地產博客 > 資深會員專欄 返回
瀏覽人次:116008    回應:149
資深會員專欄

長河亂話(十八)- 樓市三字經

 

歷史長河

2018年5月5日
(一)辣招十年,樓市萬象

一男子,心惆悵,明打壓,暗裡幫。發展商,搶地王,新盤價,拼命漲。明讓利,暗上漲,一開盤,即搶光。八八折,笑四方,低首期,後算賬。剛需族,燃希望,上咗車,不慌忙。

五年過,林鄭上,越盼降,越斷腸。大趨勢,漸明朗,爛磚頭,還要漲。棧道兵,搵地忙,一場戲,秀過場。大辯論,十八項,沒土地,怎建房?

小業主,實力強,貨在手,死不放。啲辣招,病怏怏,名雖存,實則亡。十年畢,細算賬,價未降,反爆上。樓難買,租金漲,人有居,家安康。莫再等,何時降,入返間,避風霜。

(二)樓市爆煲,全城惶恐

乙未春,論爆煲,細價爆,豪宅升。息魔到,供應增,銀主盤,逾萬宗。眾淡友,勁激動,賣自住,日日贏。三年後,跌七成,再入返,人生定。

白日夢,容易醒,CCL, 月月升。彈指間,三載過,賣嘅樓,貴五成。搶租盤,租金升,銀主盤,無影蹤。息未加,有回贈,誰之過,賴「貪」曾。

眼已睏,文未竟,何時續,等睡醒........





 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 引刀一快 2018-05-05 01:50:47
沙發
2. 引刀一快 2018-05-05 02:01:56
話之你,跌幾成,大灣區,是正經。
納米樓,價天驚,債動地,人死定。
3. 大灣王 2018-05-05 09:49:17
大圏區,治安差,空氣污,大灣人,文明欠,大灣樓,多爛尾,住大灣,等天收!
4. 引刀一快 2018-05-05 10:03:12
哈哈哈,鳩嗡佬,等天收!


5. 孟波 2018-05-05 10:22:10
香港樓,貴到嘔,但都搶,冇氣抖。

酆都區,日日吹,冇人追,鬼埋堆。
6. 好句 2018-05-05 10:39:41
好好,好句,鳩嗡佬
7. 淡淡幽情 2018-05-05 10:51:18
租樓住,日日賺,要旅遊,即起行。
買架車,溝靚姐,換埃瘋,好輕鬆。
娶老婆,變常哦,冇層樓,覺得醜。
業主兇,兩年搬,三房貴,大搬細。
人漸老,錢又冇,回頭望,淚兩行。
8. 無奈 2018-05-05 11:47:32
長河兄,創意濃,真本色,誇啦啦。
9. 無奈 2018-05-05 11:55:08
一樓兄,失沙發,好無奈。
10. 無奈 2018-05-05 11:57:00
棧道兵,意深長。
11. 打工仔 Andy 2018-05-05 14:43:47
河兄好經才對 !
12. 引刀一快 2018-05-06 01:01:53
大灣好,蔑酆都,出手低,語調高。
買港樓,逼老竇,天倫損,自取咎。
筆一揮,母揚威,訛餵屎,恐價虧。
一處通,百樣融,時代輪,擋何用?

13. 搵替身 2018-05-06 10:38:06
昔有倀鬼身亡虎口半夜回魂害至親

今見太監切錯啫啫日日洗腦揾同袍

横批:揾人陪葬
14. 引刀一快 2018-05-06 13:35:02
無名氏,運已滯,大勢去,侃去勢!
15. 無名氏 2018-05-06 13:46:29
知名宦,招魂幡,天天舞,聲凄凄,夜厲鳴,酆都好,陽居貴,惜無客,伴孤墳。
16. 引刀一快 2018-05-06 16:31:51
橫批:無名之墓
17. 引刀一快 2018-05-06 16:39:47
哈哈哈哈哈哈
18. 引刀一快 2018-05-06 16:43:14
哈哈哈,無名氏,呵呵呵,等開波。
20. 蓄芳待來年 2018-05-06 17:57:05

人人都想有層樓,

為樓辛苦為樓忙。

薪金貶值囊中澀,

樓價攀升租金揚。


去年還能買西九,

今年只可買元朗。

上月尚嫌康城貴,

今月屯門新高創。

昨日市區不買樓,

今日城郊淚兩行。

今日城郊再不買,

明日首付租劏房?


寄望林鄭行公義,

多建公屋應市埸。

再望世界打大仗,

金融風暴臨香江。

忽然額角一陣痛,

唔知點解跌落床。

擘大雙眼望一望,

原來不過夢一場。


大師老點已經年,

信佢真係累街坊。

量力而行精打算,

勉強買套小平方。

窩大窩小終須有,

以免他日(被逼)走他方。


(聞說樓價要爆了,地球要爆了,一切快完了,改編打油詩乙首,貽笑大方。)

21. 歷史長河 2018-05-06 21:20:56
大師老點已經年,刀兄日日唱大灣
獅山青青一如舊,香江風釆無改顏
君問樓市何時爆,清風問君幾時閒
天若有情天亦老,月行正道月常圓

22. 淡淡幽情 2018-05-06 21:56:15
爆煲高論何時了,
修正知多少?
小島昨夜又開盆,
舊價不堪回首狂漲中,
四成首期應猶在,
只是面積改,
若君如要有高潮,
執間劏房夜温柔。

23. 自醉 2018-05-06 21:57:36
租樓住,日日賺,要旅遊,即起行。
買架車,溝港女,換埃瘋,好輕鬆。
娶老婆,冇層樓,住公屋,覺得醜。
業主兇,兩年搬,三房貴,大搬細。
人漸老,錢又冇,回頭望,淚兩行
24. G 2018-05-06 23:38:59
上錯山頭拜錯師 , 豔陽高照穿冬衣 ,
千帆滿載擦身過 , 碧海浮沈苦自知 。

25. 無名氏 2018-05-07 00:14:31
曲寄葉振棠《太極張三豐》

屋都冇間點算好
身邊女人走晒佬
為何度數咁叻
但成日冇銀刮沙
我時常話天作弄

於昨日,我都諗過入屯門
傲然笑,等跌返半先未為遲
煲將爆得别危立
118點是平常
個人幻覺當真
突然被摑兩巴
只覺儍戇兼幼稚

26. 車公 2018-05-07 10:57:23
頃畝之田歲月深,祖宗創積到於今;
勸君勿論多和少,寸土原來一寸金。
27. 好文兄 2018-05-07 16:02:04
王XX不寛容之余,也好無品。此乃公共論壇,為什麼不接受批評。

作為一論壇作者,要有氣度及勇氣去面對批評。

只識得刪除所有留言,正正顕示王XX無恥的一面!
28. 不必有樓 2018-05-07 19:22:00
如果,命裡早註定租樓
無需, 為我將荀盤保留

如果, 財務有計劃高手
怎會租樓?

以後, 讓我愉快地租樓
回憶, 別去買樓夢在心頭

回憶, 在這一刻的我
今天曾淚流

請抬頭, 抹去舊事
不必有樓, 不必有樓

樓是可買都可租
我願租樓到永遠
我是真心不想買貴樓

以後, 讓我輕快地租樓
樓升, 只是爆煲前吹牛
樓升, C C L 118
永在心頭
29. 引刀一快 2018-05-08 00:30:37
由14年計起,大灣區升倍幾,等價於118升250以上,點解咁多眼紅友嘅。
CCL,加油!
30. Beyond 2018-05-08 15:40:04
真的怕你

無法可止升的新界樓,
帶出真意永遠在背後,
縱使山旮旯始終可靠,
懂得欣賞冇内疚。

沉醉於鳩噏都不讚賞,
引刀把戲次次冇兩樣,
猛吹鬼鎮,餐餐抽水太造作。

是你多麼囉囌的硬銷,
教我堅定地拒絕迷路,
請准我說聲,真的怕你。

没法跟風走去做死蠢,
老襯總是做埋宦,
請收檔,過主,真的怕你。
31. 引刀一快 2018-05-08 16:16:09
家駒,多謝你。
32. CD ROM 2018-05-08 16:23:05
由詩詞到歌詞, 呢度能人異士果然唔少, 之不過......

