地產博客 > 蔡志忠 返回
瀏覽人次:18246    回應:27
蔡志忠
2018年9月12日
樓市處於進退失據局面
 
蔡志忠
東區工商業聯會會長
港島工商團體聯盟會長 (2015-2016)

  國際形勢風起雲湧,中美貿易戰一觸即發,美國總統特朗普日前揚言要向價值2千億美元的中國貨品加徴10%到25%的關稅,更威脅還有第3階段的加徴關稅行動,涉及2670億美元,等於是向中國全部出口美國的產品加徵關稅。

  面對美國這種單方面貿易保護主義,中國表示一旦美方加徵關稅,也會立即採取相應的反制措施。大家都擔心貿易戰沒完沒了,筆者的看法較為審慎樂觀,美國已經「曬冷」也不過如此,中國大不了少做點生意,或將出口轉移到其他國家,當然營商環境會暫時差一些,但整體影響中國的經濟增長(GDP)率只有1%左右,天不會掉下來。

  美方向中方使出最大威脅,市場出現了最壞預期。美國有150個行業的組織機構,聯署寫信向美方貿易談判代表萊蒂澤表示反對,指出加徵關稅令成本增加,最終影響美國經濟發展。美國4大科網公司也公開要求別對他們的產品徵稅,否則會直接向本土使用者加價。除了商界提出反對外,連前總統奧巴馬也看不過眼,狠批特朗普是:「施政失當、危害民主、誇大建樹。」

股市高位回落 樓市繼續暢旺

  這是最壞的時候,互徵關稅沒有贏家,美國股市也感受到經濟將會受創,開始從高位回落,於是人們質疑特朗普還能將世人玩弄多久?回看香港樓股市場,這邊廂股市不振,恆生指數從年中高位3.2萬點,下跌至近日2.6萬點,下跌幅度近兩成;那邊廂新盤暢旺,近日西南九龍匯璽及將軍澳LP6兩大新盤,合共售出逾1100伙單位,為近半年交投最旺周末。中原城市領先指數也從半年前的171點,升至上月底的188點,升幅達1成。

  貿易戰能拖跨股市,但打殘不了樓市。近期輿論開始唱跌樓市,看淡後市的專家和評論員突然都跑出來,力舉一大推樓價大跌的理由,經濟前景不明,樓價身處高位,加息事在必行,難道樓市真要終極一跌?好友們總是害怕跌,其實更要害怕的是靜,樓價升一點或跌一點無所謂,別乾升乾跌就好。最重要的是讓更多人買樓換樓、沽貨套現,從而改善居住環境。

  筆者認為,在樓市進退失據之時,港府不應該自亂陣腳,房屋政策也不要朝令夕改。特首林鄭月娥日前表示,港府會多方面大興土木建屋,加大興建公營和資助房屋比例,而資助房屋(如居屋等)的價格已經和私人市場脫勾,定價會讓所有普羅市民都負擔得起,林鄭銳意將房屋市場分為兩個市場,但願本土香港人能夠個個安居樂業。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 東成 2018-09-12 16:23:42
分兩個市場,學新加坡,對基層係好事!

[筆者認為,在樓市進退失據之時,港府不應該自亂陣腳,房屋政策也不要朝令夕改。特首林鄭月娥日前表示,港府會多方面大興土木建屋,加大興建公營和資助房屋比例,而資助房屋(如居屋等)的價格已經和私人市場脫勾,定價會讓所有普羅市民都負擔得起,林鄭銳意將房屋市場分為兩個市場,但願本土香港人能夠個個安居樂業。]
2. 基層市民 2018-09-12 16:31:28
蔡老闆好文,支持學新加坡房屋政策,基層買得起樓市至健康!
3. 亮劍 2018-09-12 16:52:57
政府呢七八年喺樓市實施逆週期措施,出到嚟嘅效果同官員原本所希望的結果南轅北轍。

