
土土等淡淡瘋搶租盤，租金爆升，盤源亁塘，快將見底了，相信樓價好快破頂了！最近都掃了幾間平貨，樓價爆上火星指日可待！
22. 引刀一快 2018-11-12 22:17:51
好！
23. 引刀一快 2018-11-12 22:20:33
To 6樓東樓兄

果D係強者中嘅強者。
24. 貿易戰是nothing 2018-11-12 23:38:25
新興市場之父默樸思接受CNBC訪問時表示，他認為，中美貿易戰對東南亞市場不會有好處，但現時尚未對該市場帶來影響。他亦相信，中國有足夠的聰明應對貿易戰，長遠來看，中國將成為贏家，但中國不得不在短期內放棄一些東西。
25. mudq 2018-11-13 08:10:36
歷史背影及原因有參考價值，但歷史數據是沒有參考價值。兩者都是歷史，但差別很遠，我身邊經常參考歷史數據的人往往成為別人的＂明燈＂。
26. 挑戰新高 2018-11-14 09:53:01

樓市氣氛急降溫，惟新盤仍頻見大碼樓成交。新地旗下山頂現樓超級洋房項目TWELVE PEAKS，推出「身價」最高的1號屋標售，價單每方呎定價達17.5735萬元，挑戰亞洲洋房呎價新高。

TWELVE PEAKS的1號屋將於周五（16日）進行單日招標，洋房實用面積4661方呎，4套房間隔，花園設有私人泳池及按摩池，設獨立升降機，洋房面向維港，較毗鄰其他洋房擁有較佳的維港景。新地2014年發出的價單顯示，洋房定價8.191億元，呎價高見17.5735萬元，為項目身價最高的洋房，呎價有力挑戰亞洲洋房呎價新高。

27. 趁低買 2018-11-14 11:19:04


瑞安建業公布收購觀塘偉業街93號一幢商業大廈，作價3.04億元。收購事項是該公司把其物業組合擴展至內地以外地區的良機，而物業價值的預期增長將令公司受惠。
28. 高銀暴買 2018-11-14 17:27:18
地政總署公布，啟德跑道區第二幅地皮、啟德4B區4號地，剛由高銀集團以逾89億元投得，項目佔地10.45萬方呎，可建樓面57.47萬方呎，每方呎樓面地價約15498元，比上星期由新世界(0017)、會德豐(0020)、恒地(0012)及帝國合組財團，以83.33億元、每方呎樓面地價14502元投得的4B區3號地高出約7%，成財團爛路虎。
29. 豪宅尺價20萬 2018-11-15 09:47:15
本港超級豪宅造價再度三級跳，由環球信貸主席王瑤持有的南區香島道37號一幢洋房，市傳新近以公司股權轉讓方式易主，作價約8億元，呎價18.7617萬元，刷新亞洲洋房呎價新高紀錄，更直逼20萬元大關。
31. 而家社會錯哂 2018-11-15 19:57:07
其實樓唔係個個買得起係正常吧？唔係就唔洗有公屋啦。揾得2-3萬又想買樓又嘈話買唔起，買唔起咪租囉，租都係10000蚊，租唔起咁貴咪租細啲囉，一樣過到生活。你工作無好表現收入上升唔夠，樓就梗係唔關你事啦。呢個社會都唔想幾時變到淨係識要求政府做到全民都要買得起樓。
32. 富人買不停 2018-11-15 20:32:33

土地註冊處資料顯示，中環皇后大道中九號中層，面積約13742方呎，成交價6億元，成交呎價約43662元。

登記買家為森雋有限公司(SUPREME CONTROL LIMITED)，公司董事包括MAKHIJA SANJAY MANOHAR及MAKHIJA VIJAY MANOHAR。