你地有free style嗎???
33. 引刀一快 2018-05-08 16:39:27
CD-ROM兄

呢個只係互相懟嘅帖,本來就係老生常談,互相賣弄文技,free style反而彰顯唔到伎倆呢。
34. 引刀一快 2018-05-08 19:41:14
今時今日仲會話大灣區係“鬼鎮”“酆都”之類嘅言論,唔加D鬼馬歌詞包裝一下,就顯得太鳩嗡喇。
就算唔俾面無名氏,都俾面家駒笑吓喇,係咪?
35. 寫實 2018-05-08 20:00:56
但他們的歌詞又幾寫實噃,冇寫錯你行為。
36. 老生常談 2018-05-08 22:14:38
老生常談?你口口聲聲大灣又真係幾有新意㖭,唔該買副鏡子照照。
37. 引刀一快 2018-05-09 03:28:20
唔使鏡喇,屙篤尿咪得囉。

我照出個人,你照出隻妖,真係夠新意。
39. 向泛民说不 2018-05-09 10:40:22
35,36楼,条有好爱国,不过爱的是美国,字里行间,你可以看到他很讨厌大陆人,跟香港港毒L一样,但是却又日日叫人去大湾区。真系有没有病?如果他叫你去日本,美国买房,拿才是正常。

看来条友可能吾既得食药。
40. 歷史長河 2018-05-09 11:05:43
多謝引刀向飯二位大師捧場,忽然諗起幾年前改編的一首小辭,放在這裡也算應景:

引刀:

你來,或者不來這,
向飯總在這裏,忽悲忽喜;
你發,或者不發帖;
向飯總在那裹,不來不去;
你認,或者不認同,真理總是真理,真的永遠假了;
你服,或者不服氣,向飯并不在乎,只向飯民說不;
來吧!來向飯的懷里,或者,讓向飯駐進你心裏;
相視,無語,關燈,脫衣。
41. 歷史長河 2018-05-09 11:18:22
33# CD 兄, Free style 何解?請指教以便一起研究!
42. 歷史長河 2018-05-09 11:20:03
#27 好文兄,王xx是指隔壁老王嗎?
43. 好文兄 2018-05-14 09:08:42
正是。隔壁老王從2003年唱淡唱衰香港樓市直到今天,可以連續睇錯市十五年,且佢自己重要系中記大股東,照計掌握不少數據,真的是不可思議。

香港樓市真的是收死不少專家。
44. 歷史長河 2018-05-17 22:13:02
隔壁老王,全世界大部分華人認識的人物之一,有可怕的繁殖能力。他有多種身分.可以是你老婆婚外情的對象,也可以是你家小孩的爸爸,也可以是你作為洩憤的對象,還可以當作笑話的主角。

根據偽基百科正體中文編撰委員會至2006年5月26日12:00止的統計,隔壁老王廣為人知的程度僅次於小明

可是在地產網,隔壁老王的知名度遠遠不如引力和向飯。

45. 引力一快 2018-05-17 22:37:38
長河兄文武雙全😂😂😂
46. 好文兄 2018-05-17 22:40:29
隔壁老王也是香港地產界明燈的代表人物,動不動就以大量數據支持其長期睇淡樓市的依據。可惜主宰本港樓市的人是天水圍師奶,強國同胞,及本地地霸。隔壁老王的預測及分析文章成為了笑柄及反面教材。

香港樓市只有贏家及輸家,沒有所謂專家。
47. 歷史長河 2018-05-19 18:46:39
45# 引力兄客氣了,謝謝。

46# 好文兄,睇錯市而能主動認錯的又有幾人?記憶所及好似只有林一鳴一人。這也許是人性弱點。不過正面去睇,市面上沒有睇淡聲音,何來幾十萬人落錯車?沒有人落車,何來貨源歸邊?何來優質租客?支持睇淡!

樓市好戲才剛剛開始,仲未到戲肉!
48. 龍虎豹 2018-05-19 22:37:37
今日在新屋清潔,地代帶了五六枱客上來睇租盆,有廿年前加國移民回歸夫婦,有年輕抱住B女夫婦,想住近阿媽,有夫婦育一幼子,可能心儀附近band 1小學,最神奇一個男人,獨關注大門坐向,說現租單位不利佢云云。

優質租客萬歲,全靠大家幫忙供樓,錫晒你地!
49. 擬似好友 2018-05-21 00:48:08
這裡除了老王cut留言外,網主都好積極咁做,但凡反駁呢度陀地言論窒得佢應時就會被消失。
50. 歷史長河 2018-05-21 18:51:06
豹哥,多謝分享。

欲知後事如何,且聽下回分解?
51. 龍虎豹 2018-05-21 23:29:22
長河兄後事如下:

 正當幾枱客仍在考慮之際,同座低層一對年輕夫婦一睇就落鎚租,明天假期約睇的要推掉。

那夫婦係聰明人,他們在15年以平我四成樓價買了同區其他屋苑三房單位放租,但卻租住我較大和有套厠的單位,租金最多貴二千,但住得舒適和樓下就是娘家,連姐姐都不用請食飯阿媽煮埋兼可照顧小朋友,佢話15年自己個屋苑沒有合適單位放盆,一於唔等入咗旁邊屋苑上車先算,否則三年後又貴四成買唔到了。

大家都係良心業主,我換埋新潔具佢用。
52. 元朗人 2018-05-22 17:09:46
長河兄文章幽默兼雅俗共賞,一讚。
林一鳴睇下半年會跌,不知會否又要找數。
53. 元朗人 2018-05-22 17:10:35
長河兄文章幽默兼雅俗共賞,一讚。
林一鳴睇下半年會跌,不知會否又要找數。
54. 歷史長河 2018-05-22 23:41:56
元朗人兄,好久不見。

林生估計今年樓市會見頂,跌5-10%,他的論據主要是加息,預測在第一次加息時港樓正式下跌,今年跌幅不大,19年跌勢加劇。

港樓今年已升11%,並且仍在強勢。務實的林鄭已放棄需求管理,不再隱瞞真相,明話俾大家知冇地;勝券在握、手握大量農地的大地主不遺餘力地高價搶地,我想他們的判斷是土地供應斷層嚴重;十五年升浪所帶來的巨大財富效應,這種財富效應在前些年一直被金管局的「樓市每升二成便降低一成按揭」措施壓抑著,以配合前任政府打壓樓市的政策,林太新政後,這項措施好似也被封頂;被DSD 所困擾的投資者經過幾年的摸索後發現港樓仍在燈火闌珊處;部分下錯車的人士也開始迷途知返⋯⋯

如果視這些因素於不見,如果對我們將生活在一個漫長的歷史低息年代進行錯判,林生不但今年要找數,明年後年還要找數。

林生曾經是我比較欣賞的評論員,可惜和很多希望一戰定乾坤的評論員一樣,犯了「恐高症」。我估計他將會和其他專家一樣,以後每年都將睇淡,直到中一次為止。

55. 歷史長河 2018-05-22 23:50:50
Admin,

我估計51樓是龍虎豹兄分享續集,並且預計他的房子最終沒有租給那幾抬客而是租給了鄰居。如果估計正確,請將51樓留言放行,謝謝。
56. 八十後 2018-05-23 10:58:58
長河兄, 為何轉了你的profile pic? 
57. 歷史長河 2018-05-23 18:16:32
八十後兄,近排生活比較懶㪚,8 Pack Abs 消失咗,如果繼續用那張咁靚仔咁fit 的像與事實不符,網上揾到一幅長河圖,就換咗佢嘍。
58. 八十後 2018-05-23 22:49:41
舊相有霸氣d, 期待你既8 pack abs 同老伯相重出江湖
59. 八十後 2018-05-23 22:52:07
我好欣賞王德順伯伯。
60. 歷史長河 2018-05-24 09:17:33
哈哈,被你篤爆,咁真的要努力操練了!
61. 元朗人 2018-05-24 13:35:16
長河兄

有幸得到詳細回復,領悟到成功人仕處世之道。

想問有趣問題,在這地產文章論壇,閣下對找數的看法?

PS: 這題目不針對任何人仕 :-)
62. 熔岩河 2018-05-24 15:10:22
這條河澎湃啲喎!



