地產博客 > 資深會員專欄 返回
瀏覽人次:50073    回應:57
資深會員專欄
實名行動
 
珍惜香港
法團專業投資者
SMIEEE.MSc(ICDE)
http://facebook.com/hongkongtruevalue/
2019年9月17日
※珍惜香港※(2019-09-17 11:52)
沒有暴政,只有暴徒!
沒有黑警,只有黑記!

民主自由,真主偉大?
五乜訴求,不知所謂!

口講民主,實為文革!
扮和理非,實挺暴力!

沒有犯法,何來執法?
唔使執法,何需武力?

行正企正,驚乜引渡?
唔喺反中,那怕送中?

冇做衰嘢,使鬼蒙面?
光明正大,怕乜實名?

一人實名,怕你欺凌?
萬人實名,睇你點欺!

支持全民實名行動,止暴制亂,檢舉黑媒,譴責做假抹黑,
全面否定一切反中亂港、禍國殃民之有形及無形暴力行為!

按「大心」讚投票支持禁蒙面法:
https://facebook.com/todayreview88/posts/.....

實名聯署檢舉港台黑媒:
https://facebook.com/hkgpaocom/videos/.....


講多無謂,立即行動!
                                                                           
 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 愛國號 2019-09-17 12:40:42
好!講得好!支持警方嚴正執法!!
3. MMC 2019-09-17 14:13:38
全部同意!支持 💪💪💪
4. 忍者 2019-09-17 14:31:41
資深會員?從未見過佢出現喎
5. 歷史長河 2019-09-17 14:31:49
到底係五乜訴求?😀😀😀
6. 道德高地肚內的蟲 2019-09-17 14:33:40

支持更多團體實名頻密登報譴責,以正社會歪風.
支持警隊.


8. 秋葵干 2019-09-17 14:56:12
全部同意,已簽
9. MR. CHEUNG 2019-09-17 15:48:27
Agree.
10. 望東樓 2019-09-17 16:40:31
Like
11. 活在當下 2019-09-17 19:10:05
全力支持,已簽!
12. CH chan 2019-09-17 19:28:55
香港人應該要清醒,這樣下去沒有出路,大家退一步冷靜停一 停想一想
13. 道德高地肚內的蟲 2019-09-17 20:38:43
全部同意!
14. 打工仔 Andy 2019-09-17 21:07:29
15. 引刀一快 2019-09-17 22:41:29
全面支持!

珍港兄身先士卒,喺度實名先,光明正大,建議地產網唔敢實名嘅,全部自動消失,或者全部禁言。
16. 引刀一快 2019-09-17 22:45:07
好嘢,以後撈波弟都要現真身,地產網迎來新的時代。
17. To 引刀兄 2019-09-18 01:25:39
恭喜引刀兄終於突破盲腸, 自己出個post叫人實名,但就自己從來都冇用實名。
真係人唔笑,狗都吠。
乜野法團專業投資者,SMIEEE.MSc(ICDE), 乜呢啲會入面有一個人叫做珍惜香港???
條友不如話自己係顧問醫生,御用大律師。
人哋啲專業學會,係有登記名冊, 被公眾人士查閱,費事畀人假冒詐騙。
我就查唔到一個人叫做珍惜香港, 大佬下次扮專業人士可唔可以專業啲呀?
19. 引刀一快 2019-09-18 08:26:57
等等,唔係搞網絡實名制咩?
20. 歷史長河 2019-09-18 09:02:18
17 樓,為何不睇清楚樓主講乜之後再來評判?先入為主思維真係害死人。
21. 自我陶醉 2019-09-18 09:03:41
珍兄

“冇做衰嘢,使鬼蒙面?” 呢句有斟酌地方,我地警隊都蒙面㗎,俾人話你影射警隊的話,可大可小啊!


17 樓

你估人人都可以亂講咩? 就算人哋亂講都有風險㗎,若然你唔信,有權去證監會立案投訴,冇有效牌照自稱法團專業投資者可能係刑事罪,如果冇記錯,最高罸款500萬再加監禁。


22. 自我陶醉 2019-09-18 09:54:26
19樓 引刀兄

咪玩喇! 自我陶醉都已經好實下喇! 話時話,嗰張表又要人寫實名,又要填電郵,資料又唔知俾咗邊個,我估已經觸犯咗個人私隱條例。我本來想填都有啲猶疑, 如果珍兄出真名去收集,可能更具合法性,我都會支持。我都明白17樓嘅擔心,可能係有人借政治事件,用假名去收集個人私隱。


24. 八十後小蟲 2019-09-18 13:48:27
樓主條實名Link好似被封咗
25. 引刀一快 2019-09-18 13:49:02
自我陶醉兄

你點開過條link嚟睇咩?我冇呀,個個都係得把口話支持,我等佢地真係實名咗先咋。
你知喇,做淡友,成日俾人圍,如果俾人水埋實名嚟圍,啲撈波弟又唔實名繼續分身圍人,咁即係點?