1 為防金融機構出現系統性風險,所以要置業者畀多啲首期,但咁樣那些有迫切住房需要嘅人仕,要是無父幹首期不足,便要向人租樓,基於呢十年八年按息支出遠低過租金嘅收入,租客越租得耐越唔見得多钱,真係越窮越見鬼。

2 政府驚樓市爆煲,所以要置業者畀多啲首期,這樣便出現另一個情況,因為銀行見準業主要畀成4x%首期出來,或要買按揭保險,咁銀行就算同你估足風險亦不大,例如層樓市價係8M,準業主已班倒3.2M首期,咁銀行就算借足4.8M出來,根本就唔使驚你爆煲,估足兼借多D畀你做裝修又點話。

3 政府增加各樣印花稅,本想令閒資唔好進入物業市場,但咁會令到有磚頭喺手嘅人,基於賣咗買唔返,又唔知你政府會不會基於民粹再加辣椒,如非必要雷打不放,這就是法子兄所講「收租佬發牌制」!

4 政府向二手物業設置重重關卡,小市民如果想買二手樓,要畀更多首期外,更要接受嚴格的按揭條款,小市民若果真係要安居樂業,唯有焗住買一手,咁發展商就有定價權,基於好少小業主有貨賣,發展商唔通同你有親?要價當然高。

喺香港楼市之中,政府、發展商、小業主、投資者、投機者、租客及中介都有相互關係,政府呢七八年的一連串出招,搞到成件事錯綜複雜,依家都唔知點收科!
4. 實事求是 2018-09-12 17:06:32
亮劍兄有道德,辣招實施冇得買二手,唯有買一手樓,關鍵係一手都借到錢,8成都得,二手冇得揮!
5. 的領會. 2018-09-12 22:18:08


但願本土香港人能夠個個安居樂業????????此是心胸狹窄的政治言論,任何人都知道,香港人口90%源於中國南遷人流,現在每天都有150名單程證到港定居人流名額,   何來: 本土香港人  能夠個個安居樂業。香港人就是香港人,住滿 7 年就是香港永久居民, 不存在 本土香港人  與非本土香港人  之分別......老胡塗的領會.


6. 支持者 2018-09-12 23:56:30
股市跌咗六七千點,樓市靜咗唔少,唯獨新樓仍然暢銷,剛性需求因素,樓市點都有支持,香港人口仲要大幅增加,樓價仲會再升.
7. al70 2018-09-12 23:58:19
其实楼主,多次刻意講分开兩个市埸1个普通,1个極高价市埸,系米诚意扭曲政府居屋置业楷梯意思?刻意搞到新楼好似好珍贵?多D佣?
甘又系,以前一層细单位百零二百万,而家閒閒6m up..
做一間等已等於以前2-3間佣。
sales少做冇錯,每月基本1单up ,仲洗也好似以前每月跑10几单。

8. 支持者 2018-09-13 01:46:05
TO:5樓,
香港政府地產辣招就係唔俾外地人買樓,照顧本土人士置業,港人港地同居屋都係本地人買,咁嘅政府都正常,個個國家或地區都本土人行先,美國最突出.
香港算最好,照顧唔同階層,係多元化公平社會.

9. 樓市中哥 2018-09-13 01:46:33
to 5/f

本地出生,交足稅都不能安居樂業,還要照顧每天150新來港的?
你可以大愛不分彼此,我們也有權保障土生土長香港人的利益。

如果政府能給統計新移民獲分配公營房屋的比例,我就會支持填海造地。

10. 支持者 2018-09-13 01:57:15
TO:6樓:
林鄭就係順應民意,分開兩個市場學新加坡,私樓將來樓價就唔會咁貴,維穩和諧更重要!
11. 支持者 2018-09-13 01:59:06
TO:6樓應該係TO:7樓.
12. 十一哥 2018-09-13 07:55:11
哂青兄    所有論點都係要建基於…息口夠低、銀號叠水先得、咁計…罪魁禍首咪又係QE嘅…必然連鎖效應囉。
9官罪過在放軟公營房屋供應、居屋政策冇執行初衷…補價就可以落鑊炒埋一份、市建訂價就同大錢袋拍住上。


13. 要買樓 2018-09-13 12:39:44

to: 

9. 樓市中哥 2018-09-13 01:46:33
to 5/f

本地出生,交足稅都不能安居樂業,

?????????????????????????????????????????