63. 補上 2018-05-24 15:11:47
https://www.dallasnews.com/news/photos/2018/05/23/photos-kilauea-volcano-eruption-hawaii-rains-drama-destruction
64. 歷史長河 2018-05-24 17:57:17
#61 元朗人兄,小弟離成功還相當遙遠。

找數這種事,看似簡單其實很難,這麼近那麼遠。

地產論壇存在已有些日子了吧?樓市長升15年,淡友一茬一茬在換,當然還有幾個老隊員仍在堅守陣地,贊👍。可是你見過有人自認睇錯市嗎?記憶中只有刀兄一人,雖然他沒有講明,不過他已經在為睇錯市的隊友指引一條明路 —--》大灣,也算為自己過去的言論負責,抵贊。

找不找數其實無所謂,但殘酷事實是市場會為睇錯的人找數。大灣前景不錯,對不少人來講的確是一個選擇。可暫時並不是所有人都願意去居住、生活,如果「被大灣」就不好玩了。形勢的發展漸趨明朗,的確有不少人會被大灣。這也許是另一種找數吧。

磚家為信眾開出的藥方是等待和入股票,這條數更不易找啊!
65. 好文兄 2018-05-24 20:28:07
同意長河所講,好多評論員轉為睇淡主主要是因為對樓價恐高。但我唔明㸃解佢地又不對日漸減弱的現金購買力恐低?

1975年至1980年香港供樓利息從十幾厘狂升至20厘,而美孚新村樓價也狂升了幾倍。你冇睇錯,是升咗幾倍。

供樓利息升香港樓樓就会跌?林一嗚太後生啦。

香港供樓利息升至20厘可能性不大。


66. 引刀一快 2018-05-25 03:31:58
被大灣?咁樣“被吹捧”好唔慣囉,哈哈哈
67. 引刀一快 2018-05-25 03:45:18
長河san

聞說遲D成個香港都“被大灣”喎,你就醒目喇,一早被大澳叻。

一直都係剛需論,再壓縮成三個字:筍就買,win喇。
68. 歷史長河 2018-05-25 08:06:32
#62 河兄,現在市況熱烈,暫時用呢條比較清涼之河,到市況淡靜,淡友開始澎湃時再切換你推薦的澎湃之河,如何?
69. 擬似好友 2018-05-25 10:31:49
好友走得七七八八,剩低陀地冇對象開始互片,澎湃就冇但些小漣漪咁啦。
70. 八十後 2018-05-25 10:50:17
大家都不想再為樓市火上加油, 引起不必要分裂 . 


71. 擬似好友 2018-05-25 10:56:06
舊年第二次留言就被陀地惡言相向屈係地代,當時只係分享咗個入市個案。

分裂似乎係故意造成,在爭吵裡尋找心靈安慰
72. 歷史長河 2018-05-25 13:39:48
好友兄,陀地是 乜乜土著嗎?
73. 擬似好友 2018-05-25 14:59:28
長河兄,你真的是聰明絕頂。
74. 擬似好友 2018-05-25 14:59:28
長河兄,你真的是聰明絕頂。
75. 引刀一快 2018-05-25 15:30:14
由我開始講香港珠三角融合,到大灣區名目確立,到依家大灣區樓價升倍幾,按長河san講法,升嘅似乎係“假錢”,呵呵呵

都係果句喇,筍至買。
76. 浪來了 2018-05-25 16:39:19
浪來了!浪來了!

75樓唔知記唔記得邊個日日叫"浪來了!",仲話個浪好大,浪呢?
77. #68 河兄, 就咁話啦 2018-05-25 18:40:24
https://goo.gl/images/AT8gCm
78. 歷史長河 2018-05-26 00:13:09
#65 好文兄,

通脹自從有貨幣以來從未停止過,并不會因為已經脹了幾千年而出現脹幅遞減的情況;公司員工的薪水也往往越是高層加幅越大,并不會因為基數高而加幅細。

樓市恐高症患者只是憑直覺,「升了這麼多年了」,「升了這麼多了」,「超越九七一倍了」「樓價這麼高,值博率低」.......,可這些根本不是樓市下跌的理由, 平唔一定抵買,貴也唔係一定要跌。歸根結底,恐高是缺乏常識,不合邏輯,炒家心態的表現。睇錯市,做錯決定也就不足為奇了。
79. 地產專收醒目仔 2018-05-26 08:40:40
轉載自2018年05月25日的經濟日報 - 汪敦敬

「買有風險!不買也有風險!」我們作任何市場討論及結論,也要知道任何時間都在這法則之下,以評論員來說我算是樓市大好友,我有責任提醒信任我的讀者不要「貪勝不知輸」!及「知輸才會嬴」!我這不是「彈弓手」,或為評論帶頭盔,而是提倡一種成熟透徹的投資態度!我評估樓市的結論一向十分清晰,市場結構若仍在「資金高、低借貸、低息口(低於通漲及GDP)」樓價將持續有力上升!承蒙錯愛,筆者被廣泛稱為「最準確的樓市評論員」!但是我卻只敢用謙卑的態度,以市場證人的身份反映見到的事實!並告誡自己切忌入大師局!當陶醉自己是大師或者能點石成金的時候,就脫離了報告樓市的軌跡,評估樓市就容易失準了!

過去幾年無買樓的人損失最慘重!?No!「落錯車無上番車」才最「雞毛鴨血」!過去十年落錯車的人達二十萬,他們只是一時錯誤判斷,勝敗乃兵家常事,機會永遠也會出現,但很多人輸了一次之後就困在自己的心魔上!「等樓價跌」,這種「等」已充滿了賭博成份,將自住樓賣出去「等」樓市跌,是十分高風險的豪賭,而且連家人的安居也押上注!樓價若再上升就輸得更徹底了!

「地產專收醒目仔」!香港樓市是在「泡沫不斷減少下持續價格上升」,但市場上小部份人曾以神機妙算的態度下狠批樓價向下,最後事與願違不單止是金錢的勝敗,更令不少人智慧/權威受損!在人性的貪、嗔、痴下,更激進地咒罵樓市,想投資者雞毛鴨血,這其實是一種報復心理,活在仇恨中其實是可悲的!不應該入這困局!

機會源於「變」,我們看到這世界天天在變,即是說機會其實是不斷出現,智者不需要咒罵樓市去希望得到翻身,因為樓市在任何市道也有危險存在,重點是機會無論樓價升或者跌,都只有準備好的人得到勝利,活在仇恨中會減少自己的準備,同時錯誤判斷其實時機就一直在自己身邊!

80. 擬似好友 2018-05-26 10:15:25
活在仇恨之中除了痛恨樓市失控狂升外,也眼紅仍有能力和胆敢入市者,硬淡心態和硬好心態兩者都有問題,其實自己做了决定,根本唔使別人認同,中意買就買,唔買又得,得咗!
81. 西蒙 2018-05-26 14:29:46
長河應該係硬好,哈哈
82. 龍虎豹 2018-05-26 20:25:27
想做硬好,都要夠實力先可以。
83. 我們負擔得起250元一尺的樓價? 2018-05-27 05:13:29
「這個樓價大約是十五年前的六倍之巨,試問一個家庭可以把大部或全部收入付租或分期買樓?試問月入六百元的家庭可以負擔三四百元的一個房間?目前社會不安主因在於住的難題,因此,我們歡迎港府大建住宅的計劃,盼其急速進行,同時繼續管制租金与考慮擴大管制範圍。」

1972年10月23日華僑日報
84. 歷史長河 2018-05-27 10:32:03
# 81 西蒙兄,

小弟係盲好,已經盲咗十幾年了,仍在盲着。

#83,原來報紙佬早在1972年就開始恐高了。睇來「恐高年年有,近排特別多」。多謝分享。
85. 占士 2018-05-28 09:34:24

網路世界是臥虎藏龍的地方,地產網正是體現了這點。今天喜見長河兄再發文,一石激起千層浪,心中非常激動哦。也不知道該說什麼,三字經我也不怎麼會,就亂來作一篇,表示一下吧。希望長河兄別見笑哈。

 

香港地,繁榮港。人才多,資金厚。投資項,各式樣。選對了,發大財。

買股票,天天漲。某一天,跳水了。風吹那,雞蛋殼。財去了,人安樂。

傻乎乎,買磚頭。隨便買,都會漲。專家說,很危險。我不管,租照收。

地產網,好地方。天天來,忙偷閒。小弟我,湊熱鬧。見各位,樂開顏。

 