話時話,實名同蒙面有咩喇耕?係咪要喺口罩上面寫自己名?還是要透明口罩?還是網絡實名?

唔明,R頭。
26. to 自我陶醉 2019-09-19 18:14:47

咁可以去證監會投訴,我肯定法團專業投資者入面無一個叫"珍惜香港"既人.

27. 珍惜香港 2019-09-19 20:42:32
珍惜香港(2019-09-19 20:42)

TO:4/F 忍者

可能因為太「資深」囉!哈哈!

TO:5/F 歷史長河

五乜訴求,光乜叉講,革你條命,口號嚟啫,隨你點 UP,阿彌陀佛


TO:15、16/F 引刀一快

多謝引刀兄支持!既然閣下温馨提示,咁我就補充一下。

各位响地產網用慣筆名,當然喺 NO PROBLEM,不過實名投票或聯署,就唔可以咁樣,千祈唔好手快快咁,填咗「引刀一快」,應該要寫「自我陶醉」呀!(唔好意思,私隱關係,必須填黑)

TO:17、26/F 唔知乜水

珍惜香港,只不過喺筆名啫,有乜咁大不了?

至於我果堆資格、身份,或者代表嘅法團,睇嚟你跟本就唔了解究竟喺啲乜,就話有嘢可以俾公眾查閱,你仲話查唔到一個人叫做珍惜香港添。一個筆名,當然喺查唔到啲乜,但既然你言之鑿鑿,話自己查過,咁就唔該你 SEND 返條 LINK 出嚟,俾大家知道果三個你話嘅所謂公開名冊,究竟响邊度,或者點樣查。如果根本就冇你所講嘅公開名冊,又或者原來你喺冇查過,咁就即喺話,你以虛假陳述,惡意中傷。

我响呢個網站,喺有註冊,亦喺可以出文嘅資深會員,所以我嘅真身,雖然唔公開,但都喺 TRACEABLE。閣下連筆名都懶得用,就以為自己講乜都得?你出回應果刻嘅 IP 地址,已經可以 TRACE 到你嘅真身,我奉勸閣下慎言!

TO:21、22/F 自我陶醉

自醉兄,別來無恙?

立咗禁蒙面法,就大家都冇得蒙啦,到時咪睇下邊個驚啲囉!

關於 17、26/F 呢類非註冊惡意回應,本來就費鬼事理佢,不過諗起引刀兄嘅撈波弟論,呢啲非註冊回應,可能喺唔知乜水假扮嘅,咁我就喺咁易奉勸下個唔知乜水啦!多謝自醉兄關心!

至於放响個呼籲裡面果兩個行動,當然唔喺由我本人發起,一個喺嚟自今日正言,另一個就喺嚟自 HKG 報,我只不過盡一下「各界人士」之任啫!你提到後者果個實名聯署,見唔到由邊個主辦,喺因為我想方便大家,就直接放上咗聯署條 LINK,真喺唔好意思,令到各位或有疑慮。我已經將佢改為主辦單位嘅連結啦,多謝自醉兄提醒!

TO:24/F 八十後小蟲

之前果條喺 HKG報網站提供嘅 SHORTENED LINK,會 EXPIRE 嘅。原來條 ORIGINAL 响佢個 FACEBOOK 度,已經修正,謝謝!
28. 引刀一快 2019-09-19 20:58:25
珍港兄

蒙面法實行,只會越來越亂,理由我講過好多次,講多次,因為咩人都可以蒙面,但唔係咩人都有權執法。
29. 自我陶醉 2019-09-19 21:19:31
珍兄

你唔係咁天真,以為立法後速龍都會唔帶口罩吓嘛? 哈哈哈!