據悉，原業主於2007年12月以2.308656億元購入上址，持貨11年，轉手賬面獲利3.691344億元，期間物業升值1.6倍。

33. 自我陶醉 2018-11-16 00:50:31
富人買不停？？？？ 原來有6億樓沽仲要賺3億7嗰個先係窮人，的確係弱者沽貨強者買貨喎。明哂!  哈哈哈！
34. 望東樓 2018-11-16 08:52:57
陶醉兄，請唔好係度騷擾各超強者同自己洗腦。保你大，多謝合作！
35. 富人集體行動 2018-11-16 09:11:27
不少名人無視樓市氣氛好壞，繼續以巨額入市掃豪宅。莊士機構前副主席兼執行董事蕭莊秀純，動用2.96億元向有「玩具鄭」之稱的資深投資者鄭躬洪購入山頂種植道73號獨立屋，為她相隔近十年再度入市。此外，阿里巴巴始創人之一的金媛影，上月亦斥資近2.5億元買下南豐發展的深水灣徑8號一個4房戶，呎價直逼7萬元。
36. 自我陶醉 2018-11-16 09:36:41
東樓兄，

小弟最大毛病係聽嘢一定會隔渣，塞唔入耳唔會格硬聽，仲衰到一定將啲渣還番俾人，呢個報道太多渣，實在好難忍手。哈哈哈！

37. 引刀一快 2018-11-16 11:26:38
自我陶醉兄

呢D“渣”你仲有反應咩？我就麻木嗮喇。
38. 自我陶醉 2018-11-16 11:42:19
引刀兄，

咁你弊喇! 你呢啲已經係創傷性失聰，導致永久傷殘，啲人做地盤耐都有咁嘅情況，要快啲問問律師有冇得要求賠償了。哈哈哈！

39. 向泛民说不 2018-11-16 12:03:45
自醉，美股的高科技股轮流跌，先是fb，后来amazon，apple，跟住就是nvidia。特朗普仲有没有气势玩贸易战？
40. 自我陶醉 2018-11-16 12:40:25
向飯，

早幾個月已經講咗Nasdaq升得太多了，唔跌又邊有位入呢？ 前日入番Arista, 昨日升6.4%，意外驚喜。 至於Nvidia, 由於Bitcoin爆煲，仲連6000都穿埋，又會少咗人買GPU開礦，要等無人車出台催谷了，只要一月個底唔穿，Nasdaq應該未死得住。

其實港股一樣大把好嘢，有唔少7月已經見底升番一兩成，睇你識唔識執了。
41. 自我陶醉 2018-11-16 13:01:37
繼續...Amazon成百倍PE， 仲癲過港樓，一樣係傻嘅先買，至於貿易戰，係長期抗戰，仲有排玩，如果Nasdaq上得番一成，你睇下傻侵會唔會放過你?  總結，港樓形勢，美股升，加息同貿易戰持續，港股升，港樓危，美股散，股樓都冇運行。

42. 望東樓 2018-11-16 13:13:57
陶醉兄，請教依家買股票嘅係咪強者，而沽股票嘅係咪弱者？
43. 自我陶醉 2018-11-16 13:41:45
東樓兄，

呢條問題太深了，每日沽同買嘅大戶都不計其數，到埋單先知邊個強。

我只知道唔理咩價都買，自以為可以保值，和個價比天高時，都仲認為只升不跌的人，是弱的智者；) 

其實個市咁反覆, 就算現在入市，賺到錢的都唔算係強者，可能只係好運而已，個人意見，有做足兩手準備，進可攻退可守的才算是真正強者。
44. 基滙暴買120億 2018-12-12 23:20:37

領展(00823)公布，以總代價120.1億元，將旗下12項物業出售予基滙資本為首的財團，並將於明年3月13日落實成交。

是次總代價為該等物業的最高出價，較物業於9月底估值高約32.1%，物業出售淨收益27.88億元。在計入是次出售的12項物業，以及11月26日宣布購入京通羅斯福廣場後，領展將有約90.1%資產位於香港，約9.9%位於內地。投資組合總值將約2040億元。