我要開會去了,有時間再和大家吹水。哈哈哈

86. 歷史長河 2018-05-28 21:59:07
占士兄,好經好經。


傻乎乎,買磚頭。隨便買,都會漲。專家說,很危險。我不管,租照收。」

看到上面幾句,唔知點解忽然想到袁大將軍那二句著名的三字經。第一句送給十幾年來各大小黑灰天鵝犀牛,第二句正是香港樓市寫照。不要見笑,請您欣賞。



87. 地球很危險 2018-05-30 11:26:34
專家說,氣候暖,水漲高,末日到。

磚家話,樓價高,就爆煲,咪亂郁。

淡友們,日發功,夜咀咒,望樓仆,

蟻民就,野照扑,仔照生,人要活,

唔買樓,都要租,想瞓街? 排隊啦。



88. 歷史長河 2018-06-01 20:32:28
#87 危險兄的三字經不見了,我幫你發出吧!
From 地球很危險:
專家說,氣候暖,水漲高,末日到。磚家話,樓價高,就爆煲,咪亂郁。淡友們,日發功,夜咀咒,望樓仆,蟻民就,野照扑,仔照生,人要活,唔買樓,都要租,想瞓街? 排隊啦。
89. 地球很危險 2018-06-02 11:20:48
長河兄謝謝。

可能我發表的言論好危險,所以全部被cut了。

來這裡留言只是遊戲人間,又喜歡你的言行所以捧你場,再見。:)
90. 歷史長河 2018-06-02 13:28:39
危險兄,多謝捧場。

樓市只有一個方向,已經沒有甚麼好講,淨剩 gogogo。所以大家得閒上來胡亂吹吹水,勿須太認真。
91. 龍虎豹 2018-06-02 19:10:51
長河兄:

Admin係以IP來定目標cut post的,雖然小弟也只是得閒吹吹水,可能身為好友已經是原罪,所以也不打算註冊和再吹了,就讓這裡保持為淡淡的心靈安慰所,呢段話別也可能出唔到,再見。:)
92. 歷史長河 2018-06-02 23:38:16
豹哥威武,靚女adim 小姐馬上放行,以實際行動證明你的IP依然受歡迎。請繼續吹水,唔好停。gogogo 😃
93. 八十後 2018-06-03 07:05:13
長河兄,香港樓以外,買進外地樓有何意見?
94. 歷史長河 2018-06-03 15:52:27
八十後兄,

意見不敢,不過本人的確是從2014年已經開始走出去。過程是漫長的,這個旅程直到今天還在進行。走出去的原因並非認為彼鄉好於此鄉,只是想多一條腿走路。事實上做為一個低端投資者,小弟從來認為自己沒有能力把握最佳投資時機和地點。只要一個地區相對穩定,人口仍在增長,任何时候也可去馬,而唯獨唔好讓 Cash 躺在銀行瞓覺。

今天和澳洲盲好朋友閒聊,總結一下磚頭經驗,大家一致認為,投資磚頭要有一個目標,二個槓桿,三個原則:

一個目標:被動收入+永續年金
兩個槓桿:時間+金錢
三個原則:越早越好(E = early ),越多越好(M = more ),越久越好(L = long )。 ExMxL 個威力堪比原子彈。

走出去并非易事,也不一定適合每個人,因為每個人的情況不同。兵無常勢,水無常形,要各施各法。不管黑貓白貓,逮不到老鼠就只能引刀。如果八十後兄有什麼好的思路,還望與大家一起分享。
95. 二十五連升 2018-06-03 17:29:25
長河兄,差估署公佈的樓價指數連升二十五個月,更一口氣18個月創新高。中原指數被操縱之說不攻自破。

只有面對現實,方能客觀地評價樓市。
96. 差估署樓價指數連升二十五個月之谜 2018-06-03 18:50:14
今次差估署樓價指數大升,我感覺上可能是手民之誤,或者是主持人放假,接手的人掌握不到當中竅妙,令到指數突然大升,不過,這只是我的揣測,絕對不能作準。
97. 阿豬 2018-06-03 23:25:50
長河前輩
前輩您太有型
請受小豬一拜
如早些看到您文章就好
希望現在還有機位可做個末端投資者

98. 歷史長河 2018-06-04 22:27:53
95&96 師兄,

關於中原指數,坊間時不時會有質疑其造假的聲音,對此我寫過二篇文章:「指數的故事」和「中原估價指數CVI」,不再重複。事實上政府數據顯示到四月份樓價已超越97高位117%,而中原指數到五月底才超出97八成。

我不認為中原故意造假,不過CCL 的確有些系統偏差需要review 。目前為止, CCL 仍是大致准確地反映市況的可靠「領先」指數,質疑CCL 弄高的人士實為輸唔起。
99. 歷史長河 2018-06-04 22:32:25
阿豬兄,你太厚道,「型」實與我無緣,「前輩」更不敢當,謝謝你。
100. 八十後 2018-06-04 22:39:40
謝謝長河兄,我會根據你的提點去研究。

另外,最近有留意大馬吉隆坡既物業,物業價格較低,但仍然研究中,有機會再分享一下。
101. 歷史長河 2018-06-04 22:55:45
八十後兄,大馬小弟了解不多,剛好前些日子朋友圈中的舖、工廈雙料后也曾前往大馬考察,回來後有於小弟分享,徵得佢同意後,Post 在這裡與大家做二次分享,如下:

「借5成,外國人買5年內賣資本增值稅3成,5年之後5%。」(佢剛剛補充,近排了解到有些樓盤借款可高於五成)

「馬六甲可以考慮,有高鐵站由昆明開出,近皇京港(中國投資取代新加坡港口),旅遊城市,每4個去馬拉旅遊有3個去馬六甲,可能買商場更多,做遊客生意不受網購影響,有大量中國投資成片開發,張藝謀投資的印象表演館買票等6至9個月。」

「買物業買家不付佣金,賣家一方付,由此看來房子不缺,
實際情況要詳細研究。」

「馬拉是個好地方,無天災(台風地震)不排華,資源豐富,有石油,油價HKD4升,馬拉人對生活無要求,如果早知係甘我去馬拉😀,馬拉人知足常樂競爭少。華人2成。」


「要留意新山,位於馬來西亞新加坡對面尺價偏高,另外馬來西亞在馬哈迪上台之後叫停高鐵,新加坡俾他累死,事由新加坡已簽高鐵合約600億坡紙」

「我估馬拉特登整古新加坡😅」


102. 周大師如是說 2018-06-05 22:26:53

2018年6月1日

我對港珠大灣區的不看好

港珠澳大橋即將在9月通車,港鐵(066)主席馬時亨說,香港青年如在內地置業,猶如家住美國康涅狄格州,上班地點則在紐約,一樣的方便。

預計港珠澳大橋的收費為私家車150元,穿梭巴士450元,以每架巴士坐45人計算,每位約需5至12元,估計單程80元,來回就是160元,多位論者都已指出普通打工仔只怕負擔不起,直斥馬時亨太過離地。

在此,我指出另一重點,就是美國人從康涅狄格到紐約上班,是開車,香港人乘港珠澳大橋,是坐巴士:開車上班,是點對點,但坐巴士上大橋,首先要坐車接駁去大巴站,過了大橋下車後,還要轉車到上班地點,合共是三程車。每一程車,都要等車,消耗時間。馬時亨應該沒有坐過巴士返內地,中途需要過關兩次,兩地兩檢,每次要提行李下車……

我估計,全程上車下車,走路和等車的時間,各20分鐘左右。其中有部分時間,是日曬雨淋,頗為辛苦,自然和美國人開車大有分別。不過香港人的命賤,不管是權貴還是反對派,都公認了我們的生活標準是住400方呎公屋,坐公車上下班,700方呎私樓是豪宅,開車是奢侈,這也是朝野之間的共識,也是香港人的宿命。

不過,要說到大灣區的「機遇」,在二十年前,香港和深圳的狀況,豈不也好比今日的大灣區?查實港深相比港珠,位置較接近,交通成本也更低,如果當年港深融合,早已是世界第一的大城市了。

且不去追究為甚麼當年港深沒有融合,二十年後的今天,港珠要發展大灣區,首先有深圳夾在其中,再者路程遠,成本高。它可以作為有錢人的後花園,窮人的養老地,年輕人的玩樂點,但要發展中港融合經濟,卻未免大有難度。

如果港珠澳大橋不收費,沒關口,珠海作為一個特區,另設與中山的關口,但珠海人並不能在香港打工,這樣子,也許可以把港珠快速融合起來,至少,香港人在珠海居住,上班的成本低得多,把辦公室設在珠海,也容易運作。

但如此一來,中港失去了屏障,民主派不會肯,地產霸權也不會肯,香港市民也不會肯,皆因千多億元泡湯,誰肯呢?

https://www.am730.com.hk/column/%E8%B2%A1%E7%B6%93/%E6%88%91%E5%B0%8D%E6%B8%AF%E7%8F%A0%E5%A4%A7%E7%81%A3%E5%8D%80%E7%9A%84%E4%B8%8D%E7%9C%8B%E5%A5%BD-128413

沒有留言:

103. 八十後 2018-06-05 22:34:37
謝謝長河兄詳盡又有趣既對話節錄!

