地產博客 > 縱觀全局 返回
瀏覽人次:8957    回應:10
縱觀全局
判斷樓市要慎之又慎
 
陳偉強
理工大學專上學院講師
2017年12月9日 (東方)

一項有關香港居民置業意向調查顯示,過去十年來,估計約有六十一萬名市民沽出物業,其中三十六萬人沒重新買入,有買的,相信大多要「高追」,而其中的二十萬人,目前手上再無物業。這次統計是以業主做單位,一個業主成為「無殼蝸牛」,影響的就不只是個人,更有可能連帶整個家庭受累。一子錯,滿盤皆落索,我身邊不少朋友,賣樓後都覺悔不當初。

筆者在東方報業集團旗下的報章撰寫專欄,至今五年多,這段日子以來,不斷苦口婆心,奉勸置業者不要太迷信那些「盛世危言」,聽到甚麼「爆煲論」的調調兒更要慎思明辨。因為就我所見,一切的悲觀看法都是錯認路頭,誤判了方向,所謂「因地不正,果招迂曲」,你判斷方式錯了,結論愈往下探,自然就離事實愈遠,再依照自己的判斷作決策,便恨錯難返了。

因錯判樓市而受累,又何止是「落錯車」一批,同樣覺得後悔的,是本來可以「上車」、但因為太相信專家意見,以為跌市將臨,一直觀望,結果樓價由原本買得起,變成買不起。二○一三年初,市場普遍看淡樓市,筆者幾經斟酌之下,決定大膽在專欄中建議首置者可考慮把握機會入市,因為當時根本看不出樓價有下跌空間,它一旦發力,你就疾足也追不及了。

在下一直從事教育工作,不少大專院校學生畢業後,都視置業為頭號大事,如果錯判形勢,對往後的人生規劃影響甚大,故不時有年輕人問我意見,讓我深深感受到居住問題對港人的困擾。

所以,筆者素來奉勸樓市專家們,你們這個分析行業比其他的影響更大。作為時事評論員,假如誤判了東北亞局勢,讀者最多笑你失算。但樓市專家錯判市場,別人又聽信的話,可以影響嚴重,豈能不慎哉!

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 收租王Tony 2017-12-09 09:33:45

大膽,你竟然直指深得淡淡景仰既爆煲論磚家!

仲要係地產網同台展出!網主有冇隔過晒先出架?

陳講師要小心d,人地係博士,自己唱淡,家人入市既野你識條鐵咩!


佢會話你連挽鞋既資格都冇,憑咩論佢估錯晒....^__________^



落錯車 如離開了幸福的高速路
誰又保證我 明天將更好
若你的好只講不做 但我已再無去路
才後悔發夢(細價樓爆煲)那代價很高。~~~~~~呢排成日聽,好好feel~




2. 跌落社会下層 2017-12-09 09:41:53
花旗銀行委託港大社科研究中心,公布第三季市民置業意向調查結果,發現61萬人曾經在過去十年出售過住宅,當中25萬人出售物業後即再置業,落錯車人士則達36萬人,因為未有即時重新置業,當中20萬人現時更是非業主,眼白白看着樓價上升。

一大班落錯車的人士已淪为社会下層,子女也受累。專家们害人不浅。
3. 落錯車 2017-12-09 09:52:59
2015年,我聽到評論,話細價樓會爆煲。
對於我小小藍領來說,那小房子就是我的所有,我當然擔心。我決定落車,租樓住。
兩年過去,上車無望,而且租約期滿,業主收回單位,好不容易找到一個租盤,只是環境更差。
4. 害人不浅 2017-12-09 09:57:28
香港班專家學者,絕大多數都未炒過樓,好多自己都不是業主,長期租樓住。未落過場打牌夠膽死扮高手,根本冇資格評論樓市又亂發表建議,害人不淺。
5. 收租王Tony 2017-12-09 10:06:07

唔知文中提及既磚家唔知會唔會過黎呢度回應下咁呢~~~^________^


落。錯。車。 如離開了幸福的高速路
誰又保證我 明天將更好
若你的好只講不做 但我已再無去路
才後悔發夢(細價樓爆煲)那代價很高。
~~~~~~又聽緊!唔好意思~^_____________^

6. CCL 2017-12-09 10:45:24
這幾年我都向真懂樓市的人學野!就係全靠佢地我先知樓市發生緊咩事!所以我無諗過落車而且仲不斷揾機會再買, 今年終於做到一生三宅了~全靠呢班勁人頂住,如果吾係更多人落錯車!
真心多謝三傻,和汪總!
7. To:6 2017-12-09 13:53:45
👨🏻‍🎓:「🏚🗯」
💁🏻‍♂️💁🏻‍♂️💁🏻‍♂️:「🏠👍」
👨🏻‍🎓:「🙎🏻‍♂️👋🏻👞」


8. 樓市沒有專家 2017-12-09 23:25:58
只有赢家同輸家。多年來睇錯港樓的輸家,好多聴咗專家話的輸家折墮到要去大灣區餵蚊。其實大把地方樓價過香港,如菲律賓及肯亞。唔明點解佢地只想搬去大灣區。
9. 鏤狸千么 2017-12-30 19:27:59
買自住樓是分期付款買件用品 。

市價買 ,將來市價賣 ,

 比咗首期 , 月月供款 , 月月使用。

市價大跌 , 可考慮細換大 。

樓價大升 , 只代表银紙眨值 ,樓宇保值而巳。

責走自住用品等跌?唔使住吖?

觀望十幾二十年不買樓 , 除咗貪字, 還是貪字。


10. 引刀一快 2017-12-30 21:54:57
原來呢二十萬個揸住一百萬到五百萬嘅落車業主,揸住咁多資金都冇個投資成功,冇個做生意成功,又冇個移民,又冇個去大灣區喎。

而且,筆者知道佢地全部都唔開心,呢位筆者可能係最接近神嘅男人。

哈哈哈