老實講,我見識少,從未聽過咩係HKG報。是生果日報對家嗎? 乜辦報唔係要中立的嗎? 現在睇新聞真係愈來愈無選擇,Now 同Cable 算比較中肯。
30. 歷史長河 2019-09-19 22:22:25
醉刀摩斯光復完長河,又來光復珍港。缺一不可💪
31. 自我陶醉 2019-09-20 07:55:44
河兄

乜講到光復咁嚴重呀? 我見兩位稀客咁耐唔出文,同你交流吓,製造啲火花啫,唔喜歡就算喇! 你哋自便。 
32. 誰可估計 2019-09-20 12:20:46
俠義每多屠狗輩
淡棍也有講人話

果真是世事如棋局局新,估佢唔到。
33. AH-HO 2019-09-20 12:58:06
支持
34. 自我陶醉 2019-09-20 17:44:32
32樓

誰可估到你到今天才學會聽人話,再也不用屠狗了。 可喜可賀! 哈哈哈!

35. 誰可估計 2019-09-20 18:48:19
34樓

人話我除了聽亦會講,不過只係對(人)講。

哈哈。
36. 珍惜香港 2019-09-20 20:37:54
珍惜香港(2019-09-20 20:37)TO:30/F 歷史長河

河兄立場堅定,旗幟鮮明,無容置疑,不過响爭論嘅火花之中,閣下似乎誤解咗醉刀兩位嘅基礎立場。

記得五年前,大家齊心一致,反對佔中。當時醉兄明確表明,佢反對暴民政治,支持反佔中

刀兄亦曾經講過,話唔支持佔中,只不過佢認為,呢啲只喺細路仔玩泥沙九成九搞唔成,認為大家唔應該太著意,搞到成單嘢提升至派系鬥爭。而刀兄身處內地,對於保留香港與內地之別果種價值,喺基於對香港角色同歷史任務嘅睇法,跟本土派嘅分離主義或西方普世價值嘅意識形態,喺截然不同。

時至今日,我仍然相信醉刀兩位嘅基礎立場不變,既然醉兄反對暴民政治,又點會企响暴徒果邊?而刀兄亦同當時一樣,只喺堅持保住香港嘅某種價值啫,我亦唔相信佢會 BUY 果啲五乜訴求噃。

簡單而言,醉刀兩位,雖然唔喺藍白,但亦唔會喺黃黑,我相信大家仍然有討論空間。
37. 歷史長河 2019-09-20 23:58:29
珍兄,我估醉摩斯是紫的,刀摩斯是綠的。一個奼紫嫣紅,一個青蔥翠綠。地產網因為二位便多姿多彩了。
39. 引刀一快 2019-09-21 01:44:03
珍惜香港兄

乜要求都係假,救香港只有一個訴求,就係飛地,除咗飛地,冇嘢可以救到香港,我一路都係呢個訴求,香港嘅所有價值都有機會發光發熱,修補社會撕裂,個個學韓國瑜話齋咁發大財,而且對國家正面作用大到難以估量,幫助國家過渡貿易戰損害,咁有意義嘅舉措,一個訴求頂嗮!

最近唔小心惹咗長河san嘅長河病,你話咩5乜訴求話?我唔清楚訴求乜喎,叫長河san闡述一下,唔該。
40. 自我陶醉 2019-09-21 08:24:21
珍兄講得冇錯,我從來唔支持暴民,嚴格嚟講,我唔支持一切破壞法治嘅行為,無論你係打住民主,打住制亂,或係打住愛國嘅旗號去破壞法治嘅行為我一概反對。

41. 歷史長河 2019-09-21 10:58:52
紫醉摩斯.和理非 👍
42. 引刀一快 2019-09-21 12:12:56
自我陶醉兄

仲講法?連理都講唔上喇。
最近惹咗長河病,好混亂呀好混亂呀...
43. 珍惜香港 2019-09-22 13:30:39
珍惜香港(2019-09-22 13:30)TO:39/F 引刀一快

引刀兄講到飛地,我喺非常讚成,仲要响大灣區起埋公屋,租地、甚至買地,都比起用本土地化算啦!

不過你話解決香港果一堆問題,我諗你將個因果調轉咗。唔喺飛地去解決香港嘅問題,而喺果啲問題唔解決,飛地唔使旨意行。因為做到飛地,必須要一系列中港政策嘅配合,包括涉及中港融合嘅財政、土地同人口政策。呢啲政策响內地通過,EASY JOB,咁响香港呢?