且看大馬隆新高鐵結局如何,會否峰回路轉。
104. 扭曲的價值觀 2018-06-06 23:18:59
對於「買樓=成功」這扭曲價值觀,我一直很懷疑。為了扭轉這市儈風氣,在下謹以我國傳統經典,揭穿資本主義惡毒的真面目,破除這奴役年輕一代的思想牢籠︰

1. 人生意義︰
佛家以「貪、嗔、癡、慢、疑」為人生五毒,其中對買樓的迷戀,即屬「貪、癡」無疑。所謂「蝸牛角上爭何事,石火光中寄此身」,其實買樓不買樓,又有甚麼所謂呢?命裡有時終需有,命裡無時莫強求,且不論貧富貴賤,最後也都殊途同歸,化為一杯黃土。人生,確實不需要太執著。 

2. 夢想追求︰
除了買樓,人生還有還有值得我們追求的夢想嗎?正如儒家學說所言,修身齊家,是為了治國平天下,前者為本,後者為末,本末倒置,則怠矣。買樓,把我們青春和未來鎖死在這個城市,從此被息率、銀行、政府政策等牽著鼻子走,被套上枷鎖的年輕人,還如何「治國平天下」?再者,就是要買,非要現在這個Peak位接火棒嗎?我們應否保持理性,稍等幾年,待樓價去到某合理水平才再考慮?

3. 風險管理:
法家韓非子曰︰「聖人之道,去智去巧。智巧不去,難以為常」。要買樓,便該以正道行事,光顧高成數按揭、按揭保險、父幹啃老等,不按規矩,是不應該的。這與孔子的教誨如出一轍︰「富與貴,人之所欲也,不以其道,得之不處;貧與賤,人之所惡也,不以其道得之,不去也。」如果自己付不起四成首期,便應該努力壯大自己,而不是以詭道行事,這是君子所不為的。

4. 突破思維框架︰
道德經有云︰「道法自然」,順從自然,是天之道。所謂「人生規劃」或「人生目標」,都是artificial的,都是違反自然的嘗試,這對人對己,皆有害無利。其實,人生是我們自己的事,根本無需向別人交等些什麼,也無需糾結在「我要享受」或「我要省錢」的二元對立死胡同,因為善惡、好壞、對錯等,都只是人們主觀的價值判斷,是禁閉我們思想自由的牢籠。只有忠於內心,順乎自然,才能得到真正的自由。
105. 誰扭曲? 2018-06-07 09:31:34
好心樓上既引用中國傳統經典,就唔夾兩個英文,而且peak和artificial並唔係英文原創詞中文表達不到。

就閣下講嘅四則歪則,實有誤導後生之嫌,你自己無能就唔好揾人陪葬。

1.照你講法人終歸一死,買唔買樓都冇所謂。咁你教仔係咪讀書唔成又冇所謂,身無長物又是旦,毋須上進,横掂死後乜都冇,開開心心做廢人啦?

2.自打咀巴,既然買唔買樓都得,咁平些小又去買?買咗咪一樣要供,鎖20年同鎖25年即係五十步笑百步?

3.……啃父幹不按規矩,不應該,要自己儲夠四成首期先好買樓。……
除非你阿爸有錢有能力,又願意付首期幫你上車,而你就婉拒阿爸好意話要靠自己儲夠四成先買,咁你就可以話人不應該,否則你只係冇父幹,唔係咁清高。

至於話詭道行事,本地咁多學生考唔入大學,父母送佢地去外國謮,又係詭道行事?

4.順從自然?咁通波仔續命又違反自然?中國古代冇通波仔喎,塞咗就等死最自然?順手自然,快些投胎下一世就得到真正的自由?
106. 文章風格 2018-06-07 10:53:37
看文章風格和立場,104樓莫非是早年沽空自住樓賭跌,今日死撑租樓日日賺,自稱有錢但專登唔入市,成日唱市就跌的「浪子心聲」?
107. 樓市中哥 2018-06-07 11:36:39
回104/f
謝分享
有些人單一價值觀,不容許其它聲音真的很可怕。
108. 樓奴的一生 2018-06-07 12:36:17
<<樓奴的一生,到底在追求甚麼?>>

一個下午,一名住大西北的收租佬經過大快樂吃Tea,看著一個拖著結他的年輕人悠然自得,優哉悠哉地嘆茶。

收租佬搭訕,向年輕人的悠閒生活恭維了一番,還問︰這樣能養活自己嗎?

年輕人說,我有正職的,夠吃便好。

收租佬再問,你為甚麼不把時間花在兼職或進修,多存錢買樓?

年輕人覺得不以為然︰我每月一萬兩千元,已經足夠我生活所需啦!

收租佬又問:那麼你一天剩下那麼多時間,都在幹甚麼?

年輕人解釋:我呀?我每天睡到自然醒,上上班,回來後食下雞,再跟女友睡個午覺,黃昏時晃到西洋菜街擺檔,玩玩吉他,我的日子可過得充滿又忙碌呢 !

收租佬不以為然,幫他出主意,他說:我是薄扶林大學財務策劃碩士,我可以幫你忙 !你應該每天多花一些時間兼職或進修,到時候你就可以升職加薪,有錢去買房子。自然你就可以放租,之後加按變現,買更多房子、工商廈、車位等等,擁有一系列的房產。到時候你就不必上班 ,而是成為房產王國的老闆,可以控制整個放租、續租過程。然後你可以離開大西北,搬到市區,再搬到啟德買一手私樓,在那裡經營你不斷擴充的放租業務。

年輕人問:這又花多少時間呢?

收租佬回答:十五到二十年。

年輕人問:然後呢?

收租佬大笑著說:然後你就可以在家當皇帝啦!時機一到,你就可以宣佈把您的房產投資系列化成股票上市,把你的公司股份賣給投資大眾。到時候你就發啦!你可以幾億幾億地賺!

年輕人問︰然後呢?

收租佬說:到那個時候你就可以退休啦!你可以搬到大西北退休。每天睡到自然醒,上街隨便吃個Tea,跟女友睡個午覺,黃昏時拖著結他到MK擺檔,跟大家分享心愛的音樂!

年輕人疑惑的問:我現在不就是這樣了嗎?

___________________________________________


跟大家分享。年輕人盲目追價前,應先反問自己三條問題︰
1. 到底「窮得只剩下樓」的生活,是否我們想要的人生? 
2. 年輕人為什麼要急著為自己套上枷鎖? 
3. 這供樓循環的status quo真的不能挑戰的嗎?

一千個人,就有一千種可能。保持理性,不被情緒沖昏頭腦,是人類生存之本。共勉之~
109. 老婆奴 2018-06-07 16:55:43
買樓就被貶低做樓奴,莫大毛鳩流流一世人娶唔到老婆,就話其他結左婚男人為一棵樹放棄成個森林,一世老婆奴,好似佢咁自由自在就最叻仔。

有次入叫鷄網見一留言話:叫鷄唔好㗎,又浪費金錢,又有機會染性病,一中愛滋咁就一世……

網主回佢:你冇興趣叫鷄入來叫鷄網做乜?你自己唔敢叫大把人叫,返去道學網自high啦。
110. 歷史長河 2018-06-07 18:54:08
嘩,上升到價值觀的高度了,咁只好有請珍惜香港嚟主持大局啦!