本地出生,住公屋的有三百萬人口,有一百萬以上攞綜援人口, 此類人口要不要也罷...此類人口不能安居樂業是必然的現象,何需要就佢哋要買樓???



14. 亞Q 2018-09-13 12:57:09
二手樓根本係無得同一手樓揮嘅 , 發展商財雄勢大 , 開價進取 , 只需在首期動動腦筋 , 便可引得買家如痴如醉 , 二手樓賣家只能守株待兔 , 希望碰到隻銀兩充足嘅盲頭烏蠅 , 才有成交機會 !
15. 十一哥 2018-09-13 16:18:00
呢度大家都係想賺磚頭錢、不過走咗鷄就零捨閉翳、tell到反艇、都係想大錢袋平D等佢地上貨執番份。

16. 於 2018-09-15 00:11:12
馬雲曾經說過一句真言:「在中國,企業家通常沒有好下場。」急流勇退,亦智者焉。

三千年來,中國頂級富豪,確實如馬雲所說,無好下場。西晉的石崇本來在湖北是一個小官,出任荊州刺使,但為官而無品,對路過荊州的商旅行劫,搶了別人的錢歸為己有,成為巨大的財主佬。

石崇富裕之後,生活豪奢,數百妻妾,每個都穿戴黃金和翠玉的耳飾,一日三餐皆為珍貴食材。連家中的廁所也放一張絳紗大床,即鮮血色的絲紗,在廁所這張大床邊,佈列十多名侍婢守候。

但當時還有一名富豪錢與他差不多,叫做王愷。王愷家中有一株兩尺多高的珊瑚樹。石崇去他家作客,故意用一把鐵如意將珊瑚樹打碎。王愷氣惱,石崇說:「不足多恨,今還卿。」命人到自己家中抬出六七株珊瑚樹,每一棵都三四尺高,比王愷本來那株還要大。

石崇豪奢而牛 B,舉辦宴會,美女陪同勸酒。若客人不肯飲,即當做美女勸酒失職,有一次一夜酒席,石崇就斬殺了三名勸酒的公關小姐。這樣搞當然有人打小報告。後來,晉朝發生八王之亂,石崇被指捲入政變遭逮捕處決。

石崇只是其中歷代富豪無好下場之一。馬老師是教育家出身,一定知道石崇的故事,所以馬先生經商,早就悟出智慧。以後若轉業為教師經營學校,那些家長子女若上馬老師的課,一定有福。

香港人希望馬雲即來香港辦一家馬雲功守道哲學綜合書院,特首林鄭月娥批地,大中小學,一條龍自任校長,相信香港家長排隊領報名表者,連同深圳過來的父母,一定由山頂向下排,經干德道登山電梯排到中環的石板街呢。
17. 一類別 2018-09-15 11:28:52


中原城市領先指數 CCL 每周五公佈 – 最新2018/09/14公佈,反映2018/09/032018/09/09(預計簽署正式買賣合約時段)的二手私人住宅樓價。一般在簽署臨時買賣合約後14日內簽署正式買賣合約。
本週公佈與上週比較與上月比較
[中原城市領先指數]

187.03

  0.75 %   0.85 %


中原經紀人指數CSI


本週公佈
54.19
更新日期: 12/09/2018


03/08/2015
08/02/2016
15/08/2016
20/02/2017
28/08/2017
05/03/2018
10/09/2018
0
10
20
30
40
50
60
70
80
90
100



觀望15年,現在才思考置業者,是否大腦發育遲鈍的一類別...

18. 避風雨 2018-09-16 12:04:31


現在香港人似乎喜歡買樓避風雨...