引刀兄,其實香港已經執返身彩,如果撞正呢股東風,唔喺修訂逃犯條例,而喺一地兩檢嘅話,咁就真喺連高鐵都開唔成啦!

唔好以為兩者唔一樣,當時嘅一地兩檢,都俾人話(包括果個大黃師公會)違反一國兩制,跟著黃媒越煲越大,講到乜嘢割地,甚至話公安會响站內拉人之類添。如果當時一地兩檢,又喺俾個唔知乜泛民卡住咗個主席位,拖足你兩個幾月,俾足黃媒時間抹黑,又撞啱七一加埋暑假,咁後果會點,就真喺唔使多講。
44. 大黃師公會 2019-09-22 14:05:16
43樓講得好!一針見血!
45. 引刀一快 2019-09-23 01:44:12
珍港兄

我冇倒因為果,如果你覺得要解決嗮一切問題先有機會飛地,咁世界上有咩問題可以未開始而做先開始解決?有就係齋嗡。飛地本身就係一個解決大量問題嘅方法。
飛地只係阿爺一念之間嘅事情,冇咁多政策唔政策,阿爺一句,自然水到渠成,全民利益,邊個會反對?
飛地現兜兜放喺度,個個都搶,只會契弟走得磨。
高鐵係俾地,飛地係攞位,完全兩碼事。
46. 2011年開始 2019-09-23 12:25:07
已簽👍
47. Small Potato 2019-09-27 07:53:20
支持
48. 歷史長河 2019-09-28 12:43:59

劉業成向警隊發信全文﹕

致同袍們:

我在8月9日回歸警隊,從這天開始每天24小時同大家一起面對充滿仇恨、撕裂、動盪不安的社會和處理香港歷史上最嚴重及全無法紀的暴亂。

我回歸警隊其中沒有任何個人原因,我不是為名、不是為利。我從不怕辛苦。今天我希望同大家分享一下我回到警隊的感受。

修例引發動亂  擔心香港被暴亂毀於一旦

今次因修例引發的動亂,令我對香港的未來真的很擔心。我擔心幾代無數香港人拼手胝足用血汗,辛勞建立的家(香港)、世界上最美好的城市,隨時被暴亂毁於一旦,一下子可能一發不可收拾。回歸警隊初期,我往往雖然很疲勞,卻難於入睡。有時在靜的一刻也想,究竟我回歸做對了嗎?我能幫助我的同袍嗎?

但今天我可以同大家講,過去6個星期是我人生中最艱苦、最憂慮、但最光榮的日子。我看見我們在前線的同袍,面對暴徒目無法紀肆無忌憚的罪行,包括衝擊警方防線,襲擊警察、攻擊警署及宿舍,威嚇警察和家人的人身安全,還要受盡很多,無理、不公平的屈辱、傷害時,同袍們仍然「守職而不廢」,盡忠職守,面對嚴重暴力、襲擊、危險、人身安全威脅,你們堅定維持香港法紀,「處義而不回」。

讚揚同袍「守職而不廢,慮義而不回」

因為你們「守職而不廢,處義而不回」的偉大精神,香港在如此危難、危急、嚴重暴力、動亂中,才能「頂住下來」,沒有倒下來。

若沒有你們的堅持、頂住,香港將變成怎樣?真不敢想像。我想到此,從心底中向你們致上最無盡的感謝、感恩。我的同袍,在這嚴重動亂、破壞的日子,香港仍能「頂住」,全賴有你們,全賴香港三萬多警察!。你們真的很了不起。能再次與你們共同奮鬥,共事是我的光榮。

抹黑為「黑警」被陷害

今年年初,我們仍然被公認為世界上最優良的警隊。我們與市民關係良好,互相信任、合作,市民滿意度高達84分,但一夜之間,同一樣的香港警察,卻全被抹黑為「黑警」,這是世界上最大的陰謀和謊言,我們被陷害。

這幾個月,讓香港人看見香港很多非常醜陋的事情。香港一些人(政黨、議員,宗教,傳媒,教育及社工界)過往利用空泛口號去達到其政治目的及利益。近幾個月,他們變本加厲,不擇手段打擊香港政府的威信,不理是否嚴重的傷害整體社會,不分青紅皂白,公然支持暴力、及向學生宣揚令人震驚、錯誤、仇恨的政治思想,煽動還在成長的學生參與示威、暴力、仇警行動。