——————————————————————————-

曹伯眼中嘅青春

曹仁超話:年輕人,不要讓 500 尺綁住你的青春。一句說話,一個專訪,就抹煞哂香港人,幾十年嚟嘅努力。就好似,一對盲字都唔識多隻嘅父母,辛辛苦苦用一雙手,養大自己對仔女。跟住,對仔女同父母講:你地已經過時啦!各位唔好誤會,以為對仔女嘅意思,喺認為父母冇學識,不合時宜。佢地喺話,「努力」呢家嘢,已經過時啦!今日最時興嘅,唔喺義務,喺權利嘛

所以曹伯話,年青人冇創意,喺因為租金太貴,冇個車房俾佢地思考喎!而香港攞得台灣同 INTEL 果啲二手嘢,就話要搞半導體?嘥氣啦!冇頂級國防科技送上門,點開工呀?創業?使乜咁辛苦,左借右借,仲要清哂自己寶貴嘅積蓄,舉埋自己啲磚頭出嚟?OMG!梗喺要學下人地,搞個 IDEA 攞番一兩球美金洗洗先,天跌落嚟嘅錢,唔使負責,即喺冇壓力啦!皆因我地啲年青人,有壓力果陣,喺諗唔到嘢架!再加埋個車房,輕輕鬆鬆咁思考,容乜易搞咗個 FACEBOOK 出嚟?

當日我話,睇完曹伯果篇專訪,終於見識到,乜嘢喺「廢」,我諗我已經好俾面。無疑,曹伯對時下嘅年青人,寵愛有加,就好似有啲父母,溺愛自己嘅子女一樣;又有如董前前特首,呢位老人家咁,都唔知幾愛護香港市民,仲話要八成市民有自置物業,出埋錢幫佢地都冇所謂喎!或者佢有所不知,佢想,人地都未必想,做乜強行要八成人置業?雖然我亦好鼓勵,有能力嘅人,及早上車,不過唔上車,亦唔使死嘅。呢個世界,總有人買樓,亦總有人租樓,最重要喺,自己冇嘅,千祈唔好眼紅人地有,更加唔好眼紅人地有多幾件收租,話人地霸住哂啲資源。

曹伯對物業投資,作全面嘅否定,認為靠收租嘅社會冇前途。呢位故人,對好多香港人,影響深遠,但可惜最後留低嘅,卻喺抹煞香港人,幾十年嚟努力嘅言論,亦令到物業投資者,以及窮一生之力,貢獻社會嘅生意人,含冤受屈。最近湯博士出文,講新特首嘅首要工作,引嚟一番討論,當中有人提到內地「房子用來住,不是用來炒」呢個大方向。以前講炒樓,都喺泛指果班低入高沽,短期賺價嘅投機者。佢地空置物業,浪費資源,被冠以「炒家」嘅污名。今日,就連腳踏實地,買樓收租嘅長線投資者,都受到針對,俾人講成喺炒樓,真喺可悲。再加辣,最多叫佢地唔再入貨啫,但咁都唔夠,仲要玩乜新思維,搞乜租管、搞乜房產稅之類,強要人地嘔番啲貨出嚟?咁香港,仲可以有資格,叫做國際金融中心咩?
111. 樓市中哥 2018-06-07 22:55:54
好奇一問,買樓買舖所謂"長線"投資者對社會有什麼貢獻? 當租金不斷加,小本生意大部分利潤被地主蠶食,這社會還有活力可言?
我知道有些國家會有租金管制來平衡。如法國政府會補貼書店。文化產業對社會均衡發展很重要,但在香港就很難生存。


112. 樓市中哥 2018-06-07 23:00:02
not only book store,  but I think most family own business are struggling to survive.   what  left behind are franchise who can tolerate the high rent.  What left behind is a city without soul, life or character.


113. 都係浪子 2018-06-07 23:10:49
108/F抄個故事,講完一大堆最後結論就兇年輕人,可能知道見過世面嘅人根本心裡有數,唔會信佢支笛,最好笑係嗰句「年輕人盲目追價」,講到今日嘅年輕人盲目冇思想,但又有能力去追價買樓喎?錢從何來?
乜而家有年輕人「被情緒冲昏頭腦」,好唔理性去打劫銀行來買樓咩?

年輕人錢從何來?有錢有能力嘅隨時買,未有能力住夢想下置業安居就係「冇理性」?
115. 可怕? 2018-06-08 09:40:25
#107

當你睇穿這些不用負責,零成本的言論背後目的時,先講可怕未遲。
116. 可怕? 2018-06-08 10:12:13
#111

香港40年前已經被稱文化沙漠,那時還未有(地霸概念),唔好將社會問題乜都入晒物業投資者身上,講貢獻?乜香港地要有貢獻先可以立足?

你的思維似乎更可怕。
117. 歷史長河 2018-06-08 12:25:54
114 回應 : 插句咀

有D人鐘意滿口仁義,但暗藏私心日日出文唱臭個市,真係嚇死加害死唔少人(以住蹟黎計)相比起正苦屙個屁就話會爆煲果D文章長河兄呢度嘅文章同討論真性情得多
——————————————————————-

114 插句咀兄,多謝🙏。不知何故你的留言未能顯示,可能因為用咗禁字,建議以後將「爆煲」改為「叉叉」,這樣便皆大歡喜。



118. 歷史長河 2018-06-08 12:40:38
#111 樓市中哥兄,你問買樓買舖長線投資者對社會有何貢獻,珍惜香港兄以前曾經有所論述,請指正。謝謝



物業投資嘅貢獻

可惜,更遺憾嘅喺,今時今日,社會上好多人,尤其啲主流媒體,都鼓吹呢種態度。難怪會有網友,否定物業投資對社會嘅貢獻,反而將啲金融嘢,同創業混為一談,仲美其名為「多元化」嘅發展喎!試問一個醉心股場嘅人,可以有幾創新?可以點創業?日日睇住個市,整日分析埋啲唔知會唔會跑得出嘅,所謂預測,仲剩番幾多時空去創新?俾你响股場撈咗一筆,真喺會腳踏實地咁,走去創業咩?

其實物業投資,對社會嘅貢獻,唔在於投資嘅本身,而喺在於物業對社會、對個人,衍生嘅一系列,有形以及無形嘅「值」。否定物業投資,即喺否定香港人,多年嚟建設香港嘅努力,亦即喺否定咗,香港嘅歷史。

我地呢一代嘅人,買物業自住,都只喺為咗一個「家」,而唔喺為咗乜嘢賺錢。穩定自己嘅家人,唔要佢地居無定所,同時鎖定支出,先至可以一心一意咁,投身响自己嘅事業同生意度。曾幾何時,我根本就唔知乜嘢喺負資產;買咗,就喺買咗;借咗,就喺借咗。欠銀行幾球,乜唔喺已經負咗咩?借錢買嘢,當然要依時歸還,個樓價升升跌跌,關我筆債乜事?唔通唔使還?既然從來都認為自己喺負咗,咁到沙士果陣,啲人講負資產,我都只喺一笑置之,反正都喺一樣咁住,一樣咁收租,一樣咁還錢。

其實好多生意人,都有買物業收租,佢地將自己嘅積蓄,放哂响啲磚頭度。創業嘅第一桶金,通常都喺嚟自好有限嘅儲蓄,或者同親朋戚友借,又或者抵押物業融資,唔夠,就幾個拍檔夾份。結果,離離合合,上得軌道嘅,可能只剩番一兩個老細。遇上周轉問題,好多時,都要舉自己啲物業出嚟,唔喺邊個肯借俾你?成功嘅,就成為出色嘅生意人,順帶成為出色嘅物業投資者;而失敗嘅,就連自己儲蓄多年嘅磚頭都敗哂,甚至搞到破產。過往幾十年,有幾多可歌可泣嘅故事,建設成今日嘅香港?香港人,似乎已經忘記哂呢啲往事。
119. 偉雄 2018-06-08 14:24:22
回114,同感!
120. 貢獻社會 2018-06-08 17:55:14
既然話貢獻社會,當踢爆向年輕人洗腦都叫盡分力啦,以下呢段野來自#104……

4. 突破思維框架︰

道德經有云︰「道法自然」,順從自然,是天之道。所謂「人生規劃」或「人生目標」,都是artificial的,都是違反自然的嘗試,這對人對己,皆有害無利。

其實,人生是我們自己的事,根本無需向別人交等些什麼,也無需糾結在「我要享受」或「我要省錢」的二元對立死胡同,因為善惡、好壞、對錯等,都只是人們主觀的價值判斷,是禁閉我們思想自由的牢籠。只有忠於內心,順乎自然,才能得到真正的自由。