超強颱風「山竹」吹襲香港,但無阻新盤買家入市熱情。南豐集團旗下將軍澳日出康城LP6昨日推次輪488個單位,吸引大批用家趕入市,發展商指,截至昨晚九時半,該盤次輪單位售出約95%,而首兩輪合計沽出近950伙


19. 安排中 2018-09-16 13:51:45


[中原城市領先指數]    似乎在強迫大家買貴樓的安排中...有排唔跌,


20. 吹吹風 2018-09-16 20:37:00


剛剛去視察颱風一吓風後情景,道路上倒樹無數,真是難得一見的現象,商場大玻璃門,豪宅玻璃窗損毀是熱點,傳統石壁混凝土似乎比較實惠穩妥,目前,似乎是中價樓比較實惠......出去吹吹風,心情非常舒暢.



22. 泡沫爆破 2018-09-19 00:15:39
呢次總算吐氣揚眉,好友得把口,全部輿論都唱跌,咁都唔跌服咗你,包跌3至5成最少.哈哈!
23. 自然一派 2018-09-19 00:20:00
正確嘅分析,樓價終極一跌!

"貿易戰能拖跨股市,但打殘不了樓市。近期輿論開始唱跌樓市,看淡後市的專家和評論員突然都跑出來,力舉一大推樓價大跌的理由,經濟前景不明,樓價身處高位,加息事在必行,難道樓市真要終極一跌?好友們總是害怕跌,其實更要害怕的是靜,樓價升一點或跌一點無所謂,別乾升乾跌就好。最重要的是讓更多人買樓換樓、沽貨套現,從而改善居住環境。"
24. 得啖笑 2018-09-19 10:43:18
26. 泡沫爆破 2018-09-04 14:21:17
真爆煲了,內部資料顯示,年底跌3成,唔信問下專家啦,所有分析員專家博士教授都係一致認同大冧市來到!
27. 大頭文B 2018-09-04 17:54:14
Loser搬咁晒全世界勁人個名頭出來撑自己夢話,卻說不出一個實質例子。

樓市現實係一位天水圍林太,KO咗專家。
28. 得啖笑 2018-09-04 18:18:48
原來醒哥犀利過叻哥,有得睇內部資料,重知道三個月後跌三成,醒哥有咁厲害準確資料,照道理一早炒炒賣賣發咗達,點會做鍵盤戰士齋吹,重經常畀人窒到語無倫次嘅?

內部資料係咪來自閣下體內?


@@@@@@@@@@@@@@@@@@@@@@@@

你有內部資料嘛,使乜靠輿論。而家莫講跌五成,連一成都未開始跌,唱下就咁開心,已經成為人生最大成就吐氣揚眉咁巴閉,同牛頭角順嫂估中高貴妃邊一集死一樣咁犀利。

淡淡層次咁高,人生好易達到最高境界。




25. 黑心冇好報 2018-09-19 11:29:13
呢條友今生買到樓的話,我都願意寫過服字。
26. 大頭文B 2018-09-19 20:52:30
Loser話呢次總算叫氣揚眉,即係話畀人聽佢已經坎坷咗好多年,畀樓價夾到蠢袋都有氣,呢期儍侵玩野重唔得米,嘩!跳出來唱樓市三個月內跌三成,更可跌夠五成,何其權威,何其果斷。

成個十年寒窗苦讀,衣錦還鄉新科狀元咁氣概:各位鄉親父老,鄙人冇能力在高樓價下買到樓日夜發儍,今日榮譽宣布,我終於成功將樓價唱跌一半……雖然都係買唔起,然而我可以好自豪地,哈哈哈!
27. 得啖笑 2018-09-19 23:35:29
. 泡沫爆破 2018-09-19 00:15:39
呢次總算吐氣揚眉,好友得把口,全部輿論都唱跌,咁都唔跌服咗你,包跌3至5成最少.哈哈!

好友得把口,重起碼有層樓,你呢?
咁就叫吐氣揚眉,唔怪得你一世係租租。

28. 吐氣揚眉2.0 2018-09-20 09:59:26
好!一於年尾同業主傾續租時,同佢講佢個單位就快跌一半,叫佢減租50%先同佢租,哼!