最令人憤慨是借新聞自由為藉口,公然做假,或斷章取義,扭曲事實,全力煽動仇警,破壞、撕裂香港人與人之間的關係。維護法纪、治安,保障市民生命財產是香港警察的天職,使命。但因為一群人不擇手段,無中生有地將香港警察指控為打壓自由的「黑警」,利用「黑警」這樣的指控去煽動、製造嚴重的動亂、暴力。不幸有量的香港市民、學生、信徒,受愚弄而參與或間接、直接支持了暴亂。

扭曲事實 謠言做假

香港現在因此被大肆破壞、暴力處處,止亂無期,人人充滿怨氣,仇恨,互不信任,連家人之間也互不信任,人人人心惶惶、不安,香港人不再快樂。我們當然不是「黑警」,但心懷不詭的人不斷地造假、扭曲事實,全力抹黑我們。目的就是破壞香港市民與警察本來來良好的關係,煽動仇恨,令更多暴亂因此而產生,破壞香港管治、安全。他們一起製造出來「黑警」這個失實的指控是這幾個月來來暴力、動亂的根。使市民與市民的互相仇恨的根。這些「動亂之根」、「仇恨之根」都一定要撥除。根本上是沒有「黑警」,本來亦沒有「仇恨」。指控是「虛假的」、仇恨是「不真實的」。

香港今日最要緊迫的是撥亂反正,撥除一切動亂、仇恨之根。這目標不能只用法律或武力去達到。要徹底解決,我們香港警察要聯同香港各界一起努力,以大智慧去處理,一起齊心,堅決撥亂反正,才能回覆我們本來和諧、安心快樂的香港。

大部份市民支持「止暴制亂」

同袍們,「和大怨,必有餘怨,安可以為善」。我們不祈望所有香港人都認同我們執法的決心,但我堅信絕大多數香港市民都支持及希望「止暴制亂」這個目標。只要我們得到香港市民一如往常的信任和⽀支持,暴力、動亂將再難以煽動、推動。若仍有少數暴力人士,香港警察得到大眾市民支持和合作,我們一定能快速制止。香港便可回到世界最安全城市之列。

我懇請大家繼續以「守職而不廢,處義而不回」的精神去維護法紀,以「撥除仇恨之根、動亂之根」的方針去處理暴力。我們一齊共同努力早日邁向「止暴制亂」這個目標。讓香港回覆到「人人和諧相處,守望相助,我們的家」。

劉業成敬上

2019-09-19

50. 八十後小蟲 2019-09-29 00:57:05
信件內容未能令市民釋除疑慮
51. 珍惜香港 2019-09-29 19:24:08
珍惜香港(2019-09-29 19:24)

各位,檢舉港台黑媒嘅實名聯署,得返一日就截止啦!

呢個聯署,喺《幫港出聲》同《HKG報》聯合舉辦。就算你唔知道《HKG報》喺乜水,都應該好清楚,《幫港出聲》就喺當年保普選反佔中大聯盟簽名運動嘅主辦單位。

眾所周知,《幫港出聲》喺親中,喺藍營,當年如是,今日亦如是。人地從來都冇變過,所以如果你認為,今時唔同往日,咁變嘅,就只喺你自己!

記得當年亦有好多噪音,話簽名喺益咗思歪,又話乜嘢水份、親中、反普選之類。跟著我就寫咗篇回應話,呢啲噪音,真喺好煩!我話,喺人嘅,就去做啲似返個人嘅嘢,講乜怕人抽水?反對佔中,但猶豫唔去簽名嘅,講乜反對普選?驚乜益咗思歪?呢啲只不過喺逃避嘅藉口啫!

如果你當年,認為我寫得精彩,但今日就扮哂中立,著意埋啲鋪天蓋地嘅仇警噪音,仲要噪音當真相嘅話,咁我可以好肯定,就算你最基礎嘅立場,仍然不變,但可惜,你已經中哂招,唔再喺中立。只不過當年人地仲未夠班,但如今已經進化咗 N 個層次啦!仲以為自己好醒?

切記,勿忘初心!!!

檢舉港台聯署突破十萬 民意昭昭不可違! 感謝大家踴躍支持 聯署9月30日截止 冀港人團結繼續聯署!

2019年09月18日 18:00

由《幫港出聲》及《HKG報》攜手發起的「十萬簽名檢舉港台,撥亂反正,改邪歸正」行動,截至到今日下午五時為止,短短一周就已有100,260人聯署,足證廣大市民對港台偏頗的不滿,可謂民意昭昭!