所謂「人生規劃」或「人生目標」,都是artificial的,都是違反自然的嘗試,這對人對己,皆有害無利。

小學作文(我的志願)相信人人作過,雖然冇講到人生目標或人生規劃咁巴閉,但性質一樣,將咁正常嘅思維妖魔化,說成是違反自然的嘗試,對人對已皆有害無利,作者為了打擊年輕人上進之心(目的係千祈唔好想買樓),將抱負講成係違反自然,其居心可見一斑。

隨時被cut出唔到,打住咁多先。
121. 貢獻社會 2018-06-08 19:09:29
既然出到就繼續講埋佢。

#104作者用中國古人道理作包裝,以誤導式手法向年輕人推銷(自由,自己中意就做,理得人點睇)後生仔最啱聽,連一絲罪惡感都可以抹走埋。第二段咁寫……

其實,人生是我們自己的事,根本無需向別人交等些什麼,也無需糾結在「我要享受」或「我要省錢」的二元對立死胡同,因為善惡、好壞、對錯等,都只是人們主觀的價值判斷,是禁閉我們思想自由的牢籠。只有忠於內心,順乎自然,才能得到真正的自由。

正所謂食色性也,任何人都傾向享受多過捱苦,但享受就一定有代價,和省錢是對立的,不過後生仔想儲首期就一定要慳錢,佢叫你順乎自然,當然消費享受就最過㽼啦,聽佢話你點可能儲到首期?

待續
122. 貢獻社會 2018-06-08 20:08:39
眾所週知,香港樓價不斷高升的原因不外是供應有限;各方需要又多,有人希望樓價回到較低水平以便上車可以理解,政府辣招一再推出,壓抑需要只能治標,供應又受制在冇地和地霸唧牙膏式賣樓,這個結一時三刻都難解。

出現天災人禍當然可以令樓價下跌,不過這因素普通人無法掌控,那麼在供應,天災都不受個人意願左右時,有人就從需求方向埋手,只要有剛需的生力軍不敢/沒能力買樓,市場上需求的人數就會減少,如果後生仔個個都咁上進,人人都想買樓樓市點跌?

以前考試先約你踢波嘅係乜野朋友?
123. 大雄 2018-06-08 22:19:57
心地唔好嘅朋友
124. 痛苦真相 2018-06-08 22:33:17

林一鳴表示,過去五六年每天幻想樓價大跌的人,最近真是絕望死了。

居屋也直逼千萬,資深地產分析員林一鳴表示,現在樓市升極都唔識停,樓價升到痴咗線,最主要是「而家唔買,遲D買重貴」的心態,就算今天摸頂都要入市。這是一種「希望變絕望」的心態,當初有很多人以為政府辣招可以壓制樓價,加上高官的不斷提醒樓市風險高,樓價已超出市民負擔能力(當時新界上車盤還是二百萬元,高官就開始提醒了),息口很快上升等,令到一班人期待樓價下跌,甚至將自住樓賣出。

但到了現在,這些人都變得絕望了;辣招越壓樓價越升,銀行一直不加息,土地供應專責小組搞了半年,更令人相信政府根本冇能力搵地,結果心態開始變得絕望,如果而家唔買居屋,遲些可能連公屋都買唔起,於是破頂都要入市。

他又指,特別是辣招剛推出時賣樓轉租的人,交了幾年貴租,現在同一筆錢買細一半面積都不夠,過去五六年每天幻想樓價大跌,最近真是絕望死了,相信大家身邊都有很多這樣的人,當時賣樓的錢,今天在樓下買車位都不夠,心情真是好痛苦。

125. 樓市中哥 2018-06-09 09:23:26
長河兄:
指正就不敢,我也是向大家學習

我覺得文章所述只是社會一小部份,更多人是把自住樓加按來投資更多物業而不是自己的事業?

當然這樣做没有問題。在香港退休没有很大保障,投資房屋變成保護自己及家人的一種方法。在個人的層面,這是合當的做法。但在社會的層面,如果講到貢獻,我就很難理解。


126. 歷史長河 2018-06-09 13:18:55
中哥兄,如果大家都能做到自食其力,老的時候不給政府兒孫添負擔,你說這個社會將會多麼美好啊?共勉之
127. 阿豬 2018-06-09 15:34:17
小豬工作之地常見老來無依的老人家。老來沒$真係好淒涼。
128. 澳洲 2018-06-09 17:27:14
請問現在珀斯和墨爾本樓市情況怎樣
129. 大壓力 2018-06-09 21:10:50
有人因為睇錯市,承受了好大壓力,日日夜夜都想政府出空置稅。

當包面架上的出爐麵包(一手樓)被沽清,大家沽下未來一手樓會不會被瘋狂加價。
130. 公關技巧 2018-06-10 08:35:33
政府研究一手樓空置稅已近尾聲,地產建設商會執行主席梁志堅表示,政府高估了空置單位數目,他認為只有3,000至4,000伙,低於政府估算逾半;又指羊毛出自羊身上,發展商或提高單位售價,將成本轉嫁市民。
131. To 貢獻社會 2018-06-10 09:12:23
事事未滿足

金堆滿大屋未謂滿足
日日淘萬金未謂滿足
百千婢僕照樣不知足
娶妻娶妾未可滿足其慾

當起了縣官尚未滿足
又做成尚書亦未滿足
要爭國權要奪千秋帝基
苦爭苦霸未可滿足其慾

事事未滿足
死心不會服
有朝慘變實在自取其辱

所謂人心不足就蛇吞象
做佐神仙都未必滿足
只怕天梯依然未撘起
牛頭馬面來將你捉 

落到地獄就想做閰王
做佐閰王又怕孤獨
問君何所慾
問君幾時先至滿足

金堆滿大屋未謂滿足
日日淘萬金未謂滿足
百千婢僕照樣不知足
娶妻娶妾未可滿足其慾

終須有日生命亦結束
須知那天奢望未結束
太貪變貧有日終須會知
有朝君你大哭自取其辱

事事未滿足
死心不會服
有朝慘變實在自取其辱
132. 貢獻社會 2018-06-10 10:23:46
#131無論用乜名,陣(除)都令我想起那位沽空自住樓賭跌,今日死撑話(租樓日日賺),自稱有錢在手但專登唔入市,批樓價就跌批左幾年嘅「浪子心聲」,上次浪子用Sam Hui首【杯酒當歌】來自嘲,今次#131用【事事未滿足】贈我,雖然牽強但首歌好聽,証明浪子,#131同我(三個人!)都係同一年代嘅人,五十幾勾在今日市況下沽空左自轉樓,無所不用其極咒市跌搏上番車嘅心情可以理解,但衰到打擊年輕人的上進心來意圖減少需要的做法就太自私。

呢次又睇下admin出唔出。
133. 貢獻社會 2018-06-10 10:37:30
哈哈果然一按send段野就冇左變成條藍線,admin果然對我的IP好眷顧,冇所謂啦浪子同我都係聽Sam Hui大嘅,就送首阿Sam嘅【男兒漢】勉勵年輕人,保持上進之心咪聽人教(順乎自然)去隨心使錢,為將來今日捱苦省下首期,終有一日回顧就知是誰在老點年輕人。

許冠傑 

男兒漢

作詞:許冠傑/黎彼得
作曲:許冠傑

男兒漢 誓要衝破萬尺浪
在四海奮勇闖蕩 心有毅力人自壯
*男兒漢 立志英勇自領航
誓要爭扎到彼岸 此志盡在四方

應苦幹 拯救弱小 殺豺狼
警惡懲奸 意若狂 管教碎膽瀝肝
真好漢 必要罪魁 劍下亡
警惡懲奸 意若狂 管教碎膽瀝肝*

Repeat*

男兒漢 自勉不要負眾望
被困災劫與風浪 不要墮入塵俗網
男兒漢 遇到波折莫志降
命裡總會有希望 黑暗漸露曙光 愁懷盡放

134. 何苦 2018-06-10 13:05:24
Admin 姐姐,本人是本論壇長期讀者。告訴妳老闆,妳越勤力,本論壇的點擊率及讀者回應就越少。長期一味為淡而淡,何苦!
135. 心態好緊要 2018-06-10 13:34:42
其實邊個年代買樓都唔容易,60後又好70,80,90後都好,有邊個年代既人會話而家買樓好舒服供得好開心?家父自稱84年買樓時都係搵得4000蚊個月,當時層樓價25萬息口十幾厘。

心態真係好緊要,心理質素差既人真係好易做錯決定而永不超生萬劫不復。而且響香港買樓呢個動作,基本上自己意智要好堅定先做到,左猜右忌往往錯失好多機會。

每日都有成交,每個成交都有每個買家既故事,投資定自用乜人都有。點解自己要買入/賣出,買入/賣出之後條路點行。當你買樓,身邊親戚又好同事朋友都好,總有一班人話而家好貴好易奶野,再拋多幾句新聞報道講到口臭既加息/地元政治/增加土地供應問題一堆野黎叫你咪買。其實交緊2000蚊租既公屋戶、出面市價租緊樓既人、住自住樓既人及同家人同住既人,睇法同心態又點會一樣,意見又點會全部可取?

