地產博客 > 資深會員專欄 返回
瀏覽人次:19177    回應:5
資深會員專欄

給香港政府的信(二)

 

Alan Pepper

2019年8月12日
上次提到政府應該要有決心解決能夠解決的問題,給市民知道政府的決心。俗啲講,就係給市民一個感覺,承諾唔好 Hea 住做。

這個是地產網,我相信香港的居住問題是值得重點考慮。現在社會有很多不忿,其中一個重大原因就係不能安居。如果能夠安居,最起碼解決了很多年輕人現實的問題。

有很多人說政府受到太多反對派的阻攔,説揾地困難。我認為困難並不是藉口,容易就唔使做啦。相信在任的都明白這份工很難做,如果難做就唔做,咁樣會令很多市民失望。

當然,安居並非所有人的唯一訴求,政府還有很多空間可以研究及進步的。但如我之前所說,將每一份工作分開,一份一份做好是職責。

在尋找土地,我建議政府可以認真逐一列出所有新土地的可能性。而政府已經有足夠資料,所以唔好再搞乜乜專責小組,浪費時間金錢。先找一兩個反對聲音比較低的項目快速而堅決處理。當然,我唔係話唔理反對聲音,但應該積極面對,尋找反對目的及解決問題所在,尋求共識,但在這方面可能需要迫不得已強硬。

我說的其中一樣就係環保。我的睇法就是如果乜都唔做就等於環保,是一個很膚淺及沒有智慧的說法。雖然我唔係一個環保專家,但係聽過一些專家講座,是有關外國 sustainable housing、sustainable urban planning、亦有香港樹木保育的 projects。這些不是一個創新概念,在世紀初已經有研究及實行了,而且這些在香港絕不陌生。我不相信香港政府請不到這些專家來研究及發展具環保概念的城市規劃。唔可以話斬棵樹就唔得,因為瀕臨絕種,影響自然生態,這些全部都是謊話。如果有心,這些技術上問題絕對有很多專業人士可以解決。

我認為現在政府就係乜都想做,但係乜都做唔到。我建議政府先專注一兩個比較容易及成效大的項目,不要只專注一些宏大理想的長遠項目。
 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. MMC 2019-08-12 14:57:27
將每一份工作分開,一份一份做好」,這句分析很好。世界各地政府每日面對很多問題,一個真正的領袖是會有一個計劃,然後再細分研究並處理!沒有人能一次解決所有問題,同時市民也不會有耐性等等等!
2. 引刀一快 2019-08-13 00:55:50
飛地、飛地、飛地

重要事情講三次。
3. 引刀一快 2019-08-13 01:08:46
Alan Pepper兄

如果保育問題揾老外做,呢個老外最起碼要喺華南做調研二十年,或以上,咁佢先至會了解以下幾項:

1,近二十年華南物種衰退情況。
2,國內華南部分生態破壞部分與香港地域範圍生態互補性。
3,全球候鳥遷飛路線華南範圍內連貫性。
4,當地人生活模式對生態環境之影響。
5,兩地法規差異引起相關保育問題。
6,生態健全度對當地人生活之直接影響,比如空氣質量、野生魚獲等。

隨便俾錢請個專家返嚟,只會講老細想聽嘅嘢,幾過分幾無恥我都見過。

4. TAX123 2019-08-15 16:58:52
幻想 :只要政府新增 物業增值稅(eg, capital gain tax), 只按物業買入價和賣出價的差額抽稅, eg 35%, 不包括任何交易支出如利息. 將住屋的投資增值(炒買)成本增加, 從而調整房屋的投資 ( - ) 和 居住 ( + ) 比例需求至總体減少實際需求.  事實係香港有幾多人冇屋住要瞓街?  不過, 誰會搬 這塊石頭呢? (大家都是利益既得者)
5. 路過 2019-08-15 20:53:32
To 4樓,唔好發夢啦,政府就係靠樓市出糧,佢點會搞佢老細呀