有見民眾熱烈反應,我們決定將聯署行動延長到9月底截止,請大家繼續聯署,讓更多的簽名表達我們的民意,要港台改邪歸正,還聲於民!

聯署網址:https://docs.google.com/forms/d/e/1FAIpQLSeiWLHx7Ao-IsJrBjFq1xNtLjCnPHXWyoSAJqmaTmHdZMN32w/viewform

👇 記得Follow 我哋 👇
IG: instagram.com/silentmajority.hk/
FB: fb.com/silentmajorityhk
Weibo: https://weibo.com/u/6655322587

非常感謝各位市民的踴躍支持,我們的聯署行動將到9月底才截止,請大家繼續聯署,讓更多的簽名表達我們的民意,促政府大力整頓港台。

《幫港出聲》與《HKG報》在聯署結束後,將去信特區政府行政長官林鄭月娥女士、國務院港澳辦主任張曉明先生及中聯辦主任王志民先生,正式檢舉港台,務求港台撥亂反正,改邪歸正。

星星之火,可以燎原!只要大家團結一致,以聯署發聲,總有一天可令港台還聲於民!

原圖:https://static.stheadline.com/stheadline/inewsmedia/20181216/_2018121615191791190.jpg

54. 珍惜香港 2019-09-30 22:52:01
珍惜香港(2019-09-30 22:52)

全港萬家慶祝七十周年國慶大行動
 
珍惜香港
法團專業投資者
SMIEEE.MSc(ICDE)
http://facebook.com/hongkongtruevalue/
2019年9月30日
現正呼籲全港市民,明天十月一日,留家觀看國慶七十周年慶典之電視直播,並拍下直播畫面(圖片或影片亦可),上載自己所有社交媒體分享,以此作為祝賀國慶之行動!

我們要向全世界證明,黃疫之患,無阻我們香港市民慶祝國慶!

不要為難香港警察之執法,亦為使黃黑暴徒之奸計不能得逞 ...

讓我們安坐家中,把我們的國慶,塞滿社交媒體吧!
55. 打工仔 Andy 2019-09-30 23:01:32
支持
56. 歷史長河 2019-09-30 23:17:01
57. 珍惜香港 2019-10-01 09:24:09
珍惜香港(2019-10-01 09:24)

謝謝打工仔 Andy!!!
58. 珍惜香港 2019-10-01 10:55:00
59. CD ROM 2019-10-01 11:42:03
熱烈祝賀!
60. 七十周年國慶 2019-10-01 14:07:17
“七十周年國慶”的图片搜索结果
61. 珍惜香港 2019-10-11 20:37:44
珍惜香港(2019-10-11 20:37)

實名行動(二)
 
珍惜香港
法團專業投資者
SMIEEE.MSc(ICDE)
http://facebook.com/hongkongtruevalue/
2019年10月11日


全力支持警隊!
全面否定黃黑!



尋日「守護香港大聯盟」發起咗「反黑暴 禁蒙面 護家園」網上大聯署,呢個實名行動,喺要填寫姓名,以及身份證號碼頭四個數字。各位,你地有勇氣簽嗎?


https://safeguardhongkong.hk/


都喺果句,講多無謂,立即行動!


63. 引刀一快 2019-10-12 02:12:54
宇宙大帝

【作词: 郑国江】

【作曲: Asei】

【演唱: 张国荣】

Greatest

Kobayashi

神奇大帝主宰太空

三位忠心战士

有勇气更有热诚

似个正气大孩子

星空轨迹里飞

任务极神秘

看远处家乡之星

星光何明媚

追击奸党恶魔

就是豪怀大志

我要这世界和平

肃清星空恶风气

三位一起出击

三军一起出击

快快去大结合

力量胜万能士

人尽赞美

星光闪过

那是我在太空飞

力量胜万能士

人尽赞美

星光闪过

那是我在太空飞

像战机
64. 引刀一快 2019-10-12 02:15:52
我覺得鄭國江對珍港兄嘅預言,堪比諾查丹瑪斯。
65. 珍惜香港 2019-10-12 13:27:57
珍惜香港(2019-10-12 13:27)TO:63/F、64/F 引刀一快

這個宇宙,沒有大帝,只有大王!

66. Carol Ng 2019-10-12 18:46:30
珍哥哥好有雅興呢!