當然,好友淡友各執一詞無話邊個對與錯,但旗幟鮮明好緊要,知道自己做緊乜。所以我好佩服天水圍林太果種決心同心態,要做就做,唔使理任何人講乜。
136. 歷史長河 2018-06-10 21:27:55
# 128 澳洲兄,

澳洲的主要城市基本上在去年下半年由悉尼樓市調整開始而步入調整期,墨爾本緊隨其後。目前調整幅度不大。這次調整主要由澳洲監管機構 APRA 收緊銀行信貸而引起,調整期會有多長?一到二年都有可能。珀斯市場我不熟悉,而我個人的投資喜好則一直是大城市。這裡有一個討論珀斯的帖子,有興趣可以瀏覽下:Perth Market 2018.
137. 歷史長河 2018-06-10 21:29:57
#135 何兄,貢獻社會兄,
事實勝於雄辯,為admin 姐姐點贊👍
138. 貢獻社會 2018-06-10 22:18:06
贊一個admin姐姐,但好多時唔cut的話就一炮雙響,例子如kick一下send就走出#133,134兩段相同的留言,可以改善嗎?感謝。
139. Jon 2018-06-11 03:10:57
To 127樓,

年幾大,有錢人哋都唔租比你,怕你死係佢間屋。親歷其景,我有長輩,70幾比人趕出家門,好慘,深水埗劏房都揾咗幾十間!仲要個仔出面簽約同比貴D租金先肯租比佢 我之前分享過呢個經歷。自住樓一定要有!唔理你唐樓定豪宅。。。到老先有專嚴,唔駛比人踢唻踢去。
140. 貢獻社會 2018-06-11 10:11:37
你睇娃娃影后李菁單case,對雙方來說都係悲劇。RlP。
141. 歷史長河 2018-06-11 12:12:29
近排大家都在討論空置稅,焦點集中在有沒有效果。 政府的估算是市面上大概有九千個空置一手單位,這是一個累積數字,也就是說自從盤古開天闢地以來,香港發展商在賣咗一百多萬單位至今日終於累積了九千單位未賣。做生意都會有存貨,這是常識。那麼九千是多是少,大家見仁見智。

至於有沒有効果,我認為會有。原因并不在這九千單位,因為香港所缺的并不是幾千單位,只要睇下有幾多人住劏房便知。更何況賣完這九千後變成零庫存,大家更驚。水庫無水,便失去防洪抗旱之功能。那麼功效何來?功效在於政府明話俾大家知自己已變成民粹政府,為求做嘢,不惜打爛香港一向引以為傲的「簡單稅制」,「少干預」等金色招牌,隨便揾一個似是而非的原因,便祭出一個又一個干涉市場運作的結果未明的爛招。這樣一而再再而三的結果便是影響投資者信心,損害香港競爭力,破壞香港經濟,最終也會反映到樓價上面。如果用破壞香港經濟來打擊樓市的,招數可謂數不勝數。

如果有人以為空置稅只是針對發展商,以幸災樂禍的態度樂見其行,最終只是損人不利己!
142. 貢獻社會 2018-06-11 12:27:45
真係唔想講,今日幸樂樂禍咒樓冧嘅人,十個九個冇力買樓。
143. 老施找數 2018-06-12 10:44:57
【信報】指,施永青認估錯市,「升到你迷信」,催生「父按母按」風氣,全年樓價料升20%。今年住宅樓市升勢凌厲,中原集團創辦人施永青接受本報專訪時亦直言升幅遠超自己預期,「依家樓價唔止反映新一代購買力,仲反映緊上一代購買力」,當購買力只反映這代年輕人,對樓價升勢就會有制約作用,但父母幫子女上車就令有關制約作用失效,直言現時「唔到你唔調整(全年樓價升幅)預測」,故調高全年樓價升幅預測至15%至20%。
144. 向引刀‧土著‧自醉‧浪子‧阿井 說不 2018-06-12 20:31:49
145. 引爆一快 2018-06-13 02:31:13
144,堅定流?👷
146. 貢獻社會 2018-06-13 09:39:29
【說不】講的三幢新樓炸拆條片睇過,不過真正背景就隨人加上去,可能係:

1.真係冇批文,政府做野。

2.三棟樓睇真未完成所有外牆裝修,有機會被發係豆腐渣工程要拆卸。

3.可能KFS覺得原方案唔夠靚,推倒重來。

4.睇片幅臨海地咁正,被有更大勢力人士要霸佔。

唔係條片咁明顯係拆樓,老作話恐襲有有之。
147. 自然人 2018-06-13 11:14:36
流野
上網查左,係山東煙台爛尾樓,真係惠佢老尾,老作新聞
148. 向引刀‧土著‧自醉‧浪子‧阿井 說不 2018-06-13 12:01:49
2018-05-28 09:08:23我们视频 ·作者:齐超
原创版权禁止商业转载授权

5月26日,山东烟台,位于开发区沿海的十年烂尾项目维亚湾四栋楼陆续爆破,现场拉有警戒线,并且实施交通管制。根据公开信息显示,爆破项目为维亚湾楼盘,2009年停工,后经收购又转让,2017年被依法收储,2018年重新挂牌出让。烟台开发区发布称,烟台新鸿宇酒店管理有限公司通过公开招拍挂形式,竞得峨眉山路北首海边地块和地上建筑,规划建设五星级酒店和会议中心。目前,爆破工作已结束。




149. 市場反應 2018-06-13 19:08:44
財政司陳茂波在6月4日於立法會表示,空置稅的研究已去到最後階段,消息出了後,當然不同評論員有不同的觀點發表,但我覺得最重要,就是誠實的市場反應,市場以成交和破頂去回應這消息,究竟市民是不害怕還是唔識驚!?
150. 貢獻社會睇車 2018-06-15 08:57:23
1997年政府中過招。。。。。

諗住只要防止低購買力人士入場就可以保住樓市健康。。。。。。

諗住長升長有。。。。。

樓市到左呢個地步。。。。。

我不防直言。。。。。

2018年樓市爆破唔係買方面。。。。。。

而係賣方面。。。。。

近幾年樓按二按公司百花齊放。。。。。

瘋狂放貸。。。。。

市民按樓消費,加上做生意投資蝕錢多數。。。。。

錢就消失了。。。。。。。

不過仲要供樓按貸款。。。。。。

加息經濟降溫向下份工都無埋。。。。。。

唯有斷供破產。。。。。。

到最後,

高價借出大額樓按二按公司要承擔壞帳。。。。。。。

這大批樓按二按公司既錢又係問大銀行借。。。。。

到期就要焗住賤價放樓還錢俾銀行。。。。。

到時樓市正式下跌世人皆知。。。。。。

有d放唔撤樓既按揭公司又要加入破產行列。。。。。。

此一刻已火燒連橫船。。。。。。

大型銀行都損手票。。。。。

另一廂,

美國佬加息。。。。。。。

問大型銀行還返qe時借出既錢。。。。。

還唔到又要加入破產。。。。。。

所以又會賤賣資產。。。。。

樓市。。。。。

151. 貢獻社會 2018-06-16 00:12:10
呵呵!點解咁奇怪叫我睇車嘅?乜你知我手上有好多物業?定估我係財仔?

樓上可能係業餘編劇或導演,成個社會甚至世界都係佢嘅演員,一切照劇本進行。

又夠鐘瞓覺發下夢先,今晚發外星人侵略地球,全球物業和經濟冧九成,我霸番間古堡住下先。
152. 貢獻社會 2018-06-16 00:21:23
我只係叫年輕人有錢都唔好(隨心而使),要學識克苦同節檢儲首期,機會係留畀有準備嘅人。

然而呢D理念有違你劇本?上進唔好咩?睇乜車?

車大炮呀?