地產博客 > 樓市乾坤 返回
瀏覽人次:15267    回應:17
樓市乾坤
樓市爆冧就在明天
 
何熊輝
2017年4月18日

  近期樓市升市不斷,升勢之急且快,連好友都有點目瞪口呆,因此淡友就更加振振有詞,大唱冧市在年底前會出現。其實以現時的市况而言,爆冧市隨時到來,可謂防不勝防,因為冧市誘因全不在港的内在因素,説實在話,外在的政經環境突變,就可觸發樓市大冧,因此冧市就可能在明天。 

  縱觀過去二十餘年的樓市,其中97年的金融風暴,以及08年的金融海嘯,是觸發兩次跌市的主因。97年冧市前樓價持續急升,倘當年沒有金融風暴,樓價絕不會連跌六年而樓價深插六成以上,現時樓價又持續急升,只要一個巨大的不利因素爆發,例如南北韓爆發衝突,最終引致中俄聯盟跟美韓聯軍進行全面戰爭,倘這不幸事情發生,樓市就有機會跌入深淵。 

  不少磚家估來估去,一説息口升,二説供應增,三説樓價貴三大因素,最終會壓冧樓市,如果這推理屬實,樓價早幾年前就應該冧。從樂觀一面看,97年冧市深插六成,給有錢有膽者,成功於底位撈貨,不少因此成為今日有樓收租的大業主,沒有膽者,當年倘沒有因外圍凶險,而胡亂於抵價沽樓,今天來看,全都仍是贏家。 

  面對今日凶險的外圍因素,不應浪費時間去預測它冧市何時到來,因為怎樣估都是錯。既然如此,擁有抗跌市的心理因素,這顯得更為重要。作為一般業主,要謹記樓房不像股票,其價值不會歸零,因為更差的物業也有居住的價值,所以在亂市中,手持物業仍較安全,今日市民不顧外圍凶險繼續蜂擁入市,正好反映市民强烈的避險心態。 

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 浪子心聲 2017-04-18 16:31:48
四月一日湯博士話「三個月內有超過一半人轉軚」,何生兩個星期後就轉軚,至快都係你喇!!

湯博士好野!!
2. Bos fan 2017-04-18 17:17:30
你意思係咪即是世界大戰樓價就會大跌,呢啲唔使講都知啦,呢啲嘢幾時發生無人知啦,黑天鵝呢啲野冇得預測. 
3. 窮百萬 2017-04-18 17:23:17
D人成日吹美國同人打,留意下美國真係打果時係如何部署先啦!
4. 十郎 2017-04-18 18:24:31


      請大家放心,南北韓係不可能衝突的。第一在字眼上,南韓軍事話語權在美國手上,即係打唔打,唔到南韓決定,係美國。美國收咗日韓保護費,做下秀啫。

     前輩講過,強弱懸殊才有得打, 勢均力敵係冇得打。當年伊拉克撒旦姆讓美軍查明冇核武,係二仔底,所以死得好慘。現在肥仔金擺核子頭,敢唔敢偷雞?決定勝負就在開戰頭三分鐘,北韓有六百門大炮對準首爾,六分鐘內可以移平南韓首都。還有沒有第二輪核攻擊日本,南韓三萬美國駐軍?頭都爆。

    如果真打起來, 除非美國派陸軍去北韓,中俄唔會參戰,撲火就一定努力,中國領導人唔係傻仔。




5. 一般人 2017-04-19 01:16:54
太多白字
一段小文章也有那麼多白字

6. 薯哥 2017-04-19 09:05:35
美國在做秀,跟本就不敢或無能向朝鮮開戰,既然如此,楼市就沒有爆跌的誘因,甘楼價咪繼續升,内文如果开戦...就跌。
即不开戦..就升。。。看漲呀。
7. 昇哈 2017-04-19 09:42:53
居屋頻頻錄得破頂成交。樂富居屋德強苑一個高層3房戶,本月初以綠表價(第二市場,未補地價)788萬元易手,造價直撲800萬元,呎價12012元,造價及呎價同刷新全港綠表居屋新紀錄。全港綠表居屋造價及呎價在不足兩個月內三度破頂,可見市況異常熾熱。
8. 自我陶醉 2017-04-19 12:53:15
呢位磚家大細都買齊,真係冇得輸,勁! 

1、3、5、7、9 狀態大勇,2、4、6、8、10 動態積極,除時爆冷,11至14, 血統一流,不可不防,場場有錢收,果然與衆不同,磚家中嘅磚家,令人目瞪口呆!尤其是剛剛聽你話入咗市等明天爆冧嘅人。哈哈哈!

9. 湯瑪斯 2017-04-20 15:55:33
我都係睇淡未來幾年既樓市。會唔會暴跌?我睇幾年內會。會唔會升?我睇短期內有可能,不過升極有限。長期(三至五年)黎講應該跌既機會大過升。所以我認為如果個人擁有多於一個住宅物業,應該趁高出貨。只賣剩一個住宅物業自用。將錢投資較保險的工具,三至五年內回報應該好過樓,有且免卻樓市一旦暴跌的風險。
10. 虛驚ㄧ場 2017-04-20 19:50:36
中東過去發生不少戰事或爭端,所以自1990年中東事件後,小型地區性戰事對金融市場的影響愈來愈少,甚至見怪不怪,更何況位於亞洲的北韓。今次北韓事件亦與從前沒有太大差異,只加入新角色、有性格的特朗普而已,北韓近年來多次發射飛彈,不但似乎射程不遠,也未能威脅日本,否則今次北韓事件必然引發亞洲市場震盪及影響日本。事實上,現時股市平静,樓市更無影響。
11. 十郎 2017-04-20 22:29:47


      之前據報道,攻韓三航母將於下周初抵埗。

      今日消息傳來(東方),三艘航母,卡爾文森號尚在澳洲,列根號在橫須賀維修中,尼米茲號在加洲訓練中,講大話!我諗肥仔笑到跌咗落地。仲未起錨?

      要出動三個航母戰鬥群對付北韓?有冇抬舉咗肥仔。要出動甚麼去對付何止大十陪的中國?



12. 狂瘋 2017-04-20 22:50:37

香港已經進入瘋狂時間,高處未算高,令到「社會資源去晒樓到」,而且樓價升浪長達十年,令市民已經對買樓有種一定升的期望,就算樓價有回調,跌一、兩成就已經有人爭住去接,所以樓價好難有大跌空間。

13. 起錨 2017-04-21 09:01:22
特朗普大話精,原來最懼戦系美國。不打仗,那麽如大戦楼價跌的預测就不會出現,楼價又起錨。
14. 引刀一快 2017-04-21 09:58:17
看來,市民避險心態比外圍因素還凶險!
15. 十郎 2017-04-21 10:28:03


      昨日特朗普又對第二流氓國伊朗進行挑釁。

      昨日美國國務卿蒂勒森說伊朗核協議過時,特朗普政府要重新審視伊朗核協議。

      美國四圍點火,所為何事?都係小心小心。表現硬漢形象?定係要留芳百世?






16. 老年新症 2017-04-21 12:21:50
特朗甫係地產商!難道他想自己身家暴跌?
17. 十郎 2017-04-21 13:12:33


      身家大跌有幾咁閒事吖!會升翻㗎麻。唔攪攪震就漸漸冇人用美金啦,製做危機d人買黃金,買美金避險,趕錢入美國呀。

      戰事唔會燒到美國本土,我睇地產損失較輕微,所以佢唔會撞核子大國,佢蝦伊朗同北韓冇火箭推核彈到美國。如果唔係投鼠忌器,打狗看主人,北韓早早廢墟。